JOHAN 18:4 - Kemethajüh (N) (Re-editing) Bible (BSI)

⁴ Jisu na pala hathu ha ma miwi kulile keben tsü chüben, tsalina ma atuwi shhugho nu mathu wi keü, “Nthu na thowa bhaten nu?”

JOHAN 18:4 Iomraidhean Croise

1 KADIMITHU 18:10

Hi hangkebenwa Apvüwa n-Nyiza nyan wina kishen ben, Kadimiwa na ayyi wi diyyi tsüdi wi no bhadha. Khathansha wi diyyiwa wi kekhang kesenwa na no ma diyyiwa wi nmile khi khe, Ahab na kekhang kesenwa ya no nmule khi kishen thsüden.

NEHEMIYA 6:11

Hi luneng, “Hi anyi tubvü wa kuthi wa kesa nyi nye. No hi wala Kekinyijjen wi kuthi nu hi kahangli hangshaya ben le meshen ben kwe? Hi tsüti sa nben.”

ZAKECI 27:3

Süpahi maben na gho hi vüya lela, hi messi meyacha; ighinyithu na hi matang lela, cila hi Anyiza nondi den.

ZAKECI 3:6

Hi ighinyithu hazar kejon tsü nmessi, mathu na hi vüsen ben lela.

KEMETSAJÜH 28:1

Gheshighenathu na thola mathu nkeka lela bvüden, isala nyi atsentsawa tsüna ssensitemi kempvüza ti kesa.

MATHI 16:21

Tsü nten na Jisu na ma sansikeyathu wi khi, “Hi Jerusalem wi wa nu keshenpfüthu, keqhaikedi ntsathu, nu Ayenkesansithu kwen wi ketizen nsathu yishü. Mathu na hi pi shü thsüaben, isala hi ghanan kecheng seng wi hangneng shagha ben.”

MATHI 26:2

“Nthu na chükeben ti ghanan keni seng wi Shhukeya Kho tsü sa wa tendha, nu ciwi Anyi Tsawa tsü pi kross miwi jenlo kesalina ghan pi nyu kwen chiaben.

MATHI 26:21

Mathu na dsajjü keben wi Jisu na khi, “Hi atsentsa nthu kizaden, nthu meshu kesü na hi matsa shaben.”

MATHI 26:31

Tsaseng wi Jisu na mathu wi kiza, “Shita wi nthu tsüdila hi teshi nu bvüaben, kepaghenanye Ntsawajüh na khiben, ‘Hi anenikehiewa pathi, nu khaghanenithu tsüna bvüzigheaben.’

Luk Zhükechi Jühtheü Kemehaiwa 24:44

Tsaseng wi ma mathu wi khi, “Hi hathu cüki tsüdila kheni nthu gweghe keben wina khi pi nthu kizadha, Mosa Yenwa, atusenjüh-kechüthu na kezhü, nu Zakeci wi ighena zhü kethengthu tsüdila sacen shaben.”

JOHAN 13:1

Shhukeya Kho tsathang npi tuwi Jisu na ma ayyi ha teshi nu Abawa wi wa keten matsü na gho cudha kesa chüya. Ma ayyi ha wi ma jithu tizenghali ntsa sa, nu ma mathu tizenghali wa asakhen cu.

JOHAN 13:11

(Jisu na thowa na ma matsaten khe chüben, tsalina ma “meshu kesütan khe nthu tsüdila methadha,” isa khi.)

JOHAN 18:5

Mathu na luneng, “Nazareth nyiwa Jisu.” Jisu na mathu wi “Tsüna hi le,” kiza. Judah ma matsa ketenwa la mathu gweghe nganben.

JOHAN 18:7

Jisu na kheneng mathu wi keü, “Nthu na thowa bhaten le?” Mathu kekhi na, “Nazareth nyiwa Jisu le!”

JOHAN 19:28

Jisu na khili ha pala tsüdila cenyadha kesa chüya; isanu Ntsawajüh tsü cenya thsüle kesalina ma khi, “Hi dighe yadha.”

JOHAN 6:64

Isala nthu pahan na n-nondi.” (Jisu na aghatsan wina thowa na ma nondi nben nu ma matsa kebenwa tsü chüben.)

KEKULI 2:28

No hi yala kahang len tsü chüya thsüdha, nu no ikete wi keben ghena anonkeghe pi hi pong cüdha.’

1 PITOR 4:1

Khrista na asajjü wi ketizen sa ntsa sa kesa tsüti nthu la ma meshen nu nthu satezü yalo, kepaghenanye thowa na asajjü wi ketizen sa khe kesami nsa laden.