JOHAN 3:12 - Kemethajüh (N) (Re-editing) Bible (BSI)

¹² Hi ayyi hawi jüh pi nthu kiza lela nthu na tsü n-nondi, isalethu keujüla hi tang wi jüh pi nthu kiza lethu khati nu tsü nondiya ben nu?

JOHAN 3:12 Iomraidhean Croise

JOHAN 3:11

Hi atsentsawa no kizaden: ikhang na ikhang kechüwa tsü khiden, nu ikhang kemuwa tsü sheipiden; isala nthu na ikhang jüh nkinale!

JOHAN 3:3

Jisu na ma wi kiza, “Hi atsentsawa no kizaden: anyi kesütanla pvügha neng nkesa tsü ma Anyiza Kadiyyi mu meyacha.”

JOHAN 3:5

Jisu na luneng, “Hi atsentsawa no kizaden; anyi kesütanla atssü nu Aghamu wina pvügha nkeya tsü Anyiza Kadiyyi wi du meyacha.

JOHAN 3:8

Ameghü tsüna ma ketanla sho tenle; nu no tsü hhai zayaden, isala no tsüna khiewa na gho nu khiewa wa ten khe chüya nten. Tsüti aghamu wi pvüghakeya la makesü le.”

1 TIMOTHI 3:16

Thola ithu keccüna ha wi kekuthi di ntsa keben tsü nmile khiya nben: Ma anyi tsi ceng sen nu gho kesa tsü Aghamu na atsentsa pi ccüca nu tangnyilothu ya muya thsü. Ma cüki pi mizzatenti jawi sansi, ayyi nyi maben wi la nondiya, nu ssi sen nu tangwi kia.

IBRINYI 5:11

Ciwi ikhang na ha cüki kekhi-u kejonla ben, isala nthu na pala chüshiyale kesa dhu ntsa sa keten ghena tsü khimetha pi nthu kizale kesa dhuben.

1 JOHAN 4:10

Ketizen na ha: ithu na Anyiza ketizen ghena nye, isala ma ithu tizen kesalina ma Tsawa kesun pi ithu ghena kesami hhansha sa thsüa.