JOHAN 3:4 - Kemethajüh (N) (Re-editing) Bible (BSI)

⁴ Nikodema na ma wi keü neng, Anyi kesü keqhai seng wi khati sanu pvügha nengya mehai nu? Ma ma jja pvünon wi du nu keni tughuwa pvüghaya mehai kwe?”

JOHAN 3:4 Iomraidhean Croise

JOHAN 3:3

Jisu na ma wi kiza, “Hi atsentsawa no kizaden: anyi kesütanla pvügha neng nkesa tsü ma Anyiza Kadiyyi mu meyacha.”

JOHAN 3:5

Jisu na luneng, “Hi atsentsawa no kizaden; anyi kesütanla atssü nu Aghamu wina pvügha nkeya tsü Anyiza Kadiyyi wi du meyacha.

JOHAN 6:53

Jisu na mathu wi khi, “Hi atsentsawa nthu kizaden: keujüla nthu na Anyi Tsawa sa dsa nu ma jjü jjü nkesa tsü nthu miwi kahang nmi.

JOHAN 6:60

Ma senkeniethu kejonla ha za nu khi, “Kesansi jüh hawa ha dhu mtsü. Thowa na ha kinaya mehai nu?”

1 KORINTHNYI 1:18

Kepaghenanye Khrista na kross miwi keshü cüki ketsijüh hana dedi kebenthu tuwi kejüphon jüh, isala ithu hangshaya kebenthu tuwi tsü hana Anyiza kekhang.

1 KORINTHNYI 2:14

Anyi thowa na Aghamu npvü khe Anyiza Ghamu ju khukechithu tsü yaya nten. Anyi tsüti kesawa na ntsakhiwa tsüthu chüshiya nben; tsüthu na ma ghena kejüphon jüh, kepaghenanye tsüthu men keben tsüna aghamulen wi ketan ghan-nanya mehai.