JOHAN 12:16 - Kemethajüh (N) (Re-editing) Bible (BSI)

¹⁶ Ma sansikeyathu na aghatsan wi ha chüshi meya, isala Jisu nyankethang saya ccüla, mathu Ntsawajüh na ma cüki kekhi nu nyu ma miwi kulikechi ha meshenya.

JOHAN 12:16 Iomraidhean Croise

MARK 16:19

Apvüwa Jisu na mathu ssinu keccüneng seng wi tang wi ma ssiki nu Anyiza kwen ajewa donkiwa.

MARK 9:32

Isala mathu na tsü jjügi chüshi meyala nu ma wi tsü keü messi.

Luk Zhükechi Jühtheü Kemehaiwa 18:34

Isala sansikeyathu na hathu ha mangla nchü; ajüh jjügi tsüna mathu tuwi kuthi kesalina mathu na Jisu khi kebenwa tsü nchü la.

Luk Zhükechi Jühtheü Kemehaiwa 24:25

Tsaseng wi Jisu na manyi kiza, “Nshinyi kejüphon, nshinyi khatila atusenjüh-kechüthu na kekhithu tsü nondi dhu ben nu!

Luk Zhükechi Jühtheü Kemehaiwa 24:45

Tsaseng wi ma mathu leben sha pi Ntsawajüh chüshiya thsü,

Luk Zhükechi Jühtheü Kemehaiwa 9:45

Isala sansikeyathu na ha jjügi nchüla. Tsü pi mathu tuwi kuthi kesalina mathu na tsü jjügi chüshi meyala, nu mathu na ma wi tsü jjügi keü messi.

JOHAN 12:23

Jisu na manyi wi khineng, “Anyi Tsawa nyanthang yale kesalina matsü na ghodha.

JOHAN 14:26

Kekiqawa, Kemetha Ghamu, Abawa na inyan wina kesunchi ketenwa tsüna pala tsüdi pi nthu sansi cüben nu nthu yala hi pi nthu kekiza tsüdila meshen nengya thsüaben.”

JOHAN 16:4

Isala hi ha pi nthu kizadha, isanu khathansha wi mathu ghena hathu ha sale kesa matsü na gho khe, nthu na hi nthu kekiza tsü meshen yaben. “Hi nthu ssiben keten ghena hi aghatsan wi hathu pi nthu nkiza.

JOHAN 17:5

O, iBa, kheni ayyi npi sakechi wi hi no gweghe keben wi nyankethang tsü makesü khili no inyanthang chi cülo.

JOHAN 2:22

Tsalina ma keshü wina keshagha seng wi sansikeyathu na ha meshenya, nu mathu na ntsawajüh nu Jisu kekhi jüh tsü nondiya.

JOHAN 7:39

Jisu na ha ma nondi keyathu na aghamu muya keten cüki khichi. Tsü tsüwi aghamu tsü npi khuchicü, kepaghenanye Jisu na ma nyankethang npi sachi.

KEKULI 2:33

Ma zanki pi ma Ba Anyiza kwen ajewa wi chiya, nu Abawa na ajühkhichi ketheng ti ma Kemetha Ghamu muya. Nu nthu khili mu nu za keben hana ma ju meyisha pi ithu miwi chi kecü.

KEKULI 2:36

“Tsalina Israel nyithu tsüdila nthu na ghan pi kross miwi jen kesawa Jisu ha Anyiza na ma sa pi Apvüwa nu Messiya sa thsüle kesa chüyalo!”

KEKULI 3:13

Abraham, Isak, nu Jakob Nyiza, nu ithu baqhaithu Nyiza na ma maghawa Jisu nyankethang sa kechi. Nthu na ma ghan pi kekhang kesenthu kwen wi chia, nu Pilat na ma teshi chiale sa lela nthu na Pilat tuwi na ma meya mvula.

IBRINYI 12:2

Ithu nyon pi Jisu ithu kenondi kedegü nu sa cencu kecüwa tsü ghangki ya nalo. Ma anonkeghe na ma hie kebenwa tsü ghena kross miwi kejüghe keyawa tsü pi ma men nkemi sa, nu ma khili Anyiza kadipen ajewa wi ben wadha.

IBRINYI 8:1

Ithu khi keben jjügi maben na ha: ithu na Keqhaikedi Kemisintsa kesü na tang wi kadipen wi Anyiza jenkebenwa na ajewa donki kebenwa tsü bendha.