JOHAN 17:1 - Kemethajüh (N) (Re-editing) Bible (BSI)

¹ Jisu na ajüh ha kekhi cen seng wi ma tang wi ghang nu khi, “IBa, matsü na ghodha. Atsawa ya n-nyanthangya thsüle kesalina anyankethang pi Atsawa cülo.

JOHAN 17:1 Iomraidhean Croise

ZAKECI 123:1

Apvüwa, hi yakila no ghang, tangwi no kekhang kesen pen wi tsü.

ISAYA 38:14

Ihhai na n-nite nu nkhangla, Nu hi nkhetsü kekhou ti ghadhi wa. Tangwi ghang pi inyon na nküchala. Apvüwa, agükeccü ha tsüdi wi hi kikasha cülo.

MARK 14:41

Ma kecheng tughuwa kheneng kegho wi ma mathu wi kiza, “Nthu khili kecu cca jenben kwe? Cendha! Matsü na ghodha le! Ghangchilo, Anyi Tsawa tsü khili ghan pi kesami nyithu kwen wi chia tendha.

Luk Zhükechi Jühtheü Kemehaiwa 18:13

Isala khajana kekhüwa tsü temeja wi ngan nu ma mmi la pieki pi tang wi n-ghang, isala ma leben wheng nu khi, ‘Anyiza, hi kesami nyi kesü ha nantizen chicülo!’

Luk Zhükechi Jühtheü Kemehaiwa 22:53

Hi atsathangla nthu gweghe Kekinyijjen wi ben lela nthu na hi ghan meya. Isala matsü hawa ha nthu ji nu kejang kekhangwa tsü sadha.”

JOHAN 11:4

Jisu na ajüh tsü zakeya wi ma hati khi, “Hawa ha Lazar keshü kinaa nye, isala ha wina Anyiza nyanthangya thsüle kesalina. Isanu ha ghena Anyiza Tsawa nyankethang sayaben.”

JOHAN 11:41

Tsalina mathu na alon tsü khupia, nu Jisu na yaki ghang nu khi, “IBa, hi no sengle, no hi kekhie kina keten ghena.

JOHAN 12:23

Jisu na manyi wi khineng, “Anyi Tsawa nyanthang yale kesalina matsü na ghodha.

JOHAN 13:1

Shhukeya Kho tsathang npi tuwi Jisu na ma ayyi ha teshi nu Abawa wi wa keten matsü na gho cudha kesa chüya. Ma ayyi ha wi ma jithu tizenghali ntsa sa, nu ma mathu tizenghali wa asakhen cu.

JOHAN 16:32

Matsü na ghoden, nu tsüna khili ghodha, nthu tsüdila bvüzighe nu papa jjen wi wa, nu hi ketan saaben. Isala hi ketan nye, kepaghenanye Abawa na hi ssi benden.

JOHAN 7:30

Mathu na ma ghanyale kiden, isala anyi kesütanla ma nkidhen, kepaghenanye ma tsüwa na gho npi cu.

JOHAN 7:39

Jisu na ha ma nondi keyathu na aghamu muya keten cüki khichi. Tsü tsüwi aghamu tsü npi khuchicü, kepaghenanye Jisu na ma nyankethang npi sachi.

JOHAN 8:20

Jisu na Kekinyijjen wi keben kechipen wi nyu sansi nu ha tsüdi khichi. Isala thola ma ghan meya, kepaghenanye ma tsüwa tsüna npi cu.

KEKULI 3:13

Abraham, Isak, nu Jakob Nyiza, nu ithu baqhaithu Nyiza na ma maghawa Jisu nyankethang sa kechi. Nthu na ma ghan pi kekhang kesenthu kwen wi chia, nu Pilat na ma teshi chiale sa lela nthu na Pilat tuwi na ma meya mvula.

1 PITOR 1:21

Ma wina nthu na Anyiza keshü wina ma sa pi hang cü nu anyankethang pi ma kecüwa tsü nondiben; tsalina nthu kenondi nu kaghang tsüdi Anyiza miwi ben.