JOHAN 11:3 - Kemethajüh (N) (Re-editing) Bible (BSI)

³ Tsalina ma pvünon na nyu kesun pi Jisu wi kiza thsü, “Apvüwa, npvüshangwa no ma tizen ketenwa tsüna naa ben.”

JOHAN 11:3 Iomraidhean Croise

ADECHHÜ 22:2

Anyiza na khi, “Ntsawa Isak ma ketan no ma ghali ntsa ketenwa tsü ssiya nu Moria yyi wi walo. Ciwi hi no kiza na ayikha kesü miwi ma pi ahhansha sapi hi cülo.”

ZAKECI 16:3

Anyi Apvüwa wi ben tsentsa saya ketenthu khatila mehai nu! Mathu ssinu gweghe keyawa tsüna ighena anonkekwen ntsawale.

Luk Zhükechi Jühtheü Kemehaiwa 7:13

Jisu na ma mukeya wi ma ghena leben güccüya nu ma nzawa wi khi, “Nqai lalo.”

JOHAN 11:1

Bethani wi kahang nyi kesü ma nyan Lazar na naa ben. Bethani tsüna Maria nu ma pvünonwa Martha manyi nyu.

JOHAN 11:11

Jisu na ajüh hati khi nu mathu wi kiza, “Ikhang pvüshangwa Lazar na jen wadha, isala hi wala ma pamechü aden.”

JOHAN 11:2

(Maria hana adeli pi Apvüwa ccü miwi keshushachi nu ma lissen pi nyen pi kesawa tsü, ma baghawa Lazar na naa ben.)

JOHAN 11:21

Martha na Jisu wi khi, “Apvüwa, keujüla no he wi benle keathu, ibaghawa na shü nkesa le!

JOHAN 11:36

Anyithu na khi, “Ghangchilo, ma khatila Lazar tizen nu!”

JOHAN 11:5

Jisu na Martha nu ma pvünonwa nu Lazar tizenghali den.

JOHAN 13:13

Nthu na hi pi Kesansiwa nu Apvüwa le citen nu nthu na tsüti sa jiketsü, kepaghenanye hi tsüti kesa.

JOHAN 13:23

Sansikeyathu meshu kesü Jisu na ma tizenghali ketenwa na Jisu kete wi donkiben.

2 TIMOTHI 4:20

Erasta na Korinth wi ben wa, nu Trofima na naa wa kesalina hi Mileta wi ma teshia.

CCÜCAKECHI 3:19

Hi hi kaghalithu tsüdi khah nu meten cüden. Tsalina lebentsentsa sa nu no kesami wina kheneng yalo.