JOHAN 15:1 - Kemethajüh (N) (Re-editing) Bible (BSI)

¹ “Hi kemeshentsse ton ntsawa, nu iBa na alli kenonccawa.

JOHAN 15:1 Iomraidhean Croise

Kesaki khwi 7:12

Ishinyi na ghanen mitu na shaghala kemeshentsse bithu na shigü shagha, kepvüthu na sha shhugho, nu ahhibvü na pvü wadhala npi khe ghang den. Ciwi hi kaghali pi no cüben.

ISAYA 4:2

Apvüwa na ayyi tsüwa wi aghanglani nu achan tsüdi shigü pi di nu mehaiya keten matsü na ghoden. Israel nyi hang keyathu tsüdila ayyi tsüwa na yangdsa ketenthu bünshi keya ghena mathu kenen sala kapvü yaben.

ISAYA 60:21

N-nyithu tsüdila kemeshonwa sa waben, nu anuphan ghena ayyiwa tsü yayaben. Hi mathu pi shengchi, hi mathu sachi, hi kedi tsüpi tsüdi ccücale kesalina.

ISAYA 61:3

Accükwenkeshü mithon wi anonkeghe, nu kenong pi Zion wi anongü kebenthu cü thsü, ahathakina mithon wi keseng khwi kesü pi cülo kesalina. Mathu na Apvüwa ma ketanla achanthu pi sheng ketheng tsüti saaben. Mathu tsüdila kemeshonwa saaben, nu Anyiza na sakechithu ghena nyu na ma sengben.

JEREMIYA 12:10

Asang kekhang kesenthu kejon na hi kemeshentsse lli yasadha; mathu na illi cütekedadha; mathu na iyyi tsikemehai pi ayyikeshü ceng thsüdha.

JEREMIYA 2:21

Macü kemehai ntsawa wi kessishikeya kemeshentsse ton ti hi no pi sheng chi. Isala no mangwa khati sadha nu? No kemeshentsse ton kebighe ma men nkemi ti sadha.

EZEKIEL 19:10

Nshinyi jja na kemeshentsse ton kesü pi akuza kesü kete wi sheng ketheng ti kesa. Kepaghenanye ciwi atssü na meshumena ben, nu kemeshentsse tonwa tsüna ma wa nu ma bi na kepong saben.

HOSEYA 10:1

Israel nyithu na kemeshentsse ton kesü ma bi na bün bhon keten ti sa keten. Mathu na mehai kayithu, kekinyipenthu jipfü sa. Mathu yyi na mehai kayithu, mathu na kinyi keten lonkeshengthu tsü sapi atsimehai pfü sa.

ZEKHARIYA 3:8

Kinayalo, Joshua, no keqhaikedi ntsawa; nu nthu ma gweghe keqhaikedi sa ketenthu, kinayalo, nthu na ghaketen wi kemehai ghena azensuwa tsü: hi imagha pi ma Cünawa le khi keten tsüpi ccüca chiten le!

MATHI 15:13

Jisu na khineng, “Achanton kesü le kesü lela iBa tang wi kebenwa na pi nkishen chiwa tsü pfüpi shaben.

MATHI 20:1

“Tang Kadiyyi na hati kesale. Ciwi anyi kesü na ghanen mitu na anyi pahan ssinu ma kemeshentsse lli wi wale bhawa.

MATHI 21:33

Jisu na khi, “Ajühkhaghape kepa wi ha kina chilo: Ciwi alli pvüwa kesü na kemeshentsse ton pi sheng, aghapeng sa pi tsü vü, kisengtssü kemisügüpen ghena ayyiku kesü chhü, nu acatu kesü sa theng. Tsaseng wi ma alli tsü pi kedengathu kwen wi denga chi theng nu kijünyi wa.

MARK 12:1

Tsaseng wi Jisu na ajühkaghape ha pi anyithu kiza: “Ciwi anyi kesü na kemeshentsse ton pi sheng nu aghapeng sa pi vü, ma tssü kemisügü ghena ayyiku kesü chhüya, nu acatu kesü gheya. Tsaseng wi ma kemeshentsse lli tsü pi denga theng nu kijünyi wa.

Luk Zhükechi Jühtheü Kemehaiwa 13:6

Tsaseng wi Jisu na ajühkaghape ha pi mathu kiza: “Anyi kesü ma lli wi khhaghabvüton kesü na ben. Ma mabi laya le bha wa, isala kesütanla mu meya.

JOHAN 1:17

Kepaghenanye Mosa wina ayenwa tsü khuchi, isala nanketizen nu atsentsawa tsüna Jisu Khrista wina gho.

JOHAN 1:9

Hawa ha atsentsa kewegüwa — kewegüwa tsüna ayyi wi gho nu anyi tsüdi wegüben.

JOHAN 15:2

Ma hi wi acüna kesü le kesü lela abi nkebünwa tsü shüchiaben, nu ma acüna abi bün kebenwa tsü satemetha, isanu tsü ya metha nu abi kejon bünya thsüle kesalina.

JOHAN 6:32

Jisu na mathu wi khi, “Hi atsentsawa nthu kizaden: Mosa na amesa pi nthu kecü tsüna tang wi mesa nye; hawa ha iBa na tang wi mesa tsentsawa pi nthu cüle.

JOHAN 6:55

Kepaghenanye isa na kedsa tsse ntsawa nu ijjü na kejjü tssü ntsawa.

ROMNYI 11:17

Noncca keten oliv ton cüna pahan pashüdha, nu agheja ji oliv cüna sengho ciwi bhenki theng. Nthu Judah nyi nkenyethu na agheja ji oliv tsüti kesa, nu nthu na khili aghamulen wi kezü kahang wi Judah nyithu gweghe yaben.

1 KORINTHNYI 3:9

Kepaghenanye ishinyi na gweghe nu Anyiza kekuli kesa nyi, nu nthu na Anyiza lli tsü. Nthu na Anyiza jjen tsü la,

1 JOHAN 2:8

Isala hi khili ayenkhukechi ketheü kesü zhü pi nthu cüben, kepaghenanye atsentsawa tsüna Khrista wi nu nthu wi la muyaden. Kepaghenanye kejangwa tsüna bvü tendha, nu atsentsawa kewegü, tsüna wegü bendha.