JOHAN 15:2 - Kemethajüh (N) (Re-editing) Bible (BSI)

² Ma hi wi acüna kesü le kesü lela abi nkebünwa tsü shüchiaben, nu ma acüna abi bün kebenwa tsü satemetha, isanu tsü ya metha nu abi kejon bünya thsüle kesalina.

JOHAN 15:2 Iomraidhean Croise

Job Lesüshen 17:9

Kenyuwakü yaqo le khi ketenthu na mathu na meshon le kesa meshen pfüpfü wadha.

ZAKECI 92:14

maton keqhai sengwi lela ma bi bün, nu keshüthangla mejjüdhi, nu zükeqhe ben den.

KEMETSAJÜH 4:18

Ketsatanthu na wa keten len tsüna aghani keshhugho ti, aghanan npi kesa chu wegü kayi ben den.

ISAYA 27:9

Israel nyithu kesami teshi pi cüle keben tsüna acenpvü kepapa kesa kekinyijjen wi alonthu tsü kihhecha, nu hankedemvu kemecang ben, nyelela acenpvü nzawa Asherah tsikezhüthu tsü nmitha sa ccüla saaden.

ISAYA 29:19

Ketha-u nu hang kimenni ketenthu na kuti Apvüwa, Israel Nyiza Kemethawa na khukechi anonkeghe tsü mu neng yaben.

DANIEL 11:35

Accülikesa kemetsathu pahan pathiaben, isala ha ghena anyithu sametha yaden. Hati sa wa Anyiza na matsü ssan ketheng asakhen tsüwa kegho cuden.

HOSEYA 6:3

Ithu Apvüwa chüyale sa nalo! Tsantheghi shagha metsi nu pathsü tsangho pi ayyi tencü metsi keten ti ma ithu wi ghoaben .”

MALAKHI 3:3

Ma satemetha nu rükatssü satemetha keten kesü ti ajühkaghaten ghoden. Amighe kecü nyi kesü na rükatssü nu suna mecang temetha keten ti Apvüwa nyilowa na keqhaikedithu tsü satemetha den, isanu mathu na kekinyithu kemeshon sennu Apvüwa wi gho thsü le kesalina.

MATHI 13:12

Kepaghenanye anyi thowa na pala pahan ben khe pi wwa neng cüden, isanu ma ji ntsa benya thsüden; isala anyi thowa na mangla nmi khe ma keu ketan keben tsü lela sen bvüaben.

MATHI 13:33

Jisu na tsü miwi la ajühkaghape pi mathu kiza: “Tang Kadiyyi tsüna hati kesa. Nza kesü na azimi khuya nu pi ashijü kecheng wi awheng saghu nu maben la azimi npi ceng keshhugho chu pi ketheng tsüti le.”

MATHI 15:13

Jisu na khineng, “Achanton kesü le kesü lela iBa tang wi kebenwa na pi nkishen chiwa tsü pfüpi shaben.

MATHI 21:19

Ma alen kete wi khhaghabvü ton kesü muya nu ciwi wa nan mawa ketan khe ciwi mangla nmu. Tsalina ma achantonwa wi kiza, “No khiela nbi nbün nengdha!” Tsümeyi khhaghabvü ton tsüna jüwa.

MATHI 25:29

Kepaghenanye anyi thowa na pala pahan ben khe pi wwaneng cüden, nu ma ji ntsa benya thsüden. Isala anyi thowa na mangla nmi khe ma wi keu keben tsü lela sen bvüaben.

MATHI 3:10

Ampvü na achantonthu ccü wi ben; achanton ma bi nkemehai kebünwa tsü shüchi pi anni wi cüchiaben .

MATHI 3:12

Ma amagha na ma kwen wi ben nu pi asu maben kewhen piaden. Ma asu non pi ma sabe wi chiyaden; isala magwe pi nyen nketen nni wi mecang shaden.”

MATHI 7:19

Achanton ma bi kemehai nkebünwa shüchi pi anni wi khala chiaden.

MARK 4:20

Isala kepathu na amacü ayyi kemehai wi keqancathu ti kesa. Mathu na ajüh tsü zaya nu yaya, nu ma bi bünya; pahan na changha, pahan na achentugho, nu pahan na meza tsüti bünya.”

Luk Zhükechi Jühtheü Kemehaiwa 8:13

Amacü alon miwi keqancathu tsüna anyi Anyiza jüh tsü zakeya wi anonkeghe sala ya keyathu; isala tsüna mathu wi dhugü du meya; mathu na keujü ketan nondi benla nu kemechu na kegho wi khuli wa.

JOHAN 15:1

“Hi kemeshentsse ton ntsawa, nu iBa na alli kenonccawa.

JOHAN 15:16

Nthu na hi kessi meya, isala hi nthu ya wa nu nthu bi anuphan benya keten tsü kejon bünyalo kesalina hi nthu kessiya nu nthu pi kekuli sa thsü. Isathu nthu inyan wina Abawa wi mangwa khie khe ma tsü pi nthu cüden.

JOHAN 15:3

Hi kesansijüh pi nthu kecü tsü ghena nthu na satemetha yadha.

JOHAN 15:6

Anyi thowa na hi wi nben khe tsüna acüna kesü pi khala nu shü thsü keten tsüti; hati kesa cünathu saghu pi annibhon wi khalachi nu mecang thsüaben.

JOHAN 15:8

Nthu bi kejon bünkeya wina iBa nyankethangwa tsü pi ccüca chiben; hati nu nthu na hi sansikeyathu sayaben.

JOHAN 17:12

No pi hi kecüthu tsü hi mathu ssi keten chu n-nyan kekhang wina hi mathu noncca ghole. Hi mathu hie gho nu kesütanla nbhatagha thsü, isani Ntsawajüh wi zhüketheng tsü cenyale kesalina meshu kesü kheni na ma cüki khi ketheng tsüti bhatagha.

ROMNYI 11:17

Noncca keten oliv ton cüna pahan pashüdha, nu agheja ji oliv cüna sengho ciwi bhenki theng. Nthu Judah nyi nkenyethu na agheja ji oliv tsüti kesa, nu nthu na khili aghamulen wi kezü kahang wi Judah nyithu gweghe yaben.

ROMNYI 11:22

Ha wi ithu na Anyiza na khatila ccapeyi nu mayen khang khe muyaben. Ma khuli wa kesathu tuwi mayen khang, isala nthu tuwi tsü ccapeyi — keujüla nthu na ma keccaketssü wi benkiya lethu. Isala keujüla nthu na tsüti nsa lethu, nthu la pashü piaben.

ROMNYI 8:28

Anyiza na pala tsüdi wi la ma tizen ketenthu nu ma kenen wina cikeyathu ssinu kemehaiwa ghena kuliten kesa ithu na chüben.

1 KORINTHNYI 13:1

Hi anyithu nu tangnyilothu jüh khiya ben lela keujüla hi nanketizen tsü nmi lethu, hi amighe kekihhe hhai tsüti saben.

TITA 2:14

Ma ithu ghena ma gwo khuchi, gheshighena tsüdi wina ithu khushiya nu ithu pi ma nyi kemetha saya nu kemehai kesa mvu nyi sa thsüle kesalina.

IBRINYI 12:15

Anyiza nanketizen ncüzzi le kesa ghena kiden-kesha yalo. Thola ya kekha chan kesü ti shigü shagha nu anyi kejon sa pi agüccü thsü nsala.

1 JOHAN 2:19

Mathu na ithu zi makesü nkenye ghena ithu ja wina bvüdha, kepaghenanye keujüla mathu na ithu zi makesü lethu, mathu na ithu gweghe ben kesa. Isala mathu na bvü kesa tsüna mathu kesütanla ithu zi wi nyele kesa chüti yadha.

CCÜCAKECHI 3:19

Hi hi kaghalithu tsüdi khah nu meten cüden. Tsalina lebentsentsa sa nu no kesami wina kheneng yalo.