JOHAN 19:4 - Kemethajüh (N) (Re-editing) Bible (BSI)

⁴ Pilat na kheneng akhemi wi shhu nu anyitenti wi khi, “Ghangchilo, hi ma kemeshensa jjügi mangla mu meyale kesa nthu ya chü thsüle kesalina hi ma ssinu nthu tuwi ghoben.”

JOHAN 19:4 Iomraidhean Croise

MATHI 27:19

Pilat na ajühkekaghatenpen wi donki keben wi ma wubvü na ketsijüh kesü kesun pi ma wi chi: “Anyi kesami nkemiwa katsü miwi mangla nsa lalo, kepaghenanye hi khija iman wi ma ghena ketizen sa ntsa sale!”

MATHI 27:24

Pilat na mangla saya nbendha, isala kivvü shaghaya mehai kesa kemu wi ma wala atssü pahan pi anyitenti tuwi na ma kwen metsi nu khi, “Anyi hawa keshü ghena ikhhi mangla nmi le! Hawa ha nthu ketanla kekuli le!”

MATHI 27:4

“Hi anyi kesami nkemi kesü matsa pi shü thsü kesalina samidha le!” Mathu na khineng, “Ikhang tsü ghena mangwa saya nu? Tsüna no ketanla nghena le!”

MATHI 27:54

Meza miwi kediwa nu süpahithu ma gweghe Jisu hie kebenthu na ameghükuju nu hathu kekuli tsüdi mukeya wi mathu qhethiketen sa nu khi, “Ntsakhiwa ma Anyiza Tsawa le!”

Luk Zhükechi Jühtheü Kemehaiwa 23:4

Pilat na keqhaikedi ntsathu nu anyitenti wi khi, “Hi anyi hawa kemeshensa jjügi mangla mu meya.”

Luk Zhükechi Jühtheü Kemehaiwa 23:41

Ishinyi tsü hati kesau wi saben, kepaghenanye ishinyi kekuli kutimen wina muyaben, isala ma tsü kesazzi mangla nmi.”

Luk Zhükechi Jühtheü Kemehaiwa 23:47

Süpahi meza miwi kediwa na pala tsüthu tsüdi kekuli mukeya wi Anyiza seng nu khi, “Ntsakhiwa ma anyi kemehai kesü le!”

JOHAN 18:33

Pilat na kheneng ma kadipen wi duya nu Jisu cichi pi ma wi keü, “No Judah nyithu Kadimiwa kwe?”

JOHAN 18:38

Pilat na keü, “Atsentsawa tsüna mangwa nu?” Tsaseng wi Pilat na akhemi anyithu wi shhu nu mathu wi khi, “Hi ma kemeshensa jjügi mangla mu meya.

JOHAN 19:6

Keqhaikedi ntsathu nu Kekinyijjen ghikehiethu na ma mukeya wi magha nu khi, “Ma pi kross miwi jenlo! Ma pi kross miwi jenlo!” Pilat na mathu wi khi, “Nthu ketanla ma ssi wa kross miwi jenlo, kepaghenanye hi ma kemeshensa jjügi mangla mu meya.”

2 KORINTHNYI 5:21

Ithu ya ma gweghe nu Anyiza ketsatan tsü yaya thsüle kesalina Khrista na kesami nmi lela Anyiza na ma sa pi ithu kesami pvüya thsüa.

IBRINYI 7:26

Jisu na Keqhaikedi Kemisintsa ithu nsenthu keyishüthu sa cü ketenwa tsü. Ma metha; ma wi kesazzi nu kesami mangla nmi. Kesamithu jawi ma pi makepa sa nu ma zanki pi tang miwi chiyadha.

1 PITOR 1:19

isala tsüna khaghanenizza kinaqhe nyelela nyu ghojünkeya mangla nkemi ti kesa Khrista pi ahhansha kesa jjü men kedhuwa tsü.

1 PITOR 2:22

Ma kesami nsa, nu ma pang wi milikemesa kekhi thola za meya.

1 PITOR 3:18

Kepaghenanye Khrista na kesamithu ghena kutitan anuphan ghena shüdha, nthu ssinu Anyiza wi ghole kesalina ketsatan nyi kesü na kesami nyithu mithon sa. Asajjü wi ma pi shü thsü lela aghamulen wi sa pi hangya thsüa,

1 JOHAN 3:5

Khrista na kesamithu tsü sen bvüale kesalina gho, nu ma wi kesami nmi kesa tsü nthu na chüben.