JOHAN 17:2 - Kemethajüh (N) (Re-editing) Bible (BSI)

² Kepaghenanye ma anuphan kahang pi no pi ma kecüthu tsüdi cü thsüle kesalina no anyi tsüdi miwi kekhang pi ma cüdha.

JOHAN 17:2 Iomraidhean Croise

ZAKECI 110:1

Apvüwa na iPvüwa wi hati khi, “Ikwen ajewa donki ben lalo hi nghinyithu tsüdi pi nccü cakhu wi npi kechi cü chu.”

DANIEL 7:14

Kekhang, kenyuwakü, nu kadi kekhang pi ma cüa, isanu mizzatentithu, anyi nu ajühjja kepapa kesa nyithu tsüdila ma kekuli sa thsüle kesalina. Ma kekhang na anuphanla benden, nu ma kadinyu na asakhen sa nben.

MATHI 11:27

“IBa na pala tsüdi pi hi cüdha. Anyi kesütanla Abawa nkenye tsü Atsawa chü meya, nu thola Atsawa nkenye tsü Abawa chü meya, nu Atsawa na kessiya kesawa wi ma pi ccüca chiden.

MATHI 25:46

Tsaseng wi hathu ha kesun pi anuphan kemeten wi chiaben, isala ketsatanthu na anuphan kahang wi waben.”

MATHI 28:18

Jisu na tetsaki gho nu mathu wi khi, “Tang wi nu ayyi wi la kekhang tsüdi pi hi cüdha.

JOHAN 17:24

“O, iBa, no mathu pi hi cüdha, mathu ya no pi hi kecü inyankethang tsü muya thsüle kesalina hi mathu pi hi gweghe ben thsü mvu ben, kepaghenanye no ayyi npi sakechi wina hi tizenghali den.

JOHAN 17:6

“Hi n-nyan pi no ayyi wi anyithu pi hi kecüthu wi chüya thsüdha. Mathu na nji, nu no mathu pi hi cü. Mathu na njüh kinayadha,

JOHAN 17:9

“Hi mathu ghena khieben. Hi ayyi nyithu ghena nyela no pi hi kecüthu ghena khieben, kepaghenanye mathu na nji.

JOHAN 3:35

Abawa na Atsawa tizenghali nu pala tsüdi pi ma kwen wi chicüdha.

JOHAN 4:14

isala thowa na hi atssü pi ma cü ketenwa tsü jjüya khe dighe neng meyacha. Kepaghenanye hi atssü pi ma cü ketenwa tsüna ma wi bvü keshhugho tssükhang kesü sa nu kahangtssü nu anuphan kahang pi ma cüden.”

JOHAN 6:27

Dedia keten tsse ha bha pi ketizen nsa lalo, isala anuphan kahang ben keten tssewa ghena kuli yalo. Atsse hawa ha Anyi Tsawa na pi nthu cüden, kepaghenanye Abawa Anyiza na ma kessikeya pi ma miwi jenkidha.”

JOHAN 6:37

IBa pi hi kecüthu tsüdila hi wi ghoden. Nu thowa na hi wi gho khe hi khiela ma teshi meyacha,

JOHAN 6:39

Nu hi kesun kechiwa kenen tsüna hi ya ma pi hi kecüthu tsü kesü la pi nbhatagha thsüla wa asakhen ghanan wi tsüthu tsüdila zanki pi kahang wi chicülo kesalina.

ROMNYI 6:23

Kepaghenanye kesami kutimen tsüna keshü, isala Anyiza na Apvüwa Jisu Khrista wina kekila khukechi ajuwa tsüna anuphan kahang.

1 KORINTHNYI 15:25

Kepaghenanye Anyiza na aghinyithu tsüdila chaya nu pi ma ccü kekhu wi npi kechi chu Khrista na kedi nsathu yishü.

EFESANYI 1:20

ma keshü wina Khrista sa pi hangya thsüa nu pi tang wi ma kwen ajewa benya thsü kesa kekhang tsü makesü.

FILIPPINYI 2:10

Tsalina Jisu nyan kinyikü wina tang wi, ayyi wi, nu ayyi kekhu wi tsüdila akhhutsüdu ma kinyiden.

1 TIMOTHI 1:16

Isala hi kesami ntsawa ha lela Anyiza na hi nantizen ntsa chicü nu Khrista Jisu na hi ssinu kekuli wi ma kekheneng keya pi hi ccücakechi wina ashiseng wi ma nondi nu anuphan kahang muya ketenthu tsüdi ghena tsütsonca kesü saya thsü.

IBRINYI 1:2

isala asakhen tsathang hathu wi tsü ma Tsawa wina ithu ccüneng chidha. Anyiza na ma wina atssan ayyi sachi, nu ma yala asakhen wi pala tsüdi ghong keyawa saya thsüle Anyiza na ma kessiyadha.

1 PITOR 3:22

ma tang wi wa Anyiza kwen ajewa wi ben nu tangnyilothu nu tang kekhang kesenthu nu kekhangthu tsüdi miwi kadi saben.

1 JOHAN 1:2

Kahang ha mutha keshhugho wi ikhang na tsü muyadha; tsalina ikhang na tsü cüki khi nu Abawa wi anuphan kahang keben pi ikhang ccüca kechi cüki tsü pi nthu kizaben.

1 JOHAN 2:25

Nu hawa ha Khrista na anuphan kahang pi ithu cüle khishichi kethengwa tsü.

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.

JUDE 1:21

nu nthu ketanla nthu pi Anyiza nanketizen wi chi nu Apvüwa Jisu Khrista na ma nanketizen wina anuphan kahang pi nthu cüle keben tsü hie benlo.