JOHAN 2:19 - Kemethajüh (N) (Re-editing) Bible (BSI)

¹⁹ Jisu na mathu wi kiza, “Kekinyijjenwa ha yasalo, hi ghanan kecheng jü ketan na sa neng cüa na.”

JOHAN 2:19 Iomraidhean Croise

MATHI 12:40

Jonah na ghanan kecheng ghaja kecheng anga keti pvü non wi keben tsüti Anyi Tsawa la ghanan kecheng nu ghaja kecheng ayyi kedhu non wi benden.

MATHI 16:21

Tsü nten na Jisu na ma sansikeyathu wi khi, “Hi Jerusalem wi wa nu keshenpfüthu, keqhaikedi ntsathu, nu Ayenkesansithu kwen wi ketizen nsathu yishü. Mathu na hi pi shü thsüaben, isala hi ghanan kecheng seng wi hangneng shagha ben.”

MATHI 27:40

“Aha! No Kekinyijjenwa tsü yasa nu ghanan kecheng jüwi tsü saneng tendha man! No Anyiza Tsawa lethu no ketanla no hangsha yalo! Kross miwi na dugholo!”

MATHI 27:63

nu khi, “Kediwa, milikemesawa katsü na ma hang keben wi hati kekhi tsü ikhang na meshen- yadha, ‘Hi ghanan kecheng seng wi hangneng-shagha shaben.’

MARK 14:58

“Ma hati kekhi ikhang zale, ‘Hi anyi na kesa Kekinyijjenwa ha yasa pi nu ghanan kecheng jü wi anyi na nkesawa tsü sacü benle.’ ”

MARK 15:29

Anyi ciwi wa ketenthu na mathu li kejen pi hoholo Jisu nankeqhe nu khi, “Aha! No Kekinyijjenwa tsü yasa nu ghanan kecheng jü tsü sa neng tendha man!

MARK 8:31

Tsaseng wi Jisu na ma sansikeyathu sansi nu khi: “Anyi Tsawa na ketizen sa ntsa nu keshenpfüthu, keqhaikedi ntsathu, nu Ayenkesansithu na ma meya mvula saben. Ma pi shü thsüaben, isala ma ghanan kecheng seng wi hangneng-shagha ben.”

JOHAN 11:25

Jisu na ma wi kiza, “Hi hangneng-keshaghawa nu kahangwa. Anyi thowa na hi nondi ten khe ma shü lela hang yaben,

JOHAN 5:19

Tsalina Jisu mathu wi khi, “Hi atsentsawa nthu kizaden: Atsawa na ma kemeshen wina mangla kuli nten, isala ma Abawa kekuli kemu wi ketan kuliden. Kepaghenanye ma mangwa kuli khe Atsawa la tsüti kuliden.

KEKULI 2:24

Isala Anyiza na ma sa pi keshü wina hangneng-shagha thsüa nu keshü kekhang wi ma lisha chi cüa, kepaghenanye keshü na ma ghantenya nben.

KEKULI 2:32

Anyiza na Jisu ha sa pi keshü wina shagha nengya thsüa nu ikhang na ha chüzathu.

KEKULI 3:15

Nthu na ma wina kahang keghowa tsü pathia; isala Anyiza na keshü wina ma sa pi hangnengya thsüa— nu ikhang na ha ghena chüzathu.

KEKULI 3:26

Anyiza na nthu tsüdila nkemehai len wina kheneng gho nu kesawegü pvüyalo kesalina ma ma maghawa kessiya nu atuwa kesun pi nthu wi chicüle.”

KEKULI 6:14

Kepaghenanye ikhang na ma Nazareth nyiwa Jisu hana Kekinyijjenwa tsü yasa nu Mosa na Ayenwa pi ithu kecüwa tsü kemiliaben le kekhi zaya le!”

ROMNYI 4:24

Isala tsüthu tsüna Anyiza na keshü wi ithu Pvüwa Jisu sa pi hang kecüwa kenondithu pi ketsatan nyi saya ketenthu tsüdi ghena la zhütheng.

ROMNYI 6:4

Abawa nyankethang kekhang na keshü wina Khrista sa pi hang kecü tsüti ithu la kahang ketheü wi hangyale kesalina baptaiz kesa wi ma gweghe shü nu ma gweghe pi vhüdha.

ROMNYI 8:11

Keujüla keshü wina Jisu sa pi hang kecü Anyiza Ghamu tsüna nthu wi hangben lethu, keshü wina Khrista sa pi hang kecü ma Ghamu nthu wi hang kebenwa tsüna kahang pi nthu shü keten gwowa tsü la cüben.

1 KORINTHNYI 15:12

Khili ithu ketsijüh na keshü wina Khrista sa pi hang shagha thsüdha kesa pi sansiben, isathu khati nu nthu pahan na keshü wina hang shagha nbenle khiya mehai nu?

KOLOSSINYI 2:12

Kepaghenanye nthu na baptaiz kesa wi pi Khrista gweghe vhüdha, nu nthu na baptaiz kesa wi nthu kenondi ghena Anyiza kekhang na keshü wi ma sa pi hang kecüwa Khrista gweghe la shaghadha.

1 PITOR 3:18

Kepaghenanye Khrista na kesamithu ghena kutitan anuphan ghena shüdha, nthu ssinu Anyiza wi ghole kesalina ketsatan nyi kesü na kesami nyithu mithon sa. Asajjü wi ma pi shü thsü lela aghamulen wi sa pi hangya thsüa,