JOHAN 17:8 - Kemethajüh (N) (Re-editing) Bible (BSI)

⁸ No ketsijüh pi hi kecüthu hi tsü pi mathu cü nu mathu tsü yayadha; mathu na hi ntsakhiwa no wina ghole kesa chüyadha, nu no hi kesun chile kesa nondiyadha.

JOHAN 17:8 Iomraidhean Croise

KEMETSAJÜH 1:23

Hi no kha kechi wi kina yalo; hi kesansi kemehai pi no cü nu palakechü pi no ssinu gishüya den.

KEMETSAJÜH 1:3

Tsüthu tsüna no sansi pi meghe-metsa nu atsentsa, tsantan, nu hang meshon yathsü mehai.

KEMETSAJÜH 2:1

Itsa, hi no kesansijüh chüyalo nu hi mangwa salo no kiza khe mali nsala.

KEMETSAJÜH 4:10

Ijüh kina yalo, itsa. Hi mangwa pi no kizaben khe tsü meshen ntsa sa yalo, isathu no kesie hang yaden.

KEMETSAJÜH 8:10

Rükatssü mithon wi hi kicükegwewa tsü kessiya; suna kemehai ntsawa miwi palakechüwa kessi yalo.

MATHI 13:11

Jisu luneng, “Kekuthi wina tang Kadiyyi cüki chüya keten pi nthu cüdha, isala mathu ghena tsü tsüti nyele!

JOHAN 12:49

Tsüna ntsakhiwa, kepaghenanye hi ketanla hi kekhang wina nkhi, isala Abawa hi kesun kechiwa na hi nkhithu keyishü pi hi kiza.

JOHAN 14:10

Filip, no hi Abawa wi ben, nu Abawa na hi wi ben kesa tsü n-nondi kwe? Hi ajüh pi nthu kekiza tsüna hi kekhang wina nkhi, isala Abawa na hiwi ben nu ma kekuli saben.

JOHAN 15:15

Hi nthu pi amaghathu le ncidha, kepaghenanye amaghawa na ma pvüwa na mangwa saten khe chü nten. Hi nthu pi ipvüshangthu isa ciden, kepaghenanye hi iBa wi zakeya tsüdi pi nthu kizadha.

JOHAN 16:27

Kepaghenanye nthu na hi tizenghali nu hi Abawa wina ghole kesa nondiya kesalina Abawa na ma ketanla nthu tizenghaliden.

JOHAN 16:30

Ikhang na khilitsü no pala tsüdi chübenle kesa chüyadha; nu thola no wi pala nkeü thsü la mehaidha. Ha ghena ikhang na no Anyiza wina ghole kesa nondiya thsüben.”

JOHAN 17:14

Hi njüh pi mathu cüchidha, nu ayyi nyi na mathu nanmeghü ben, kepaghenanye hi ayyi ji nkenye tsüti mathu la ayyi ji nye.

JOHAN 17:18

No hi kesun pi ayyi wi kechi tsüti hi la mathu kesun pi ayyi wi chidha.

JOHAN 17:21

Mathu tsüdila kesütan saya thsülo khieben. O, iBa, no hi kesun chile kesa ayyi nyi ya nondiya thsüle kesalina no hi wi ben nu hi la no wi ben keten tsüti mathu la ishinyi wi benya thsülo.

JOHAN 17:23

Ayyi nyi yala no hi kesunchi nu hi tizenghali keten tsüti mathu la tizenghali tenle kesa chüya thsüle kesalina hi no wi ben, nu no hi wi ben, isanu mathu ya kesütan saya thsülo.

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

JOHAN 3:17

Kepaghenanye Anyiza na ma Tsawa kesun pi ayyi jühkekaghatenwa sa thsüle kesawa nye, isala ayyi Hangshawa sa thsü.

JOHAN 3:33

Isala thowa na ma jüh tsü nondiya khe Anyiza tsüna atsentsawa le kesa chüyaden.

JOHAN 6:68

Simon Pitor na ma luneng, “Apvüwa, ikhang no teshi nu thowa wi wa nu? No anuphan kahang jühthu tsü ben.

JOHAN 8:42

Jisu na mathu kiza, “Keujüla ntsakhiwa Anyiza na nthu ba lethu nthu na hi tizen kesa, kepaghenanye hi Anyiza wina gho khili hewi ben. Hi hi kekhang wina ngho, isala ma hi kesun chi le!

1 KORINTHNYI 11:23

Kepaghenanye hi Apvüwa wi kesansi mukeya tsü pi nthu cüdha: Apvüwa Jisu na nyu ma matsa keten ghaja wi amesa be kesü tsü khuya,

1 KORINTHNYI 15:1

Icünyuthu, hi khili Jühtheü Kemehaiwa hi pi nthu sansi nu nthu na tsü yaya nu tsü miwi na nthu kenondi zükeqhe kebenwa tsü pi nthu kiza neng chi mvu ben.

AYENZHÜNENG 18:18

Hi mathu nyi jawi na no ti kesa atusenjüh-kechü kesü kesun chicüden; mangwa nkhithu yishü khe hi ma kizaden, nu ma hi khikechi tsüdi pi anyithu kiza- ben.

1 THESSALONIKANYI 2:13

Ciwi ajjügi kepa wi la kesü ghena ikhang na keshüthangla keseng pi Anyiza cüden. Ikhang na Anyiza ketsijüh sen nu nthu wi kegho wi nthu na tsü pi anyi jüh ti nsala ntsakhiwa pi Anyiza ketsijüh sa nu yaya. Kepaghenanye Anyiza na nthu kenondi miwi kuliben.

1 THESSALONIKANYI 4:1

Asakhenwa, icünyuthu, nthu na ikhang wina khati hang nu Anyiza kenen nsathu yishü khe chüyadha. Ntsakhiwa, nthu na hati kahang-u. Nu ikhang na khili Apvüwa Jisu nyan wina nthu na ha miwi la tsüti sabenlo khie nu kiza ntsa saben.

1 JOHAN 4:14

Abawa na ma Tsa kesun pi ayyi Hangshawa sa thsüle kesa ithu na muyadha nu khi pi nyu kepa kizaden.

CCÜCAKECHI 1:1

Lesüshen hana Jisu Khrista pi ccücakechi cüki zhü theng. Pala hathu ha wan sacen keten Anyiza na pi ma maghathu ccücalo pi ma cü; Khrista na tangnyilo kesun pi ma maghawa Johan wi chi nu tsü chüya thsü,