JOHAN 10:6 - Kemethajüh (N) (Re-editing) Bible (BSI)

⁶ Jisu na ajüh ha pi mathu ghape nu kiza, isala mathu na ma mangwa khiben khe nchü.

JOHAN 10:6 Iomraidhean Croise

ZAKECI 106:7

Ithu bamyithu na Anyiza na Ejipt wi amankesa kulikechithu tsü nchüla; matsü kejon wi ma kaghali pi mathu ccüca kechi tsü malia, nu Kenmie Tssükedone wi tsü mathu na Kekhang ntsawa tsü ssikaghashen.

ZAKECI 82:5

‘Nthu na khatila mangla nchü nu! Mang khatila jüphon nu! Nthu na maghangmeghetha sadha, nu atsentsawa tsü ayyi wi nmi ladha.

KEMETSAJÜH 28:5

Nkemehai nyithu na atsentsawa tsü mangwa khe nchü, isala thowa na Apvüwa kinyi ten khe mehaitsü tsü chüben.

ISAYA 56:11

Mathu na khiela lebenghaya nketen apvükemene ffü tsüti kesa. Accülikesa hathu hana mangla chüshi keya nmi. Mathu tsüdila ma kenen ketan sa nu ma kekiyi bhaden.

DANIEL 12:10

Anyi kejon sametha yaden. Gheshighenathu na chüshiya nben, isala gheshighena kekuli tsü saben den; metsa ketenthu ketan na chüshi yaben.”

MATHI 13:34

Jisu na ajühkaghapethu sen nu hathu ha tsüdi pi anyitenti kiza; ma ajühkaghape nsenla pala kesü la pi mathu nkiza.

MATHI 13:51

“Nthu na hathu ha chübenla nu?” Jisu na tsüti mathu keü. Mathu na “Chübenle” khineng.

MARK 4:34

Ma ajühkaghape kesü la nsenla mathu nsansi, isala ma ma sansikeyathu ketan gweghe keben wi tsüthu jjügi tsüdi khimetha pi mathu kizaden.

JOHAN 16:25

“Hi ajühkaghapethu sen nu hathu pi nthu kiza. Isala matsüwa na ghothu hi ajühkaghape hathu nsendha, isani nkuthila Abawa cüki pi nthu wi khiben.

JOHAN 16:29

Tsaseng wi ma sansikeyathu na ma wi khi, “No khili ajühkaghape nsenla khitha bendha.

JOHAN 6:52

Ha ghena Judah nyithu jawi aghepvü nu keccücanli shagha. Mathu khi, “Anyi hawa ha khati nu ma sa pi ithu dsa thsüya mehai nu?”

JOHAN 6:60

Ma senkeniethu kejonla ha za nu khi, “Kesansi jüh hawa ha dhu mtsü. Thowa na ha kinaya mehai nu?”

JOHAN 7:36

Ma mangwa jjügi na hati khiben nu? ‘Nthu na hi bhaben, isala nthu na hi muya nben, kepaghenanye nthu na hi khiewa wa ten khe ciwi ghaya nben.’ ”

JOHAN 8:27

Mathu Jisu na Abawa cüki khi pi mathu kiza keben tsü nchü.

JOHAN 8:43

Nthu mangkesa na hi kekhi jüh tsü chüshi meya nu? Tsüna nthu hi ketsijüh tsü nkina mvutha kesa ghena.

1 KORINTHNYI 2:14

Anyi thowa na Aghamu npvü khe Anyiza Ghamu ju khukechithu tsü yaya nten. Anyi tsüti kesawa na ntsakhiwa tsüthu chüshiya nben; tsüthu na ma ghena kejüphon jüh, kepaghenanye tsüthu men keben tsüna aghamulen wi ketan ghan-nanya mehai.

2 PITOR 2:22

Ajühbvü wi hati kekhi tsü mathu ghena ntsakhiwa: “Affü na wa ma keduwe dsa neng waden” nu “Avü na atssükizü pvü wa anisha kunun neng waden.”

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.