JOHAN 3:16 - Kemethajüh (N) (Re-editing) Bible (BSI)

¹⁶ Kepaghenanye Anyiza na ayyi nyi tizenghali ntsa kesalina ma Tsa ntsawa kesütan tsü lela khuchi, nu anyi thowa na ma nondiya khe dedi kesawa nyela anuphan kahang bendha.

JOHAN 3:16 Iomraidhean Croise

ADECHHÜ 22:12

“No ghanyiwa miwi nkwen nchila, nyelela ma miwi mangla nsa lalo. Hi no Anyiza messikü tenle kesa chüyadha, kepaghenanye no hi wina ntsa ma ketan kesawa tsü la ntepagha ladha.”

ADECHHÜ 22:2

Anyiza na khi, “Ntsawa Isak ma ketan no ma ghali ntsa ketenwa tsü ssiya nu Moria yyi wi walo. Ciwi hi no kiza na ayikha kesü miwi ma pi ahhansha sapi hi cülo.”

ISAYA 9:6

Ghanyi kesü pvügha pi ithu cüdha! atsa kesü pi ithu cüdha! nu ma ithu miwi kekhang kesenwa saaden. Ma pi “Amankesa Kesansichüwa,” “Kekhang ntsawa Anyiza,” “Anuphan Bawa.” “Kecca Kaditsawa.” le ciden.

MATHI 9:13

Wala Ntsawajüh na hati khi keben ha jjügi chüyalo, ‘Hi nanketizenwa nen khe asahang pi ahhansha kesawa tsü nye.’ Hi ketsatanthu nyela kesamithu ciya le ghole.”

MARK 12:6

He wi ma kesunchi kesawa na ma tsa ma kaghaliwa tsü ketan sadha. Asakhen ntsawa ma tsa tsü kesun pi kedengathu wi chi nu khi, ‘Mathu na itsawa ha kinyiküben kesa hi chütiben.’

Luk Zhükechi Jühtheü Kemehaiwa 2:14

“Tang kemisi ntsa wi kebenwa Anyiza nyanthangkeyawa salo! nu kecca ya ayyi wi anyi ma nen ketenthu miwi kebenwa salo!”

JOHAN 1:14

Ajühwa tsüna asajjü ceng shagha nu nanketizen nu atsentsawa pi pong pvünu ithu jawi hang. Ithu na ma nyankethang muyadha, nyankethangwa tsüna Atsawa ketan Abawa wina mukeya.

JOHAN 1:18

Anyi kesütanla Anyiza npi muya, Atsawa, Abawa kete wi kebenwa tsü ketan na ma sa pi chüya thsüdha.

JOHAN 1:29

Dhitsüwa wi Johan na Jisu ma tetsaki gho keten muya nu khi, “Ae, Anyiza khaghanenizza ayyi kesami sen nu bvüa ketenwa tsüna ka kale!

JOHAN 10:28

Hi anuphan kahang pi mathu cüden, nu mathu na khiela shü meyacha. Thola ikwen wina mathu khusen bvüya nben.

JOHAN 3:15

isanu anyi thowa na ma nondi ten khe anuphan kahang muyaben.

JOHAN 3:18

Anyi thowa na ma nondi ten khe kemeshensa nmidha, isala thowa na ma n-nondi khe tsüthu meshensadha. Kepaghenanye ma Anyiza Tsa ntsawa tsü nkenondi ghena.

JOHAN 3:36

Anyi thowa na Atsawa nondi ten khe anuphan kahang bendha; Thowa na Atsawa jüh nkina khe kahang nmi, isala Anyiza leben kekha kekhu wi benden.

JOHAN 6:40

Kepaghenanye hawa ha iBa kenenwa: Atsawa muya nu ma nondi keyathu tsüdila anuphan kahang benyaden, nu hi asakhen tsathang wi mathu zanki pi kahang wi chiyaden.”

ROMNYI 5:10

Ithu na Anyiza ghinyithu sa gho, isala ma Tsawa keshü wina ithu pi ma pvüshangthu sayadha. Ithu na khili Anyiza pvüshangthu sayadha, nu tsü miwi Khrista kahang wi ithu hangshaya metsiben.

ROMNYI 5:8

Isala Anyiza na ma nanketizen pi ithu ccüca chidha, tsüna ithu na kesami sa keben wi Khrista na ithu ghena shü.

ROMNYI 8:32

Anyiza na ma Tsa ntsawa tsü ccüla ntepaghala pi ithu tsüdi ghena khuchidha le! Ma ma Tsawa ccüla khuchi lethu, ma pala tsüdila ithu ghena kekila wi khuchi cü nben kwe?

EFESANYI 2:4

Isala Anyiza nanketizen na ji ntsa, nu ma ithu ketizen na di ntsa,

2 THESSALONIKANYI 2:16

Ithu Pvüwa Jisu Khrista ma ketanla nu ithu Bawa Anyiza, ithu tizen nu nanketizen wi anuphan kempvüza nu kaghang kemehai pi ithu kecüwa ya

TITA 3:4

Isala ithu Hangshawa Anyiza na keccaketssü nu nanketizen pi ccüca kechi wi

IBRINYI 2:9

Isala matsü keujü Jisu sa pi tangnyilothu mi meniki, isanu ma Anyiza nanketizen wina anyi tsüdi ghena shü thsü; nu ma keshü wi ketizen kesa ghena khili anyankethang nu kekü liwen pvüben kesa ithu na muben.

1 JOHAN 3:1

Ae, Abawa na khatila ithu tizen chidha nu! Ma ketizen na di ntsa kesalina ithu pi Anyiza tsangathu le ciyadha — nu ntsakhiwa ithu na tsüti saben. Tsalina ayyiwa na ithu nchü, ma jjügi tsüna Anyiza nchü.

1 JOHAN 4:19

Anyiza na atuwa sa ithu ketizen ghena ithu nyu tizenden.

CCÜCAKECHI 1:5

nu Jisu Khrista, atsentsa chüzawa, keshü ja wi atuwa pvügha keyawa, nu ayyi wi kadimithu tsüdi miwi kekhang sen ketenwa wina nanketizen nu kecca ya nthu ssiben keyawa salo. Ithu nantizen nu ahhansha sa keshü ghena ma jjü pi ithu kesami wina ithu hangsha keyawa,