JOHAN 19:9 - Kemethajüh (N) (Re-editing) Bible (BSI)

⁹ Ma kheneng kadipen wi duya nu Jisu keü, “No khiewi na gho nu?” Isala Jisu na ajüh nkhila.

JOHAN 19:9 Iomraidhean Croise

ISAYA 53:7

“Nyu ma metsi-meni, isala ma kethankehi nu ma satemeni, ma ajüh kesüla nkhi. Khaghaneni zza kesü pathiale ssibvü keten ti, khaghaneni kesü ssen cele keben ti, ma ajüh kesüla nkhi.

MATHI 26:63

Isala Jisu na ccen benwa. Keqhaikedi Kemisiwa na kheneng ma wi khi, “Hi khili hang kebenwa Anyiza nyan wina no pi kishen thsüben: no Anyiza Tsawa Messiya tsü la, pi ithu kizalo.”

MATHI 27:27

Pilat süpahithu na Jisu ssinu ahng kadipen wi du nu ciwi anyi tsüdila ma vüsen ben.

Luk Zhükechi Jühtheü Kemehaiwa 23:9

Tsalina Herod na Jisu wi pala kejon keü, isala Jisu na ajüh kesüla nkhi la.

JOHAN 18:28

Ghanen mitu na Kaifa jjen wina Jisu ssinu ahng jjen wi wa. Judah nyi kekhang kesenthu na ahng jjen non wi ndu, kepaghenanye mathu n-nakhila metha benla nu wala Shhukeya Kho tsse tsü dsayale ben.

JOHAN 18:33

Pilat na kheneng ma kadipen wi duya nu Jisu cichi pi ma wi keü, “No Judah nyithu Kadimiwa kwe?”

JOHAN 18:34

Jisu luneng, “Ha no kemeshen wina la nyu icüki khi pi no kiza nu khiben nu?”

JOHAN 18:37

Tsalina Pilat na ma keü, “Isathu, no kadimiwa kwe?” Jisu na luneng, “No hi kadimiwa le khi. Hi atsentsawa sheipi le kesa jjügi ghena ayyi hawi gho. Thowa na atsentsawa wi benten khe ijüh kina den.”

JOHAN 19:10

Tsalina Pilat na ma wi khi, “No hi ccüneng nten kwe? Hi no teshichi nyelela pi kross miwi jenya kemehai kekhang keben tsü no nchü kwe?”

JOHAN 19:8

Pilat na ajüh hathu zakeya seng wi ma messi kayiya.

JOHAN 8:14

Jisu na luneng, “Nyele, hi ketanla isheipi lela isheikepi jüh hana atsentsa, kepaghenanye hi khiewa na gho nu khiewa wa ten khe chüben, isala nthu tsü hi khiewa na gho nu khiewa wa ten khe nchü.

FILIPPINYI 1:28

Nthu ghinyithu nmessila keshüthangla kempvüza saben, nu hana mathu tu wi nthu na khang yaben nu mathu na nchalaben kesa chütiben, kepaghenanye Anyiza na khangkeya pi nthu chüden.

PENDHENYI 13:6

Isanu kinyibvüwa na wala ma wuba wi kiza, “Anyiza nyi kesü hi wi ghole, nu ma Anyiza nyilowa ti ghang pi qhethiketen kesale. Ma khie wa na gho khe hi ma nkeü nan, nu ma ma nyan pi hi nkiza.