JOHAN 13:5 - Kemethajüh (N) (Re-editing) Bible (BSI)

⁵ Tsaseng wi ma atssü pi atssükhu wi chiya nu sen wa sansikeyathu ccü bhu, nu atssükizü thsü ma geshi qhanpvü keten tsü pi mathu ccü nyen.

JOHAN 13:5 Iomraidhean Croise

ADECHHÜ 18:4

Hi atssü pie gho nthu ccü bhuya thsüna; nthu na achanton ha cakhu wi mnanyalo.

ADECHHÜ 19:2

nu khi, “Kediwa keni, hi nshinyi ketsikina tenle, ijjen wi gholo. Nshinyi ccü bhuya nu shita ijjen wi benlo. Ghanen wi mitu na shagha nu waya mehai.” Isala manyi luneng “Nye le, ishinyi shita anyunuti lentonti hawi benden.”

ADECHHÜ 43:24

Amaghawa na ma cünyuthu ssinu ajjen wi du. Ma atssü pi mathu cü nu mathu ccü bhuya thsü, nu ma mathu gadathu la ghanja cü.

2 KADIMITHU 3:11

Kadimi Jehoshafat na keü, “Hewi ithu na atusenjüh-kechüwa wina Apvüwa ccüneng ya kemehai kesüla benla nu?” Kadimi Joram kedi kesü na luneng, “Shafat tsa Elisha na hewi ben. Ma Elijah kekiqawa sale!”

ZAKECI 51:2

Hi nkemehai tsüdila bhu metha, nu hi kesami wina hi sametha cülo!

BVÜKESHHU 29:4

“Aaron nu ma tsathu ssinu hi ketenpen Nithsüjjen jenka wi gho nu mathu ya keccüna tssükizü yathsü.

ISAYA 1:16

Nthu ketanla nthu samethalo. Hi nthu na kekuli nkemehai sa keben kemu tsüdila teshi yilo. Ntsakhiwa, nkemehai nsala yilo,

EZEKIEL 36:25

Hi atssü kemetha pi nthu miwi keghü chi nu atsikezhüthu nakhi kesa kekuli tsüdi wina nthu satemetha cüden.

LEVIYEN 14:8

Anyi tsüwa na ma thsümeni ghasü, ma li whi, atssükizü, isathu ma keccüna wi metha ben. Ma kemnanpen non wi duya mehai isala ma nithsüjjen na ameiwa ghanan tagü nhangthu yishü.

ZEKHARIYA 13:1

Kemisintsa Apvüwa na khiben, “Tsü tsüna kegho wi atssükebvüpen kesü pfüsi chi pi David shicübvügha nu Jerusalem wi anyithu mathu kesami nu keqheza wina satemetha den.

Luk Zhükechi Jühtheü Kemehaiwa 7:38

Jisu sengwa ngan, nu ma ccü wi qai nu ma nyontssü lle pi Jisu ccü zügüben. Isanu ma lissen pi Jisu ccü nyen nu kimang, nu hankedemvu deli tsü pi ma ccü nyen.

Luk Zhükechi Jühtheü Kemehaiwa 7:44

Tsaseng wi ma nzawa wi khapegheya nu Simon wi kiza, “No nzawa ha muben ma? Hi njjen wi dugho lela no tsü atssü la pi iccü nbhu thsü, isala ma ma nyontssü pi iccü zügü nu ma lissen pi nyen cüdha.

JOHAN 13:10

Jisu khi, “Atssükizü kesawa na ma ccü ketan khe ma gwo kepa wi tsüdila methatha sadha; meshu kesütan khe nthu tsüdila methadha.”

JOHAN 13:6

Ma ghola Simon Pitor cuya, nu Pitor na ma keü, “Apvüwa, no iccü la bhule ben kwe?”

JOHAN 13:8

Pitor na khi, “No khiela iccü bhuya nben le!” Jisu na luneng, “Keujüla hi nccü nbhu thsü lethu, no hi wi nshei nmidha.”

JOHAN 19:34

Isala süpahithu meshu kesü na apie pi Jisu menni kicun chi nu tsü meyi ajjü nu atssü na lle shhugho.

KEKULI 22:16

No mangkesa na ngan ben nu? Shagha nu baptaiz saya nu no kesami samethaya, nu ma nyan ci chilo.’

1 KORINTHNYI 6:11

Kheni nthu pahan na tsüti kesa wi hang. Isala khili tsü kesami wi nthu samethayadha; nthu satemetha pi Anyiza wi chidha; Apvüwa Jisu Khrista nu Anyiza Ghamu wina nthu pi Anyiza tuwi meshonyadha.

EFESANYI 5:26

Ma ajüh nu atssü wina kemehu tsü satemetha pi Anyiza cüle ha sachi,

1 TIMOTHI 5:10

nu nyu ma kekuli kemehai khi; ma tsanga mehaitsü nonccakeya kinyibvü kesü, ma jjen wi kijünyi thu ssiya mvu keten, Khristanyithu ghena kekuli kemehai sa, agükeccü wi anyithu kiqa, nu kemehai kekuli wi lebenkechi nyi nsathu yishü.

IBRINYI 10:22

Tsalina leben tsentsa nu kenondi tsentsa, kemeshen nkemehai satemetha nu atssü kemetha pi agwo sametha kesa leben pvü nu Anyiza tetsaki wa nalo.

1 JOHAN 1:7

Isala keujüla ma kewegü, wi keben tsüti ithu la kewegü wi hang ten lethu, ithu na khokho ssinu gweghe ashukesa wi ben, nu ma Tsawa, Jisu jjü na kesami tsüdi wi ithu satemetha cüben.

1 JOHAN 5:6

Jisu Khrista na ma baptaiz kesa wi atssü nu ma keshü wi ajjü sengho. Ma atssü ketan nsengho, isala atssü nu ajjü manyi qho sengho. Nu Aghamu na tsü atsentsa le kesa sheipi ben, kepaghenanye Aghamu na atsentsa.

CCÜCAKECHI 1:5

nu Jisu Khrista, atsentsa chüzawa, keshü ja wi atuwa pvügha keyawa, nu ayyi wi kadimithu tsüdi miwi kekhang sen ketenwa wina nanketizen nu kecca ya nthu ssiben keyawa salo. Ithu nantizen nu ahhansha sa keshü ghena ma jjü pi ithu kesami wina ithu hangsha keyawa,

CCÜCAKECHI 7:14

Hi ma luneng, “Hi nchüle, kediwa. No chüben.” Ma hi kiza, “Anyi hathu ha ketizenkesa qhethiketen kesa wina shhughoya nu ghoben. Mathu na Khaghanenizzawa jjü pi mathu thsümeni satemetha nu mikidha.

PENDHENYI 19:21

Tsalina ma mathu ssinu ma jjen wi wha nu mathu gadathu ghanja cü. Ma kejjenthu na mathu ccü bhu nu dsajjüya.

1 SAMUEL 25:41

Abigail na ayyi wi nkhwendu nu khi, “Hi ma maghale, hi ma maghathu ccü bhuya mehaile.”