‘Inyithu na mangkesa na hi mathu hangshaya le kewa wi hi luneng nchila nu? Mang ghena hi mathu ci kechi wi nluneng nu? Hi mathu hangsha meya chala kwe? Hi ahza kesü khuchi pi atssükedone sapi qha, aghaku sapi ayyikeshü ceng, nu angathu ya atssü nkemi ghena shü thsüya mehai.
“IBa na pala tsüdi pi hi cüdha. Anyi kesütanla Abawa nkenye tsü Atsawa chü meya, nu thola Atsawa nkenye tsü Abawa chü meya, nu Atsawa na kessiya kesawa wi ma pi ccüca chiden.
“Jerusalem, Jerusalem! No atusenjüh-kechüthu pathi nu Anyiza na nyilothu kesun pi no wi kechithu tsü pathi le! Hi khaju tughu awegü bvü na ma gisha pi ma zzathu ghong keten ti ikwen pi n-nyithu tsüdi ghatiya mvu lela nthu na hi ya tsüti nsa thsüla nu!
“IBa na pala tsüdi pi hi cüdha. Anyi kesütan la Abawa nkenye tsü Atsawa tsüna thowa khe chüya nten, nu anyi kesütan la Atsawa nkenye nu Atsawa na pi ma ccüca nkechi tsü Abawa tsüna thowa khe chüya nten.”
Jisu na luneng, “Nyele, hi ketanla isheipi lela isheikepi jüh hana atsentsa, kepaghenanye hi khiewa na gho nu khiewa wa ten khe chüben, isala nthu tsü hi khiewa na gho nu khiewa wa ten khe nchü.
Mathu na n-nondi, kepaghenanye ayyi ha wi nkemehai cenpvü na mathu leben pi kejang wi chidha. Ma mathu sa pi Jühtheü Kemehaiwa wina kegho wegü kebenwa Khrista nyankethang cüki Anyiza tsi ti kesawa tsü nmu thsüladen.
nu Jisu Khrista, atsentsa chüzawa, keshü ja wi atuwa pvügha keyawa, nu ayyi wi kadimithu tsüdi miwi kekhang sen ketenwa wina nanketizen nu kecca ya nthu ssiben keyawa salo. Ithu nantizen nu ahhansha sa keshü ghena ma jjü pi ithu kesami wina ithu hangsha keyawa,