JOHAN 3:3 - Kemethajüh (N) (Re-editing) Bible (BSI)

³ Jisu na ma wi kiza, “Hi atsentsawa no kizaden: anyi kesütanla pvügha neng nkesa tsü ma Anyiza Kadiyyi mu meyacha.”

JOHAN 3:3 Iomraidhean Croise

JEREMIYA 5:21

Kekaketsü salo; nthu kejima nu kejüphon nyithu, anyon pvüten lela mu nkeya, nu akhuna pvü ten lela zaya nketen nyithu.

EZEKIEL 36:26

Hi aleben ketheü nu kemeshen ketheü pi nthu cüden. Hi nthu leben kedhu lonwa tsü khupi nu ajühkeya leben pi nthu cüaden .

MATHI 16:17

Jisu na luneng, “Johan tsawa Simon, no kemihhi ntsawa le! Kepaghenanye atsentsa hawa ha anyi sajjü wina pi no ncü, isala tang wi kebenwa iBa pi no chü thsüle.

MATHI 19:24

Hi khineng ben, keban kesü na Anyiza Kadiyyi wi dule kesa na sunsiesa kesü na aghaceng ku wi keshhuwa la le.”

MATHI 21:31

Manyi thowa na ma ba kenenwa tsü sa nu?” Mathu khineng, “Atsa keqhaiwa tsüle.” Tsalina Jisu na mathu wi kiza, “Hi nthu kizaden, khajana kekhüthu nu keqheza men kedsathu na nthu tuwi na Anyiza Kadiyyi wi wa tendha.

MATHI 5:18

Chüyalo, atssan nu ayyi na keben chu nu pala tsüdila asakhenwa npi kesa tsü Ayenwa wi ajjügi kizza ntsawa nu keshenki kesü lela nmila saya nben.

MARK 10:14

Jisu na tsü mukeya wi ma leben minuya nu ma sansikeyathu wi kiza, “Ghanyithu tsü nkhala, mathu yala hi wi gho thsülo, kepaghenanye Anyiza Kadiyyi na hathu hati kesa jile.

MARK 9:47

Nu keujüla n-nyon kesü na no sa pi sami thsü lethu, tsü kuhoshi pilo. N-nyon keni pvünu annighajü wi wa kesa tsü n-nyon kesütan pvünu Anyiza Kadiyyi wi keduwa nghena mehai.

JOHAN 1:13

Mathu na asajjü kenen nyelela anyi kenen wina nyela Anyiza kenen wina pvügha yadha.

JOHAN 1:5

Kewegüwa tsüna kejang wi wegüden, nu kejangwa tsüna ma miwi khang meyacha.

JOHAN 1:51

Nu ma manyi wi kiza, “Hi atsentsawa nshinyi kizaden: nshinyi na atssan na sha nu Anyiza nyilothu na Anyi Tsawa miwi ki nu dugho keben muya ben.”

JOHAN 12:40

“Anyiza na mathu nyon pabhon nu mathu leben shanbhondha; isanu mathu nyon pi mu nu mathu leben pi chüshiya, nu hi wi kheneng ghothu hi mathu sa pi mehai cüthu keyishü ghena.”

JOHAN 3:4

Nikodema na ma wi keü neng, Anyi kesü keqhai seng wi khati sanu pvügha nengya mehai nu? Ma ma jja pvünon wi du nu keni tughuwa pvüghaya mehai kwe?”

2 KORINTHNYI 4:4

Mathu na n-nondi, kepaghenanye ayyi ha wi nkemehai cenpvü na mathu leben pi kejang wi chidha. Ma mathu sa pi Jühtheü Kemehaiwa wina kegho wegü kebenwa Khrista nyankethang cüki Anyiza tsi ti kesawa tsü nmu thsüladen.

2 KORINTHNYI 5:17

Tsalina keujüla anyi kesü le kesü lela Khrista wi benya lethu, ma anyi ketheü sadha; kaghawenwa na bvüdha, nu ketheüwa na ghodha.

GALATIANYI 6:15

Kepaghenanye ahyuhan le nhan lela ma men mangla nmi; isala anyi kesü kahang ketheü sa keyawa tsü le!

EFESANYI 2:1

Kheni tsüwi nthu na nthu kesami nu ajüh nkeya ghena aghamulen wi keshü sagho.

AYENZHÜNENG 29:4

Isala nansü kecu ma nthu ya nthu sakenan tsü jjügi pi nchü thsü.

TITA 3:5

ma ithu hangshaya. Hawa ha ithu kekuli kemehai ghena nye, isala ma nanketizen ghena ithu hangshaya, Kemetha Ghamu wina ithu satemetha pi pvügha ketheü nu kahang ketheü saya thsüdha.

JAMES 3:17

Isala tang wi kedugho kemetsawa tsüna atuwa kemetha, tsüna kecca, keccaketssü, nu apvüshang kemehai; tsüna nanketizen nu kekuli bi kemehai bün yaden; tsüna nyu nankepapa kesa nu nkenyeghe kesa nmi.

1 PITOR 1:3

Ithu nkesengcha sa pi Anyiza nu ithu Pvüwa Jisu Khrista Bawa cü nalo! Ma nanketizen kedi ntsa ghena keshü wina Jisu Khrista sa pi hangneng cü nu kahang ketheü pi ithu cüdha. Hana kahang kaghang kesü pi ithu pong cü,

1 JOHAN 2:29

Keujüla nthu na Khrista tsüna tsatan kesa chüben lethu, anyi thowa na ketsatanwa saten khe ma Anyiza tsanga sayadha kesa nthu na chütiben.

1 JOHAN 3:9

Thowa na Anyiza wina pvüghaya khe ma sami ben nten, kepaghenanye Anyiza yencükiwa tsüna ma wi ben; nu Anyiza wina pvüghaya kesalina sami ben nten.

1 JOHAN 5:1

Anyi thowa na Jisu na Khrista le nondi ten khe ma Anyiza tsanga kesü; nu thowa na aba kesü tizen ten khe ma tsawa la tizenden.

1 JOHAN 5:18

Anyi kesü le kesü lela Anyiza wina pvüghaya kesawa na sami ben nten kesa ithu na chüben, kepaghenanye Anyiza Tsawa na ma nonccaya nu Nkemehaiwa na gho ma patena ya nben.

1 JOHAN 5:4

kepaghenanye Anyiza tsanga tsüdila ayyiwa tsü chaya mehai. Nu ithu kenondi ghena ithu na ayyiwa miwi khang yaden.

CCÜCAKECHI 3:14

“Pi Laodikea kemehu nyilowa kecü zhüya: “Hawa ha Amen, atsentsa chüzawa nu jühtsentsa kesawa ketsijüh. Ma Anyiza na sahangkechi tsüdi miwi kekhang kesenwa.