JOHAN 10:3 - Kemethajüh (N) (Re-editing) Bible (BSI)

³ Ajenka kehiewa na sha pi ma cüben, ma ma jithu nyan teng nu cichithu khaghanenithu na ma hhai zayaden., nu ma mathu ssinu dushhu den.

JOHAN 10:3 Iomraidhean Croise

ZAKECI 80:1

Ithu kekhie kina chilo, O Israel kehiewa; ithu hhai kina chilo, anenithu kessiwa. Cherubim miwi no kadipen wi donki kebenwa,

BVÜKESHHU 33:17

Apvüwa na Mosa kiza, “Hi no kekhie tsüdi saben, kepaghenanye hi no mehaitsü chüben nu no nen kesalina.”

KEMETSAJÜH 27:23

No kiden-kesha ntsa nu no khaghaneni nu amesüthu tsü ghangya kemehai chu tsü ghang yalo,

Kesaki khwi 8:13

Izi ghalawa, hi ya asanku wi nhhai zaya thsülo; ipvüshangthu na njühkekhi zaya le hieben.

ISAYA 40:11

Ma anenikehie kesü ti ma nenithu noncca yaden; ma khaghaneni zzathu ku pi saghuya, nu ma kwen pi tsüthu pie yaden; ma cca nu mathu bvüthu tsü ssiden.”

ISAYA 42:16

‘Hi inyi anyon nkemuthu ssinu mathu na kijünyi wa keten len wi waden. Hi mathu kejang sapi wegü thsüaden, nu ayyi ghagu-ghana kesa pi mathu ghena chengche sa thsüaden . Hathu hana hi khishikechithu, nu hi tsüthu tsü nteshila saaden.

JOHAN 10:14

Hi anenikehie kemehaiwa. IBa na hi chü keben ti hi la iBa chüben, tsü makesü hi ikhaghanenithu chüben nu mathu la hi chüben. Hi ikhaghaneni ghena hi kahangli khuchi mvu saden.

JOHAN 10:16

Nu ciwi ikhaghanenithu akhang hawa wi nkemi kepa wi la ben. Hi tsüthu la ssinu nghothu yishüben, mathu la ijüh kinaden. Isanu ciwi mathu akhang kesütan nu kehiewa la kesütan saben.

JOHAN 10:4

Ma ma jithu ssinu shhugho yathu ma atuwa sa nu khaghanenithu na ma nie den, kepaghenanye mathu na ma hhai tsü chüben.

JOHAN 10:9

Hi ajenkawa tsü, keujüla anyi kesü le kesü lela hi wina duthu ma hangsha yaben, ma dushhuya nu amou muyaben.

JOHAN 6:37

IBa pi hi kecüthu tsüdila hi wi ghoden. Nu thowa na hi wi gho khe hi khiela ma teshi meyacha,

JOHAN 6:45

Atusenjüh-kechüthu na zhütheng, ‘Anyiza na mathu tsüdi sansi cüben.’ Abawa jüh kina nu ma wi chükeyathu tsüdila hi wi ghoben.

ROMNYI 8:30

Tsalina Anyiza na ci keyathu pi ma kepa sa thsüdha; nu ma ci keyathu pi ma tuwi meshonya thsüa, nu pi ma nyankethang wi gweghe ya thsüdha.

1 KORINTHNYI 16:9

Kepaghenanye he wi hi keshun nyi na kejon ben lela kekuli keti nu kemehai sa keya matsü na ben.

FILIPPINYI 4:3

Hi gweghe kekuliwa, hi no la nza hathu kiqachi thsü mvuben; kepaghenanye mathu na hi, Clement, nu kepa wi hi gweghe kekulithu, Anyiza kahang lesüshen wi mathu nyan pi zhü kethengthu tsüdi gweghe ajühkemehaiwa ghena apiketsü sa kuli.

KOLOSSINYI 4:3

Ikhang ghena la kekhie sa benlo, isanu Anyiza yala matsü kemehai pi ikhang cü thsü nu Khrista cüki kekuthiwa tsü pi khiya thsüle kesalina. Kepaghenanye tsü ghena hi khili atssüzü saben.

2 TIMOTHI 2:19

Isala Anyiza na zükeqhe magi kedegü kethengwa tsü pakuliya nben; nu tsü miwi ajüh hathu pi zhütheng: “Apvüwa na ma jithu tsü chüben,” nu “Anyi thowa na ma Apvüwa ji le khiten khe nkemehai tsü teshi nsathu yishü.”

1 PITOR 1:12

Atusenjüh-kechüthu kekuli tsüna mathu ghena kekiyi nyela nthu ghena le kesa Anyiza na pi mathu ccüca, mathu na tsüthu cüki kekhi ti nthu na khili nyilothu na tang wi kesun kechi Kemetha Ghamu kekhang wina Jühtheü Kemehaiwa kekhi wi zayadha. Tangnyilothu lela pala hathu ha chüshiya mvuthi saden.

1 JOHAN 4:6

Isala ithu tsü Anyiza ji. Anyi kesü le kesü lela Anyiza chüben lethu, ithu jühkina den; nu thowa na Anyiza ji nye khe ithu jühkina nten. Tsalina hati nu ithu na atsentsawa Ghamu nu kesazzi ghamu chü kepapa saya mehai.

3 JOHAN 1:14

Hi wan gho nthu metuya nu ithu ghangtan keccünengli yaben kesa nondi ben.

CCÜCAKECHI 20:15

Anyi kesü le kesü lela kahang lesüshen wi ma nyan zhü ketheng nkemuwa pi annighajü wi khalachia.

CCÜCAKECHI 3:20

Kinalo! Hi ajenka wi ngan nu kekha ben; anyi kesü le kesü lela ihhai za nu ajenka shachi ketenwa, hi ma jjen wi dugho ma ssinu dsajjü, nu ma la hi gweghe dsajjü ben.

CCÜCAKECHI 7:17

Kepaghenanye kadipen mnon wi keben Khaghanenizzawa na mathu hieya, nu mathu ssi wa kahang khuchiketen tssü kebvüpen wi chicü ben. Nu ciwi Anyiza na mathu nyontssü tsüdi nyen cüben.