JOHAN 3:2 - Kemethajüh (N) (Re-editing) Bible (BSI)

² Ma aghaja wi Jisu wi gho nu ma kiza, “Kesansiwa, no Anyiza wina kegho kesansi le kesa ikhang na chüben. Kepaghenanye anyi thola Anyiza na ma ssi nketen tsü no kuliketen azensuthu ha saya nben.”

JOHAN 3:2 Iomraidhean Croise

1 KADIMITHU 17:24

Nzawa na luneng, “Hi khili no ntsakhiwa Anyiza nyi kesü nu Apvüwa na no ccünengten le kesa chüyadha le!”

ISAYA 51:7

‘Ijüh kinalo, kemeshonwa chü kebenthu, hi pi nyu sansi keten jüh pi nthu leben wi chi pvü ketenthu. Anyithu na nthu nkhichi nu keminni gho lela nmessi lalo;

JEREMIYA 38:16

Tsalina Kadimi Zedekiya na kuthila hi wi khishi chi, “Hi hangkebenwa Anyiza, kahang pi ithu cü ketenwa Anyiza nyan wina hi no pi shü thsü nben nyelela pi no pathi mvu kebenthu kwen wi chi nbenle kesa kishenben.”

MATHI 22:16

Mathu na mathu sansikeyathu pahan nu Herod nyi pahan kesun pi Jisu wi chi nu khi, “Kesansiwa, ikhang na no atsentsawa khiten le kesa chüben. No anyi nankepapa nsala Anyiza len tsentsawa tsü pi nyu sansi den, kepaghenanye no anyi kizza kedi hesha nten.

MATHI 23:7

mathu na nyu asenkesapen wi mathu shalom sa nu mathu cila ‘Kesansiwa’ kesa tsü nenden.

MATHI 23:8

Nyu nthu cila ‘Kesansiwa’ nsa thsü la, kepaghenanye nthu tsüdila cünyunyi nu nthu Kesansiwa kesütan ben.

MARK 12:14

Mathu na ma wi gho nu keü, “Kesansiwa, ikhang na no atsentsenwa khiden, nu anyi nankepapa sa nten kesa chüben, kepaghenanye no anyi kizzakedi nsala Anyiza len tsentsawa pi nyu sansiden. Khajana pi Rom Kadimiwa kecü ayen benla nmi nu? Ikhang na pi mathu cüla ncüla nu?”

JOHAN 1:38

Jisu na kheneng manyi na ma nie keten muya nu hati keü, “Nshinyi na mangwa ghang ten nu?” Manyi na ma wi, “Rabbi, (ma jjügi Kesansiwa,) no khiewa hang ten nu?” tsüti keü.

JOHAN 10:38

Isala keujüla hi tsüthu sa lethu, anuphan ghena Abawa na hi wi ben nu hi Abawa wi ben kesa chüyale kesalina nthu na hi n-nondi lela hi kekulithu ketanla nondi keya-u le.”

JOHAN 12:37

Ma mathu jawi azensuthu ha tsüdi sachi lela mathu na ma nondi meya,

JOHAN 14:10

Filip, no hi Abawa wi ben, nu Abawa na hi wi ben kesa tsü n-nondi kwe? Hi ajüh pi nthu kekiza tsüna hi kekhang wina nkhi, isala Abawa na hiwi ben nu ma kekuli saben.

JOHAN 15:24

Keujüla hi mathu jawi thola saya nketen kekulithu nsachi lethu, mathu na kesami ben nkesa; isala mathu khili hi kekuli tsü muya nu iBa ishinyi qho nanmeghü wadha.

JOHAN 2:11

Jisu na Galilee yyi Kana nyuti wi amankesa kulikechi hawa ha atuwa nu ma ciwi ma nyankethang pi ccücachi nu ma sansikeyathu na ma nondiya.

JOHAN 20:16

Jisu na ma wi khi, “Maria!” Nzawa na ma wiwa khapeghe nu Ibri jüh wina, “Rabboni” (ma jjügi “Kesansiwa”) isa khi.

JOHAN 3:26

Tsalina mathu Johan wi ghola ma kiza, “Kesansiwa, kheni Jordan Ghaku nishuwa no gweghe keten no ma cüki kekhiwa anyi tsü meshenben ma? Ma khili tsü nyu baptaiz sabendha, nu anyi tsüdila ma wi wa bendha le!”

JOHAN 4:31

Tsü tsüwi sansikeyathu na Jisu wi khie, “Kesansiwa, pala pahan dsayalo!”

JOHAN 5:36

Isala hi asheikepi kesü ben, tsüna Johan sheikepi miwi diki; kepaghenanye Abawa na kekuli salo pi hi kecüthu hi tsü kekuli wina Abawa na hi kesun chile kesa isheipiben.

JOHAN 6:2

Anyitenti keti na ma nie wa, kepaghenanye mathu na ma kesakinaathu sa pi mehai kecü azensu tsü muyadha.

JOHAN 7:31

Isala anyitenti jawi kejon na ma nondiya nu khi, “Messiya tsüna gho lethu, ma anyi hawa miwi azensuthu ji kayi kulichi ben kwe?”

JOHAN 9:16

Farisithu pahan na khi, “Anyi ha sa pi mehai kecüwa hana Anyiza wina kegho sa nben, kepaghenanye ma Sabbath tsathang yenwa tsü nie nten.” Isala kepathu na khi, “Khati nu kesami nyi kesü amankesa hathu ha saya mehai nu?” Tsalina mathu jawi ajüh kepapa sa.

KEKULI 10:38

Anyiza na khati Kemetha Ghamu nu kekhang pi Nazareth nyiwa Jisu miwi chicü khe nthu na chüben. Anyiza na ma ssi keten ghena ayyi tsüdi wila wa nu kekuli kemehai sa nu nkemehai ghamu kekhang kekhu wi kebenthu tsüdila sa pi mehai cü.

KEKULI 2:22

“Hi Israel nyithu, ijüh kinachilo! Anyiza wina kegho Nazareth nyiwa Jisu tsüna Anyiza kekhang sen nu nthu jawi amankesa nu azensuthu kekuli tsü nthu na chüben.

FILIPPINYI 1:14

Nu hi atssüzü kesa ghena acünyu kejon sa pi Apvüwa wi kempvüza saya thsüdha, isanu mathu matsü tsüdi wi hi kempvüza sa kayi nu nmessila ketsijüh khi.

PENDHENYI 6:27

Tsalina Gideon na ma maghathu meshu tagha ssi wa Apvüwa na ma kekiza ti sachia. Ma aghanan wi tsüti sale kesa ma theghi nu anyithu messi kesalina ma aghaja wi tsü sa.