JOHAN 11:4 - Kemethajüh (N) (Re-editing) Bible (BSI)

⁴ Jisu na ajüh tsü zakeya wi ma hati khi, “Hawa ha Lazar keshü kinaa nye, isala ha wina Anyiza nyanthangya thsüle kesalina. Isanu ha ghena Anyiza Tsawa nyankethang sayaben.”

JOHAN 11:4 Iomraidhean Croise

BVÜKESHHU 16:7

Ghanen wi nthu na Apvüwa tenle kesa ma kewegü muyaben. Nthu leben-nkaghajüh khi nu ma shun kesa tsüna ma zayadha — anle, ma shunle, kepaghenanye ishinyi na ma kecükegwe kechi tsü sa keben ketanle.”

JOHAN 10:38

Isala keujüla hi tsüthu sa lethu, anuphan ghena Abawa na hi wi ben nu hi Abawa wi ben kesa chüyale kesalina nthu na hi n-nondi lela hi kekulithu ketanla nondi keya-u le.”

JOHAN 11:40

Jisu na ma wi khi, “No nondiya lethu, Anyiza nyankethang muyaben na kesa hi no nkiza kwe?”

JOHAN 12:28

IBa, n-nyankethang sa keyawa salo!” Tsaseng wi tang wina ahhai kesü gho, “Hi anyankethang sa chidha, nu hi tsü sa neng chiden.”

JOHAN 17:1

Jisu na ajüh ha kekhi cen seng wi ma tang wi ghang nu khi, “IBa, matsü na ghodha. Atsawa ya n-nyanthangya thsüle kesalina anyankethang pi Atsawa cülo.

JOHAN 17:10

Hi keben tsüdila nji, nu no keben tsüdila iji; nu hi mathu wina inyankethang sa chidha.

JOHAN 17:5

O, iBa, kheni ayyi npi sakechi wi hi no gweghe keben wi nyankethang tsü makesü khili no inyanthang chi cülo.

JOHAN 2:11

Jisu na Galilee yyi Kana nyuti wi amankesa kulikechi hawa ha atuwa nu ma ciwi ma nyankethang pi ccücachi nu ma sansikeyathu na ma nondiya.

JOHAN 5:23

Tsalina tsüdila Abawa kinyikü keten tsüti Atsawa la kinyiküden. Thowa na Atsawa kinyiküten khe ma kesun kechiwa Abawa la kinyiküden.

JOHAN 8:54

Jisu na luneng, “Keujüla hi ketanla inyanthang lethu, tsüna mangla nye. isala inyanthang chi ketenwa tsüna Anyiza, nthu na pi nthu ba le khi ketenwa tsüle!

JOHAN 9:24

Keni tughuwa la mathu na anyi ma nyon nkemu pvüghakeyawa tsü cichi nu ma wi khi, “Anyiza tuwi no atsentsawa khiben kesa kishenlo! Anyi no sa pi mehai kecüwa tsüna kesami nyi kesü kesa ikhang na chüben”

JOHAN 9:3

Jisu na luneng, “Ma nyon nkemu ha ma nu ma bajja kesami ghena la nye, isala ma wina Anyiza kekhang na kuli keben pi muya thsüle kesalina.

ROMNYI 11:11

Isathu, hi keüben: Judah nyithu na accümeshü nu khuli wa yasa kwe? Tsüti nsa le! Mathu na kesami sa kesa ghena hangshakeya na Judah nyi nkenyethu wi ghodha, nu Judah nyithu na mathu ghena anyonsa thsüle kesalina.

FILIPPINYI 1:11

Anyiza nyankethang nu keseng ghena Jisu Khrista ketan sengho cü keten atsentsa kemehaiwa tsü pi nthu kahang pongya ben.

FILIPPINYI 1:20

Hi nmvu ntsa nu ghang kebenwa na hi khie wila hi kekuli tsü nsala sa nten, isala matsü tsüdi wi nu khili hi kempvüza ntsa sala hi shü le hang lela hi kahang maben pi Khrista nyankethangwa tsü sayalo kheshilan! isaben.

1 PITOR 1:21

Ma wina nthu na Anyiza keshü wina ma sa pi hang cü nu anyankethang pi ma kecüwa tsü nondiben; tsalina nthu kenondi nu kaghang tsüdi Anyiza miwi ben.

1 PITOR 4:11

Anyi thowa na nyu sansi ten khe Anyiza ketsijüh pi sansi thsülo; thowa na nyu kekuli sa ten khe ma ya Anyiza pi ma kecü kezü sen nu nyu kekuli sa, isanu anyankethang nu kekhang na anuphan nu anuphanla ma ji sa ketenwa Jisu Khrista wina pala tsüdi wi la keseng pi Anyiza kecüwa salo. Amen.

1 PITOR 4:14

Keujüla Khrista ghena nyu nthu kimenni lethu, nthu na kemihhi ntsa, kepaghenanye anyankethang Ghamu, Anyiza Ghamu tsüna nthu miwi ben.