JOHAN 16:3 - Kemethajüh (N) (Re-editing) Bible (BSI)

³ Anyithu na nthu miwi hathu ha saben, kepaghenanye mathu na Abawa nyelela hi la nchü.

JOHAN 16:3 Iomraidhean Croise

Luk Zhükechi Jühtheü Kemehaiwa 10:22

“IBa na pala tsüdi pi hi cüdha. Anyi kesütan la Abawa nkenye tsü Atsawa tsüna thowa khe chüya nten, nu anyi kesütan la Atsawa nkenye nu Atsawa na pi ma ccüca nkechi tsü Abawa tsüna thowa khe chüya nten.”

JOHAN 15:21

Isala nthu na iji ghena mathu na ha tsüdi nthu miwi sachi ben; kepaghenanye mathu na hi kesun kechiwa tsü nchü.

JOHAN 15:23

Thowa na hi nanmeghü ten khe iBa la nanmeghü den.

JOHAN 17:25

O, Ketsatan Bawa! Ayyi nyi na no nchü, isala hi tsü no chü, nu hathu ha no hi kesun chile kesa chüben.

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

JOHAN 8:19

Mathu na ma wi keü, “NBa na khiewa ben nu?” Jisu na luneng, “Nthu na hi nu iBa nchü. keujüla nthu na hi chü lethu, iBa la chü kesa.”

JOHAN 8:55

Nthu na khiela ma npi chü, isala hi ma chüben. Keujüla hi ma nchüle khithu hi la nthu ti milikemesa nyi saben, isala hi ma chüben nu ma jüh kinaden.

KEKULI 3:17

“Icünyuthu, nthu nu nthu ccülikesathu na Jisu miwi kuli kechi tsüna nkechü ghena le kesa hi chüben.

1 KORINTHNYI 2:8

Ayyi ha wi kekhang kesenthu kesütanla kemetsa hawa ha nchü. Keujüla mathu ha chü lethu mathu na Apvüwa nyankethangwa tsü pi kross miwi jen nkesa.

2 THESSALONIKANYI 1:8

annikeqhe sen nu ithu Pvüwa Jisu cüki Jühtheü Kemehaiwa tsü nkina nu Anyiza meya mvula kesathu meten cüden.

1 TIMOTHI 1:13

hi kheni ma kethenjüh khi, ma meten-mesha, nu ma kimenni lela. Isala Anyiza na hi nantizenchi, kepaghenanye hi kenondi npi benkeya ghena hi mangwa saben khe nchü.

1 JOHAN 2:23

Kepaghenanye thowa na Atsawa meya mvu saten khe Abawa la meya mvu saden; thowa na Atsawa yayaten khe Abawa la yayaden.

1 JOHAN 3:1

Ae, Abawa na khatila ithu tizen chidha nu! Ma ketizen na di ntsa kesalina ithu pi Anyiza tsangathu le ciyadha — nu ntsakhiwa ithu na tsüti saben. Tsalina ayyiwa na ithu nchü, ma jjügi tsüna Anyiza nchü.

1 JOHAN 4:8

Anyi thowa na nyu tizen nten khe ma Anyiza nchü, kepaghenanye Anyiza na ketizen.

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.