JOHAN 15:4 - Kemethajüh (N) (Re-editing) Bible (BSI)

⁴ Hi wi benyalo, isathu hi la nthu wi benyaden. Acüna kesü na maton wi nkeben tsü ma ketanla abi bün nkeya tsüti nthu la hi wi nkeben tsü nthu bi bünya nben.

JOHAN 15:4 Iomraidhean Croise

Kesaki khwi 8:5

Ayyikeshü wina ghoketen ma zipvüzawa lapeng sen keten ha thowa nu? Alati ton cakhu wi hi no pamechü chi, no kepvügha pen witsü.

HOSEYA 14:8

Israel nyithu na atsikezhüthu sennu mangla kesa nmiladen; hi mathu kekhie yacü nu mathu noncca yaden. Jü wa nketen chanton kesü ti hi mathu kekhwen saya den; Hi mathu ghena kemihhi tsüdi bvüwa.”

MATHI 12:33

“Achan mabi kemehai muyale kesalina nthu maton kemehai ben meyathu yishü, keujüla nthu na maton nkemehai ben lethu mabi la nkemehai muyaden. Kepaghenanye achanton tsüna khati kesa khe mabi wina chüyaden.

Luk Zhükechi Jühtheü Kemehaiwa 8:15

Amacü ayyi kemehai wi keqancathu tsüna anyi Anyiza jüh tsü zaya nu pi mathu leben wi chiya nu noncca sen wa ma bi bünya nu wwiyale.

JOHAN 14:20

Tsü ghanan gho lethu, nthu na hi iBa wi ben nu hi nthu wi keben tsüti nthu na hi wi ben kesa chüyaben.

JOHAN 17:23

Ayyi nyi yala no hi kesunchi nu hi tizenghali keten tsüti mathu la tizenghali tenle kesa chüya thsüle kesalina hi no wi ben, nu no hi wi ben, isanu mathu ya kesütan saya thsülo.

JOHAN 6:56

Thowa na isa dsa nu ijjü jjüten khe ma hi wi hangben nu hi ma wi hangben.

JOHAN 8:31

Tsalina Jisu ma nondi ketenthu wi kiza, “Keujüla nthu na hi kesansi jüh kinaten lethu, nthu na ntsakhiwa hi sansikeyathu.

KEKULI 11:23

Ma wa cukeya wi Anyiza na khatila sawegü pi anyithu cü khe muya, ma anonghe ntsa sa nu mathu leben tsüdi pi Apvüwa wi bentenlo kesa mathu kechü-kenong chicü.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

2 KORINTHNYI 13:5

Nthu na kenondi wi hang benla nye khe nthu ketanla nthu ketsükepha nu nthu ghan-nanlo. Nthu na khang meyala nkesa tsü, Jisu Khrista na nthu wi hangben kesa nthu na chü meya kwe?

GALATIANYI 2:20

Tsalina khili hang kebenwa tsüna hi nyedha, isala hi wi hang kebenwa tsüna Khrista. Hi khili hang kebenwa kahang ha na hi tizen nu ighena ma kahangli khuchi kesawa Anyiza Tsawa kenondi wina hang ben.

EFESANYI 3:17

nu kenondi ghena Khrista ya nthu leben wi benya thsüle hi kekhie saden. Nthu yala nanketizen wi nthu aghazan cha nu agi kedegü ya,

FILIPPINYI 1:11

Anyiza nyankethang nu keseng ghena Jisu Khrista ketan sengho cü keten atsentsa kemehaiwa tsü pi nthu kahang pongya ben.

KOLOSSINYI 1:23

Nthu na ajühkemehaiwa zakeya wi kekiyi mukeya kaghangwa tsüna apen nketsen thsüla zükeqhe nondiki, nu ghansen khvu nbenthu yishü. Ajühkemehaiwa ha ghena hi, Paul na amagha kesü saben, nu ajühkemehaiwa ha pi ayyi wi anyi tsüdi sansi chidha.

KOLOSSINYI 1:27

Anyiza kemeshen na ma wi kekuthi tsü pi ma nyithu chüya thsü, keben nu anyankethang kekuthiwa ha ma wi anyi tsüdi ghena ben. Kekuthiwa tsüna Khrista na nthu wi ben, tsü jjügi nthu na Anyiza nyankethang wi tsü gweghe yaben.

KOLOSSINYI 2:6

Nthu na Jisu Khrista pi Apvüwa saya kesa tsüti ma wi hangki ben tenlo.

1 THESSALONIKANYI 3:5

Tsalina hi Timothi kesunchi ben. Hi pvüben meyala kesalina ma kesun pi nthu kenondi cüki chüya thsüle sa. Atsaghang na nthu mechu nu ikhang kekuli tsüdi pi ma men nkemi sa meyacha le!

IBRINYI 10:39

Ithu na anyi asenkhenengwa nu bhatagha kesathu nye, isala ithu na kenondi ben nu hangshaya kesathu.

1 JOHAN 2:6

Anyi thowa na ma Anyiza wi benten le khiten khe ma la Khrista kahang ti kahang-u.

2 JOHAN 1:9

Anyi kesü le kesü lela Khrista kesansijüh wi nbenla ma gilli sa wa lethu, Anyiza na ma wi nmi. Thowa na Khrista kesansijüh wi ben khe ma Abawa nu Atsawa la ben.