JOHAN 3:5 - Kemethajüh (N) (Re-editing) Bible (BSI)

⁵ Jisu na luneng, “Hi atsentsawa no kizaden; anyi kesütanla atssü nu Aghamu wina pvügha nkeya tsü Anyiza Kadiyyi wi du meyacha.

JOHAN 3:5 Iomraidhean Croise

MATHI 18:3

nu khi, “Hi nthu kizaden, nthu kahang kemili pi ghanyithu ti sa nkeya tsü nthu na khiela tang Kadiyyi wi duya nben.

MATHI 19:24

Hi khineng ben, keban kesü na Anyiza Kadiyyi wi dule kesa na sunsiesa kesü na aghaceng ku wi keshhuwa la le.”

MATHI 21:31

Manyi thowa na ma ba kenenwa tsü sa nu?” Mathu khineng, “Atsa keqhaiwa tsüle.” Tsalina Jisu na mathu wi kiza, “Hi nthu kizaden, khajana kekhüthu nu keqheza men kedsathu na nthu tuwi na Anyiza Kadiyyi wi wa tendha.

MATHI 28:19

Tsalina ayyi nyi tsüdi wi wa mathu pi hi sansikeyathu saya thsülo; Abawa, Atsawa, nu Kemetha Ghamu nyan wina mathu pi baptaiz sa cülo,

MATHI 3:11

Nthu na leben khapeghe yadhale kesa pi nyu ccücale kesalina hi atssü pi nthu baptaiz saben, isala anyi kesü iseng wi gho ketenwa tsüna Kemetha Ghamu nu anni pi nthu baptaiz saben. Ma imiwi khangki nu hi ma ccüguwen lela nsen qole!

MATHI 5:20

Hi nthu kizaden, nthu ketsatan na Ayenkesansithu nu Farisithu miwi mehaiya ccüla nthu na tang Kadiyyi wi duya ben.

MARK 10:14

Jisu na tsü mukeya wi ma leben minuya nu ma sansikeyathu wi kiza, “Ghanyithu tsü nkhala, mathu yala hi wi gho thsülo, kepaghenanye Anyiza Kadiyyi na hathu hati kesa jile.

MARK 16:16

Thowa na nondi nu baptaiz saya khe ma hangsha yaben, thowa na n-nondi khe pi shü thsüaben.

MARK 9:47

Nu keujüla n-nyon kesü na no sa pi sami thsü lethu, tsü kuhoshi pilo. N-nyon keni pvünu annighajü wi wa kesa tsü n-nyon kesütan pvünu Anyiza Kadiyyi wi keduwa nghena mehai.

Luk Zhükechi Jühtheü Kemehaiwa 13:24

“Ajenka kemanghanwa wi dule nthu piketsü salo; kepaghenanye anyi kejon na ciwi dule saben isani duya nben.

Luk Zhükechi Jühtheü Kemehaiwa 13:3

Nyele! Hi nthu kizaben, nthu na kesami wi khapeghe meya lethu, nthu la mathu ti shüaben.

Luk Zhükechi Jühtheü Kemehaiwa 13:5

Nyele! Hi nthu kizaden, nthu na kesami wi khapeghe meya lethu, nthu la mathu ti shüaben.”

JOHAN 1:13

Mathu na asajjü kenen nyelela anyi kenen wina nyela Anyiza kenen wina pvügha yadha.

JOHAN 3:3

Jisu na ma wi kiza, “Hi atsentsawa no kizaden: anyi kesütanla pvügha neng nkesa tsü ma Anyiza Kadiyyi mu meyacha.”

JOHAN 3:4

Nikodema na ma wi keü neng, Anyi kesü keqhai seng wi khati sanu pvügha nengya mehai nu? Ma ma jja pvünon wi du nu keni tughuwa pvüghaya mehai kwe?”

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 3:19

Tsalina leben khapegheya nu Anyiza wi gholo, isathu ma nthu kesami teshi pi cüben na.

ROMNYI 14:17

Kepaghenanye Anyiza Kadiyyi tsüna kedsa nu kejjü ghena nye, isala ketsatan, kecca, nu anonkeghe Kemetha Ghamu na khuchi keten tsü.

ROMNYI 8:2

Kepaghenanye Aghamu yenwa na Jisu Khrista wina kahang sengho ithu kecüwa tsüna kesami nu keshü yenwa wina ithu lisha chi cüdha.

1 KORINTHNYI 15:50

1cünyuthu, hi khi kebenwa na asa nu ajjü hana Anyiza Kadiyyi ghongya nben, nu shü ketenwa tsüna shü nketenwa tsü pvüya nben.

1 KORINTHNYI 2:12

Ithu na ayyi hawa wi ghamu mu meya, isala Anyiza na pi ithu kecü tsüdila chüya thsüle kesalina Anyiza na kesun kechi Aghamu tsü muyadha.

1 KORINTHNYI 6:11

Kheni nthu pahan na tsüti kesa wi hang. Isala khili tsü kesami wi nthu samethayadha; nthu satemetha pi Anyiza wi chidha; Apvüwa Jisu Khrista nu Anyiza Ghamu wina nthu pi Anyiza tuwi meshonyadha.

GALATIANYI 6:15

Kepaghenanye ahyuhan le nhan lela ma men mangla nmi; isala anyi kesü kahang ketheü sa keyawa tsü le!

EFESANYI 5:26

Ma ajüh nu atssü wina kemehu tsü satemetha pi Anyiza cüle ha sachi,

1 PITOR 1:2

Jisu Khrista jühkina nu ma jjü pi satemethaya thsüle kesalina Anyiza Abawa kemeshen wina nthu kessiya nu ma Ghamu na nthu sa pi kemetha nyi saya thsüdha. Nanketizen nu kecca ya nthu ji sa ntsa sa keyawa salo.

1 PITOR 3:21

atssü tsü jjügi khili nthu hangshaya keben baptaiz kesawa tsü. Tsüna asajjü wi nkemetha bhu temetha kesa tsü nye, isala kemeshen kemehai wina Anyiza wi khishi kechiwa tsü. Tsüna Jisu Khrista hangneng-keshagha wina nthu hangsha yaben,

1 JOHAN 2:29

Keujüla nthu na Khrista tsüna tsatan kesa chüben lethu, anyi thowa na ketsatanwa saten khe ma Anyiza tsanga sayadha kesa nthu na chütiben.

1 JOHAN 5:1

Anyi thowa na Jisu na Khrista le nondi ten khe ma Anyiza tsanga kesü; nu thowa na aba kesü tizen ten khe ma tsawa la tizenden.