JOHAN 10:4 - Kemethajüh (N) (Re-editing) Bible (BSI)

⁴ Ma ma jithu ssinu shhugho yathu ma atuwa sa nu khaghanenithu na ma nie den, kepaghenanye mathu na ma hhai tsü chüben.

JOHAN 10:4 Iomraidhean Croise

Kesaki khwi 2:8

Hi Izi pvüzawa hhai zaya. Ma ayikhathu miwi na bvügho, yyishiphon thu pvüdhi sen hi wi gho.

Kesaki khwi 5:2

Hi jen lela ileben na ka. Hi Izi pvüzawa na gho ajenka kekha keben mangya. Hi ya dugho thsülo, Izi ghalawa, Izi ghalawa, iji adavü. Aghola na ili wi caben, nu ilissen na akejan cakidha.

MATHI 16:24

Tsaseng wi Jisu na ma sansikeyathu wi kiza, “Anyi kesü le kesü lela hi nie gha mvu lethu, ma ketanla ma mali nu ma kross pieya nu hi nie n-ghathu yishü.

JOHAN 10:16

Nu ciwi ikhaghanenithu akhang hawa wi nkemi kepa wi la ben. Hi tsüthu la ssinu nghothu yishüben, mathu la ijüh kinaden. Isanu ciwi mathu akhang kesütan nu kehiewa la kesütan saben.

JOHAN 10:27

Ikhaghanenithu na ijüh kinaden; hi mathu chüben, nu mathu na hi nieden.

JOHAN 10:3

Ajenka kehiewa na sha pi ma cüben, ma ma jithu nyan teng nu cichithu khaghanenithu na ma hhai zayaden., nu ma mathu ssinu dushhu den.

JOHAN 10:5

Mathu na anyi kepa wi nie wa nben, isala tsüwa wina bvüaben, kepaghenanye mathu na ma hhai nchü.”

JOHAN 10:8

Itu wi keghothu tsüdila kaghanfüthu nu nyu tengkedsa nyithu, isala khaghanenithu na mathu hhai nkina.

JOHAN 12:26

Anyi thowa na hi kekuli sa mvu ten khe hi n-niethu yishü, isathu hi kekuli kesa nyi na hi gweghe benyaden. Thowa na hi kekuli saten khe Abawa la ma nyuwaküden.

JOHAN 13:15

Hi nthu ghena tsütsonca kesü sachidha, tsalina hi nthu miwi sa kechi tsüti nthu la satenlo.

JOHAN 18:37

Tsalina Pilat na ma keü, “Isathu, no kadimiwa kwe?” Jisu na luneng, “No hi kadimiwa le khi. Hi atsentsawa sheipi le kesa jjügi ghena ayyi hawi gho. Thowa na atsentsawa wi benten khe ijüh kina den.”

JOHAN 3:29

Shanyili tsüna shanyiwa ji; isala shanyiwa pvüshang na ngan nu kinaden, nu ma khathansha wi shanyiwa hhai zaya khe ma nongheden. Tsü makesü inonkeghe na sacen yadha.

1 KORINTHNYI 11:1

Hi Khrista ti sa keten tsü makesü nthu la hi ti sa yalo.

EFESANYI 5:1

Nthu na Anyiza tsangathu sa kesalina nthu la ma ti sa meyathu yishü.

AYENZHÜNENG 1:30

Apvüwa nthu Nyiza na nthu ssiden, nu nthu na mukeya ma Ejipt wi nthu ghena kesa ti ma nthu ghena nyu ssikesali ben,

IBRINYI 12:2

Ithu nyon pi Jisu ithu kenondi kedegü nu sa cencu kecüwa tsü ghangki ya nalo. Ma anonkeghe na ma hie kebenwa tsü ghena kross miwi kejüghe keyawa tsü pi ma men nkemi sa, nu ma khili Anyiza kadipen ajewa wi ben wadha.

IBRINYI 6:20

Jisu na ithu mithon sa ithu tu wi na ciwi dudha, nu ma Melkhizedek keqhaikediyen wina anuphan keqhaikedi ntsawa tsü sayadha.

1 PITOR 2:21

Ha ghena Anyiza na nthu ciya, kepaghenanye Khrista na nthu ghena ketizen sa nu nthu ya ma cükha tsü nieya thsüle kesalina nthu ghena tsütsonca kesü sa pi theng cüdha.

1 PITOR 4:1

Khrista na asajjü wi ketizen sa ntsa sa kesa tsüti nthu la ma meshen nu nthu satezü yalo, kepaghenanye thowa na asajjü wi ketizen sa khe kesami nsa laden.

1 PITOR 5:3

Pi nthu dhenchi kethengthu miwi kekhang senle nsala, isala anenithu ghena tsütsonca kemehai salo.