JOHAN 18:1 - Kemethajüh (N) (Re-editing) Bible (BSI)

¹ Jisu na kekhie kesa seng wi ma sansikeyathu ssinu Kidron Ghaku khhaka wi wa. Ciwi asanku kesü na ben, Jisu nu ma sansikeyathu la ma non wi du.

JOHAN 18:1 Iomraidhean Croise

ADECHHÜ 2:15

Tsaseng wi Apvüwa Anyiza na anyi tsüpi Eden Sanku wi chi nu tsü ca nu hie thsü.

ADECHHÜ 3:23

Tsalina Apvüwa Anyiza na Eden Sanku wina ma jügüshi nu kheni pi ma zhüketheng ayyiwa tsü ceng wa thsüa.

2 SAMUEL 15:23

David senkeniethu na wa keten wi anyithu na misi ntsa jisha. Kadimiwa nu ma nyithu na ma nie sen nu Kidron Kuza pvüdhi, nu mathu gweghesen aghansha wiwa wa.”

1 KADIMITHU 15:13

Ma ma jjaqhai Maaka na kadijja sa keben witsü khupia, kepaghenanye ma aghasu cenpvü nzawa Asherah tsikezhü kesü zhü theng. Asa na atsikezhü tsü pacha nu tsüpi Kidron Yyiketijü wi mecang.

1 KADIMITHU 2:37

Keujüla no tsü teshi nu Kidron kuza tsü thenkeghe wa lethu no shü metsiben — nu tsüna no ketanla no meshensa yaben.”

2 KADIMITHU 23:12

Kadimi Josiya na Judah kadimithu na kadijjen miwi Kadimi Ahaz jjen miwi kekinyipen sa kethengthu tsü pasha; ma kekinyipenthu tsü pacha zighe nu tsüthu pi Kidron Yyiketijü wi khala.

2 KADIMITHU 23:4

Tsaseng wi Josiya na ahza pi Keqhaikedi ntsawa Hilkiya, ma kekiqa keqhaikedithu, nu aghikehiethu Kekinyijjen kedulen wi kekuli sa kebenthu cü nu mathu ya Kekinyijjen non wi Baal, acenpvü nzawa Asherah, nu ghotsithu kekinyi wi sen keten tsanqaithu tsüdila sen nu shhugholo kiza. Kadimiwa na atsanqai hathu tsüdi pi anyunuti na ameiwa Kidron Yyiketijü kete wi mecang nu kemecang qaethu sen nu Bethel wi wa thsüa.

2 KADIMITHU 23:6

Ma Kekinyijjen wi acenpvü nzawa Asherah tsiketon tsü khusen wa anyunuti na ameiwa Kidron Yyiketijü wi mecang, ma kemecang qaethu tsü doncha pi awheng sa nu sen wa anyithu pi vhü keten pen wi vvü zighe chia.

2 KHENICÜKI 15:16

Kadimi Asa na kadijja pen wina ma jjaqhai Maaka khupia, kepaghenanye ma acenpvü nzawa Asherah tsikezhü nankiqanan kesü zhü. Asa na atsikezhüwa tsü whengshi nu tsü ketsenthi pia nu ma qan tsüpi Kidron Yyiketijü wi mecang.

2 KHENICÜKI 29:16

Keqhaikedithu na Kekinyijjen wi du tsü satemetha, nu mathu na keccüna wi nkemetha tsanqaithu tsüdi sen nu Kekinyijjen ccühha witsü shhu. Ciwi Levi nyithu na tsüthu tsüdi sen nu anyunuti na ameiwa Kidron Yyiketijü wi wa.

2 KHENICÜKI 30:14

Mathu na Jerusalem wi ahhanshathu sapi kinyi nu hankedemvu kemecang wi kesen kekinyipenthu tsüdi pieya nu tsüthu sen wa Kidron Yyiketijü wi khala.

NEHEMIYA 2:15

tsalina hi ayyi wi cadu nu Kidron Yyiketijü wi wa nu akhwetiwa tsü ghang. Tsaseng wi hi keshi kewalen witsü kheneng gho nu Kaghapeng-jenka Yyiketijü wina anyunutiwa wi du neng.

JEREMIYA 31:40

Keshü pi vhü nu acenya pi khala keten yyiketijü maben, nu Kidron Kuza meiwa alli tsüdi na wa Goru khweti-jenka na wa nishuwa kecu tsüna ituwi metha ben. Anyunutiwa tsüna khiela gishüzighe nyelela dedi nbendha.”

LEVIYEN 2:6

Nthu tsüpi kekinyi kesa wi pakhhi pi kizzakiki sa nu adeli pi ma miwi keshuchi.

MATHI 26:30

Tsaseng wi mathu akhwi kesü sa nu Oliv Yikha wi wa.

MATHI 26:36

Tsaseng wi Jisu na ma sansikeyathu ssinu apen kesü Gethsemane kesa wi tsü wa nu ciwi ma mathu wi kiza, “Hi ka wi wa kekhie sa keben jü hewi donki benlalo.”

MARK 14:26

Tsaseng wi mathu akhwi kesü satheng nu Oliv Yikha wi wa.

MARK 14:32

Mathu na apen kesü Gethsemane wi tsü ghoya, nu Jisu na ma sansikeyathu wi khi, “Hi wa kekhie sa keben jü he wi donki ben lalo.”

MARK 14:42

Shaghalo, ikhang wha na. Ghangchilo, anyi hi matsa cü ketenwa tsüna he wi tendha!”

JOHAN 14:31

isala ayyi nyi na hi Abawa tizenghaliden kesa chü meyathu yishü, tsalina hi ma kekhi tsüdila saden. “Ghalo, ikhang he wina bvüa na.

JOHAN 18:26

Keqhaikedi ntsa maghawa Pitor na ma khuna hanthi kesa shiliwa kekhi na “No asanku wi ma gweghe keten hi no nmu kwe?”

KEKULI 21:11

Ma ikhang wi ghola Paul geshi keqhan tsü khu pi ma ccükwen bhenya nu khi, “Hawa ha Kemetha Ghamu na khiben: Jerusalem wi Judah nyithu na hati nu ageshi keqhan ha pvüwa bhenya nu pi Judah nyi nkenyethu kwen wi chiaben.”