JOHAN 13:1 - Kemethajüh (N) (Re-editing) Bible (BSI)

¹ Shhukeya Kho tsathang npi tuwi Jisu na ma ayyi ha teshi nu Abawa wi wa keten matsü na gho cudha kesa chüya. Ma ayyi ha wi ma jithu tizenghali ntsa sa, nu ma mathu tizenghali wa asakhen cu.

JOHAN 13:1 Iomraidhean Croise

KEMETSAJÜH 8:31

ayyiwa ssinu anonghe nu anyithu nenden.

JEREMIYA 31:3

hi kelensie wina mathu ya hi muya thsüaden . Israel nyithu hi keshüthangla nthu ghali ghole, tsüti hi nthu ghaliki ketenwa tsüpi nthu ccüca ben waden.

MATHI 26:45

Tsaseng wi ma kheneng sansikeyathu wi gho nu khi, “Nthu na khili la cca jenben kwe? Ghangchilo, Anyi Tsawa tsü ghan pi kesami nyithu kwen wi chia keten matsüwa tsüna ghodha.

MATHI 28:20

nu hi pi nthu kekiza tsüdi pi mathu sansi nu nieya thsülo. Hi keshüthangla wa kahang sakhen kecu wi lela nthu ssi benden.”

Luk Zhükechi Jühtheü Kemehaiwa 22:53

Hi atsathangla nthu gweghe Kekinyijjen wi ben lela nthu na hi ghan meya. Isala matsü hawa ha nthu ji nu kejang kekhangwa tsü sadha.”

Luk Zhükechi Jühtheü Kemehaiwa 9:51

Jisu zanki pi tang wi chiya keten pang wi ma Jerusalem wi wale meshen nu waden.

JOHAN 11:55

Shhukeya Kho tsü kesa tsü na cu wa, nu akho tsü npi tuwi anyi kejon na diyyiwa wina Jerusalem wi shula keccüna wi mathu satekemetha yen tsü sa.

JOHAN 12:23

Jisu na manyi wi khineng, “Anyi Tsawa nyanthang yale kesalina matsü na ghodha.

JOHAN 13:29

Judah na apisa hikhu kenonccawa ghena, sansikeyathu pahan kemeshen na Jisu na ma kiza nu wala kemishu ghena mathu nsenthu keyishü shei sen gholo, nyelela pala pahan pi ketha-u cülo kesa ghena le sa.

JOHAN 13:3

Jisu na Abawa na pala tsüdila pi ma kwen wi chidha kesa chüben, ma Anyiza wina gho nu Anyiza wi wa neng den kesa la chüben.

JOHAN 13:34

Hi ayenkhukechi ketheü kesü pi nthu cüben, nthu khokho tizenghali liyalo. Hi nthu tizenghali kesa ti nthu la khokho tizenghali li meyathu yishü.

JOHAN 14:28

Hi nthu wi kekiza tsü nthu na zayadha, ‘Hi bvüaden, isala hi nthu wi gho neng den.’ Keujüla nthu na hi tizenghali lethu, hi Abawa wi wa keten ghena nthu nonghe kesa, kepaghenanye ma imiwi diki.

JOHAN 14:31

isala ayyi nyi na hi Abawa tizenghaliden kesa chü meyathu yishü, tsalina hi ma kekhi tsüdila saden. “Ghalo, ikhang he wina bvüa na.

JOHAN 16:28

Hi Abawa wina ayyi wi gho, nu khili ayyi teshi nu Abawa wi wa tendha.”

JOHAN 17:1

Jisu na ajüh ha kekhi cen seng wi ma tang wi ghang nu khi, “IBa, matsü na ghodha. Atsawa ya n-nyanthangya thsüle kesalina anyankethang pi Atsawa cülo.

JOHAN 17:16

Hi ayyi ji nkenye tsüti mathu la ayyi ji nye.

JOHAN 17:26

No ighena tizenghali kebenwa tsü mathu wi la benya nu hi la mathu wi benya thsüle kesalina hi n-nyan pi mathu chüya thsüdha, nu tsüti sa benden.”

JOHAN 17:5

O, iBa, kheni ayyi npi sakechi wi hi no gweghe keben wi nyankethang tsü makesü khili no inyanthang chi cülo.

JOHAN 18:4

Jisu na pala hathu ha ma miwi kulile keben tsü chüben, tsalina ma atuwi shhugho nu mathu wi keü, “Nthu na thowa bhaten nu?”

JOHAN 19:28

Jisu na khili ha pala tsüdila cenyadha kesa chüya; isanu Ntsawajüh tsü cenya thsüle kesalina ma khi, “Hi dighe yadha.”

JOHAN 2:13

Tsüna Shhukeya Kho kesa tsü cu wa tendha, tsalina Jisu na Jerusalem wi wa.

JOHAN 6:4

Tsüna Shhukeya Kho kesa tsü cu wadha.

JOHAN 7:30

Mathu na ma ghanyale kiden, isala anyi kesütanla ma nkidhen, kepaghenanye ma tsüwa na gho npi cu.

JOHAN 7:6

Jisu na mathu wi khi, “Itsüwa na npi cu, isala nthu tsüwa tsü keshüthangla ben.

JOHAN 8:20

Jisu na Kekinyijjen wi keben kechipen wi nyu sansi nu ha tsüdi khichi. Isala thola ma ghan meya, kepaghenanye ma tsüwa tsüna npi cu.

ROMNYI 8:37

Nyele, ithu na ithu nantizen kecüwa wina hathu ha tsüdi miwi khang yadha le!

1 KORINTHNYI 1:8

Ma nthu noncca sen wa asakhen tsathang cu cüben tsüna ithu Pvüwa Jisu Khrista tsathang wi nthu kesami nben thsüle kesalina.

IBRINYI 3:14

Kepaghenanye keujüla ithu na aghatsan wina ithu kenondi tsü zükeqhe ghansen wala asakhen cuya lethu, ithu tsüdila Khrista kegweghe nyi sayaden.

IBRINYI 3:6

Isala Khrista na Atsawa sala Anyiza jjen wi atsentsawa sa. Keujüla ithu na kempvüza sala ithu kenondi tsü ghansen khvu ben lethu, ithu na ma jjenwa tsü.

IBRINYI 6:11

Ikhang kenmvu ketiwa na nthu pala ghang kebenthu tsü ntsakhiwa ghoya thsüle kesalina nthu meshu kesüsü alebenchi sen wa asakhen cuyalo.

1 PITOR 1:13

Tsalina nthu leben wi kulile kesa ghena kidenyalo. Meghe-metsa nu nthu kaghang tsüdi pi Jisu Khrista pi ccüca kechi wi kemihhi pi nthu cü ketenthu tsü miwi chiyalo.

1 JOHAN 4:19

Anyiza na atuwa sa ithu ketizen ghena ithu nyu tizenden.

CCÜCAKECHI 1:5

nu Jisu Khrista, atsentsa chüzawa, keshü ja wi atuwa pvügha keyawa, nu ayyi wi kadimithu tsüdi miwi kekhang sen ketenwa wina nanketizen nu kecca ya nthu ssiben keyawa salo. Ithu nantizen nu ahhansha sa keshü ghena ma jjü pi ithu kesami wina ithu hangsha keyawa,