JOHAN 2:18 - Kemethajüh (N) (Re-editing) Bible (BSI)

¹⁸ Tsaseng wi Judah nyithu na ma wi keü, “No hati saya kemehai kemeshon keben ghena azensu mangwa pi ithu ccücaten nu?”

JOHAN 2:18 Iomraidhean Croise

1 KADIMITHU 13:3

Atusenjüh-kechüwa na khi, “Kekinyipen hawa ha pakhhizighe, nu ma miwi kemecang khalathu na bvüzigheaben. Isalethu, nthu na Apvüwa na hi wi ha khile kesa chüyaben.”

BVÜKESHHU 7:9

“Keujüla kadimiwa na nshinyi na chütha benle kesa amankesa kesü kuli chilothu Aaron na ma khhatssü pi kadimiwa tuwi cüchilo kizalo, isathu tsüna amaghang kesü ceng shaben.”

MATHI 21:23

Jisu na Kekinyijjen wi gho neng; ma nyu sansi keben wi keqhaikedi ntsathu nu keshenpfüthu na ma wi gho nu keü, “No mangwa kekhang wina hathu ha saben nu? Thowa na kekhang ha pi no cü nu?”

MARK 8:11

Farisithu pahan na gho Jisu ssinu ajüh keccücanli. Mathu na ma ghan nan le kesalina tang wi amankesa kesü sachilo khie.

Luk Zhükechi Jühtheü Kemehaiwa 11:29

Anyitenti na Jisu vüsen keben wi ma khi, “Nansü nyithu ha khatila nmehaidha nu! Mathu na amankesa khie tenle, isala Jonah amankesa sa kechi miwi kepa pi mathu nccücadha.

JOHAN 1:19

Hana Johan sheikepi kekhi: Jerusalem wi Judah nyithu na keqhaikedithu nu Levi nyithu pahan kesun pi Johan wi “No thowa nu?” isa keü thsü.

JOHAN 1:25

Mathu na Johan wi keü, “Keujüla no Khrista tsü nye, Elijah nu atusenjüh-kechü la nye lethu, no mangkesa na nyu baptaiz saten nu?”

JOHAN 6:30

Mathu na luneng, “Ikhang na muya nu no nondiyale kesalina no azensu mangwa sachiten nu? No khati kuliten nu?

KEKULI 4:7

Mathu na apostel keni pi mathu tuwi ngan thsü nu manyi wi keü, “Nshinyi na mangwa kekhang nyelela thowa nyan sen nu hati ha saya nu?”

KEKULI 5:28

Ma khi, “Ikhang na nthu anyi hawa nyan pi nyu nsansi lalo kesa kiza ntsa sadha, isala nthu na kesansijüh tsü pi Jerusalem pongdha, nu nthu na anyi hawa keshü tsü pi ikhang miwi chi mvu ben.”