JOHAN 2:11 - Kemethajüh (N) (Re-editing) Bible (BSI)

¹¹ Jisu na Galilee yyi Kana nyuti wi amankesa kulikechi hawa ha atuwa nu ma ciwi ma nyankethang pi ccücachi nu ma sansikeyathu na ma nondiya.

JOHAN 2:11 Iomraidhean Croise

1 KADIMITHU 17:24

Nzawa na luneng, “Hi khili no ntsakhiwa Anyiza nyi kesü nu Apvüwa na no ccünengten le kesa chüyadha le!”

ZAKECI 72:19

Anuphan wila ma nyankethangwa tsü senglo! Ma nyankethang ya ayyi maben pong keyawa sa. Amen! Amen!

ZAKECI 96:3

Ma nyankethang nu ma kekhang kekuli kedithu pi mizzatenti nu anyi tsüdi wi thangchilo.

BVÜKESHHU 14:31

Israel nyithu na Apvüwa ma kekhang wina Ejipt nyithu miwi khangya kesa mukeya wi mathu na Apvüwa messi, nu mathu na Apvüwa nu ma maghawa Mosa nondi ya.

BVÜKESHHU 4:9

Keujüla mathu amankesa keni ha wi lela no n-nondi, nu no mangwa khi khe nkinala lethu wa Nil Ghaku wi atssü pahan ssuya nu pi ayyi wi keshu chilo. Atssü tsüna ajjü ceng shaben.”

Sansichhü 9:7

Wala dsajjüya nu anonkwen yalo; no kisengtssü jjü nu anonkeghe saya. Kepaghenanye tsüna Anyiza tuwi meshon.

ISAYA 40:5

Tsaseng wi Apvüwa nyankethang pi ccücaden, nu anyi tsüdila tsü muden. Apvüwa na ma ketanla ha khishichidha.”

MALAKHI 2:2

Nthu kekuli wi hi nkinyiküthu yishü. Keujüla nthu na hi mangwa khi khe nkina mvu lethu, hi kishen-keshi kesü sengho nthu miwi chicüaden . Hi kishen-keshi kesü pi nthu kesawegü mukeyathu miwi chicüaden. Hi kishen-keshi pi tsüthu miwi chidha, kepaghenanye nthu na meshen pi dhu nu iyenkhukechiwa tsü nkeya ghena.

JOHAN 1:14

Ajühwa tsüna asajjü ceng shagha nu nanketizen nu atsentsawa pi pong pvünu ithu jawi hang. Ithu na ma nyankethang muyadha, nyankethangwa tsüna Atsawa ketan Abawa wina mukeya.

JOHAN 1:17

Kepaghenanye Mosa wina ayenwa tsü khuchi, isala nanketizen nu atsentsawa tsüna Jisu Khrista wina gho.

JOHAN 1:43

Dhitsüwa wi Jisu na Galilee wi wale keben wi Filip muya nu ma kiza, “Hi nie ghalo!”

JOHAN 1:50

Jisu na ma wi khi, “No khhaghabvü ton ccü wi keben hi no mule kekhi ghena no nondiben ma? No ha miwi pala kedi kejon muyaben.”

JOHAN 10:41

Ciwi anyi kejon na ma wi gho nu khi, “Johan na azensuthu nkuli, isala ma anyi hawa cüki mangwale khi khe tsüdila atsentsa.”

JOHAN 11:15

Isala nthu ya nondiya thsüle kesalina hi ma gweghe nbenla kesa ghena inonghe ben. Isala khili ikhang ma wi wa na ghalo.”

JOHAN 11:47

Tsalina keqhaikedi ntsathu nu Farisithu na keccünengli nu khi, “Ikhang khati sa nu? Anyi hawa ha azensuthu ha tsüdi sabendha le!

JOHAN 12:18

Tsalina anyitenti na ma azensuthu ha sachile kesa zakeya wi ma metule wa.

JOHAN 12:37

Ma mathu jawi azensuthu ha tsüdi sachi lela mathu na ma nondi meya,

JOHAN 12:41

Isa na Jisu nyankethang nu ma cüki khi ketheng ghena ma ha khichi.

JOHAN 14:13

Nthu na inyan wina pala katsüha lela khiethu hi sa cüben, isanu Atsawa miwi na Abawa nyankethang pi ccücaben.

JOHAN 16:27

Kepaghenanye nthu na hi tizenghali nu hi Abawa wina ghole kesa nondiya kesalina Abawa na ma ketanla nthu tizenghaliden.

JOHAN 16:30

Ikhang na khilitsü no pala tsüdi chübenle kesa chüyadha; nu thola no wi pala nkeü thsü la mehaidha. Ha ghena ikhang na no Anyiza wina ghole kesa nondiya thsüben.”

JOHAN 2:1

Ghanan keni seng Galilee yyi wi Kana nyuti wi keshanyi kesü sa, nu Jisu jja la ciwi ben.

JOHAN 2:23

Jisu na Jerusalem wi Shhukeya Kho tsü wi azensuthu kulikechi ghena anyi kejonla tsü muya nu ma nondiya.

JOHAN 3:2

Ma aghaja wi Jisu wi gho nu ma kiza, “Kesansiwa, no Anyiza wina kegho kesansi le kesa ikhang na chüben. Kepaghenanye anyi thola Anyiza na ma ssi nketen tsü no kuliketen azensuthu ha saya nben.”

JOHAN 4:3

Tsalina Jisu na nyu tsüti khi keben tsü zakeya wi ma Judea teshi nu Galilee wi wa neng.

JOHAN 4:46

Jisu na kheneng ma atssü pi kisengtssü ceng kecü pen Galilee wi Kana nyuti witsü wa. Ciwi Kapernaum wi kedi nyi kesü ma tsa na naa ben.

JOHAN 4:54

Hawa ha Jisu na Judea wina Galilee wi gho azensu kulikechi keniwa.

JOHAN 5:23

Tsalina tsüdila Abawa kinyikü keten tsüti Atsawa la kinyiküden. Thowa na Atsawa kinyiküten khe ma kesun kechiwa Abawa la kinyiküden.

JOHAN 6:14

Anyithu na Jisu amankesa kulikechithu tsü muya nu khi, “Ntsakhiwa, hawa ha atusenjüh-kechüwa ayyi wi ghoten le kesawa tsü le!”

JOHAN 6:2

Anyitenti keti na ma nie wa, kepaghenanye mathu na ma kesakinaathu sa pi mehai kecü azensu tsü muyadha.

JOHAN 6:26

Jisu luneng, “Hi atsentsawa nthu kizaden: nthu na hi azensuthu sa kechi tsü jjügi chükeya ghena nyela amesa dsa pi nthu pvü nmakeya ghena hi bhaden.

JOHAN 6:30

Mathu na luneng, “Ikhang na muya nu no nondiyale kesalina no azensu mangwa sachiten nu? No khati kuliten nu?

JOHAN 7:31

Isala anyitenti jawi kejon na ma nondiya nu khi, “Messiya tsüna gho lethu, ma anyi hawa miwi azensuthu ji kayi kulichi ben kwe?”

JOHAN 9:16

Farisithu pahan na khi, “Anyi ha sa pi mehai kecüwa hana Anyiza wina kegho sa nben, kepaghenanye ma Sabbath tsathang yenwa tsü nie nten.” Isala kepathu na khi, “Khati nu kesami nyi kesü amankesa hathu ha saya mehai nu?” Tsalina mathu jawi ajüh kepapa sa.

2 KORINTHNYI 3:18

Ithu tsüdila ammi keshan npvüla Apvüwa nyankethang tsü muyaben; nu anyankethang Apvüwa wi keghowa tsüna Aghamu, ithu sa pi ma tsi ti nu anuphan nyanthang kayi cüden.

2 KORINTHNYI 4:17

Kepaghenanye matsü keu ketan wi ketizen kesa keu hana ikhang ghena anuphan nyankethang mangla pi ghape nkeyawa tsü ghena kiden ben.

2 KORINTHNYI 4:6

Anyiza na “Kewegüwa na kejang wina wegü shhugho ben!” kekhiwa tsü makesü Nyiza na ma kewegü pi ithu leben wi wegü cü, ithu ssigho Anyiza nyankethang Khrista miwi wegü keben palakechü wi tsü chi cüben.

AYENZHÜNENG 5:24

nu khi, ‘Apvüwa ithu Nyiza na anni wi ajüh kekhi hhai zakeya wi ma kekhang kedi nu anyankethang pi ithu ccücale. Anyiza na anyi kesü ccüneng lela anyi tsüna hangbenya mehai le kesa ithu na nansü muyadha.

1 JOHAN 5:13

Nthu Anyiza Tsawa nondi ketenthu na anuphan kahang benle kesa pi nthu chüya thsüle kesalina hi ha zhü pi nthu cüben.