JOHAN 10:2 - Kemethajüh (N) (Re-editing) Bible (BSI)

² Isala thowa na ajenka wina dugho khe ma khaghaneni kehiewa ji.

JOHAN 10:2 Iomraidhean Croise

ZAKECI 23:1

Apvüwa na hi kehiewa; hi mangla hhatu meyacha.

ZAKECI 80:1

Ithu kekhie kina chilo, O Israel kehiewa; ithu hhai kina chilo, anenithu kessiwa. Cherubim miwi no kadipen wi donki kebenwa,

Sansichhü 12:11

Kemetsa nyithu kekhi jüh na anenikehiethu na sen keten akhhapvü pangketsu ti kesa, nu ajühbvü kesaghuthu tsüna kejetenji pi zükeqhe jeten ketheng ti kesie ben den. Anyiza ithu tsüdi kehiewa na tsüthu khuchi.

ISAYA 40:11

Ma anenikehie kesü ti ma nenithu noncca yaden; ma khaghaneni zzathu ku pi saghuya, nu ma kwen pi tsüthu pie yaden; ma cca nu mathu bvüthu tsü ssiden.”

ISAYA 63:11

Isala mathu na wakea wi Apvüwa maghawa Mosa tsüwi cüki meshenya nu keü, “Apvüwa atssükedone wi ma nyi ccülikesathu hangsha kecüwa tsüna khili khiewa ben nu? Apvüwa ma ghamu pi Mosa kecüwa tsüna khiewa ben nu?

EZEKIEL 34:23

Hi kadimiwa kesü imagha David ti kesa pi mathu cü nu pi mathu kehiewa sa thsü, nu ma mathu noncca yaden.

MIKA 5:5

nu ma kecca sengho cüaben. Khathansha wi Assiriya nyithu na ithu diyyiwa nka nu ithu khweti pakhhi dugho khe, ithu na ithu ccülikesa kezü ntsathu kesun pi mathu ssisa thsüben.

ZEKHARIYA 11:3

Kekhang kesenthu na ahathakina wina magha; mathu nyankethang tsüna nmidha! Ssensitemithu kemagha hhai tsü kina chilo; Jordan kechhen wi mathu jjen ayinong tsü yasadha!

ZEKHARIYA 11:5

Apvüthu na anenithu pathi lela nyu mathu nmeten. Mathu na asa pi jeü nu khiben, ‘Apvüwa sengle! Ithu na keban sadha!’ Mathu kehiethu lela mathu nanketizen nmila.”

ZEKHARIYA 11:8

Hi kepa wi anenikehiethu kecheng hi nanmeghü keten tsü n-ghang chala nu hi asha kesü jü na mathu tsüdi yasa pia.

ZEKHARIYA 13:7

Kemisintsa Apvüwa na khiben, “Njünnu, shaghalo, nu ighena kuliketen anenikehiewa tsü ssisalo! Ma pathilo, nu khaghanenithu na bvüzigheaben. Hi inyithu ssisaden,

MATHI 15:11

Ciwi pala mangla amei wina anyi non wi du nu ma sa pi nmetha thsüla kesa na nmi, isala pala anyi non wina keshhughowa tsüna ma sa pi nmetha thsüla ten le!”

JOHAN 10:14

Hi anenikehie kemehaiwa. IBa na hi chü keben ti hi la iBa chüben, tsü makesü hi ikhaghanenithu chüben nu mathu la hi chüben. Hi ikhaghaneni ghena hi kahangli khuchi mvu saden.

JOHAN 10:7

Tsalina Jisu na kheneng mathu wi khi, “Hi atsentsawa nthu kizaden: hi khaghaneni jenkawa tsü.

JOHAN 10:9

Hi ajenkawa tsü, keujüla anyi kesü le kesü lela hi wina duthu ma hangsha yaben, ma dushhuya nu amou muyaben.

KEKULI 20:28

Tsalina nthu ketanla nthu ghena nu Kemetha Ghamu na nthu pi hie thsü ketheng nenithu tsü nonccayalo. Anyiza kemehu, ma ma Tsawa pi ahhansha kesa wina sa kethengwa tsü hie kemehai saya.

1 TIMOTHI 4:14

Atusenjüh-kechüthu na khi nu keshenpfüthu na akwen chang pi nmiwi kechi wi mukeya aghamulen wi kesawegü nmiwi keben tsü pi ma men nkemi nsala.

TITA 1:5

No yala pala npi kekuli centhu tsü sa pi mehaiya nu anyuti tsüdi wi kemehu wi keshenpfüthu kessiya thsüle kesalina hi no teshi pi Kreta wi chitheng. Hi kecükegwethu tsü meshen yalo:

IBRINYI 13:20

Anyiza na keshü wina ithu Pvüwa Jisu sa pi hang neng cü, ma ahhansha sa keshü wi anuphan Cenkethenjüh tsü sa keya ghena ma Anenikehie Ketiwa tsü saben. Kecca Nyiza yala nthu ma kenenwa tsü saya thsüle kesalina nthu nsenthu keyishü pala kemehai tsüdi pi nthu kecüwa sa, nu Jisu Khrista wina ithu wi kuli keben tsü ma kenenwa sayalo. Nu anuphan nu anuphanla Jisu Khrista nyanthang keyawa salo! Amen.

1 PITOR 2:25

Nthu na khaghanenithu mathu len deja wa kesa ti sa, isala khili tsü nthu ssi neng gho nthu ghamu Kehiewa nu Kenonccawa wi chidha.

1 PITOR 5:4

Isanu Anenikehie Kediwa na kegho wi nthu na jüwa nketen anyankethang khangkeya liwen tsü muyaden.

CCÜCAKECHI 1:20

No ikwen ajewa ghotsithu tagü keben, nu suna pi kesa ahula kedonpenthu tagü kemu tsü ma jjügi na ha: ghotsithu tagü tsüna kemehu tagü nyilothu, nu ahula kedonpenthu tagü tsüna kemehuthu tagü.