JOHAN 10:16 - Kemethajüh (N) (Re-editing) Bible (BSI)

¹⁶ Nu ciwi ikhaghanenithu akhang hawa wi nkemi kepa wi la ben. Hi tsüthu la ssinu nghothu yishüben, mathu la ijüh kinaden. Isanu ciwi mathu akhang kesütan nu kehiewa la kesütan saben.

JOHAN 10:16 Iomraidhean Croise

ADECHHÜ 49:10

Judah na kadi khhatssü senden, ma shicüthu na keshüthangla kekhang senben. Mizzatentithu na khajana sen nu, ma wi gho jühkeya wina ma tuwi kukeduben.

ZAKECI 86:9

No sakechi mizzatentithu tsüdi ntuwi kukedu; mathu na no kedi tsü sengden.

Sansichhü 12:11

Kemetsa nyithu kekhi jüh na anenikehiethu na sen keten akhhapvü pangketsu ti kesa, nu ajühbvü kesaghuthu tsüna kejetenji pi zükeqhe jeten ketheng ti kesie ben den. Anyiza ithu tsüdi kehiewa na tsüthu khuchi.

ISAYA 11:10

David shicübvügha wi kadimi ketheü kesü na mizzatenti tuwi kemechan kesa tsathang kesü na ghoden. Mathu na kadi nyunutiwa wi saghuya nu kenyuwakü pi ma cüden.

ISAYA 43:6

Hi mathu teshichilo aghawa kiza, nu acülawa mathu nkhen lalo kizaden. Inyithu ya alen kesie wina kheneng gho thsülo, ayyi ccügwen tsüdi wina.

ISAYA 49:6

Apvüwa na hi wi khi, “Hi no ghena kekuli ketiki kesü benle, imaghawa. No hang keya Israel nyithu tsü ssigho dikeya thsü ketan sa nben, isala hi no pi mizzatentithu ghena kewegüwa la sa cüden, isanu ayyi tsüdi hangshaya thsüle kesalina.”

ISAYA 52:10

Apvüwa na ma kekhang kemethawa tsü sen nu ma nyithu hangsha yaden, nu ayyi tsüdila ma muden.

ISAYA 56:8

Kemisintsawa Apvüwa na kushiyyi wina ma nyi Israel ssinu ajjen wi keghowa na ma hewila anyi kepathu ssigho mathu wwacü benle khishitheng.

EZEKIEL 34:12

Khaghaneni kehie kesü na ma khaghaneni bvüzighe kesa noncca nu saghu ssineng gho keten tsüti. Hi mathu na kededi tsathang kejang tsüwa wi mathu na bvüzighe wakesa penthu tsüdi wina mathu ssineng ghoaden.

EZEKIEL 34:23

Hi kadimiwa kesü imagha David ti kesa pi mathu cü nu pi mathu kehiewa sa thsü, nu ma mathu noncca yaden.

EZEKIEL 34:6

Tsalina iji khaghanenithu na yyishiphon kemisithu nu yikhathu wi kegoe deja bvüa. Mathu na ayyi mi tsüdi wi bvüzighe, isala thola tsüthu nbha nyelela muya le nsa.

EZEKIEL 37:22

Hi mathu pi Israel yikhathu yyiwa wi mizzatenti kesü sa thsüaden . Mathu miwi kekhang kesen kadimi kesü benden, nu mathu gishü pi mizzatenti keni nyelela pvükhhi pi kadiyyi keni sa neng nbendha.

EZEKIEL 37:24

Kadimi kesü imaghawa David ti kesa na mathu kadimi saaden. Mathu tsüdi kekhang kesen kesü kekhu wi saghu nu leben tsentsa sa iyenthu nieden.

HOSEYA 1:10

Israel nyi na ji pi atssükedone wi ahachan ti sa nu si nkeyakhi nyelela ketegü nkeyakhi saaden. Khili Anyiza na mathu wi khiben, “Nthu na inyi nye,” isala atsathang kesü na ghothu ma hati mathu wi khiden, “Nthu na hangkebenwa Nyiza tsangathu le!”

ZEKHARIYA 2:11

Tsü tsüwi mizzatenti kejon na Apvüwa wi gho nu ma nyithu sayaben. Ma nthu jawi hang, nu ma hi kesun pi nthu wi chile kesa nthu na chüyaben.

MATHI 17:5

Ma ha khitu keben wi akulukeshü kemiki na mathu miwi gho nu ciwi ahhai kesü kekhi na, “Hawa ha hi kaghaliwa itsa, hi kenen ntsawa, ma jühkinalo.”

Luk Zhükechi Jühtheü Kemehaiwa 15:8

“Keujüla kinyibvü kesü na apisatsen tagha keben wi kesü bhatagha lethu, ma khati saben nu? Ma ahula canki sen nu ma jjen jjü nu tsü npi mukeya chu bhaben.

JOHAN 10:11

“Hi anenikehie kemehaiwa. Kehie kemehaiwa na khaghaneni ghena ma kahangli khuchi mvu saden.

JOHAN 10:2

Isala thowa na ajenka wina dugho khe ma khaghaneni kehiewa ji.

JOHAN 10:27

Ikhaghanenithu na ijüh kinaden; hi mathu chüben, nu mathu na hi nieden.

JOHAN 10:3

Ajenka kehiewa na sha pi ma cüben, ma ma jithu nyan teng nu cichithu khaghanenithu na ma hhai zayaden., nu ma mathu ssinu dushhu den.

JOHAN 10:4

Ma ma jithu ssinu shhugho yathu ma atuwa sa nu khaghanenithu na ma nie den, kepaghenanye mathu na ma hhai tsü chüben.

JOHAN 10:5

Mathu na anyi kepa wi nie wa nben, isala tsüwa wina bvüaben, kepaghenanye mathu na ma hhai nchü.”

JOHAN 11:52

nu mathu ghena ketan nyela Anyiza nyithu bvü zighe kebenthu tsüdila saghu pi agwo kesütan sayaben

JOHAN 17:20

“Hi khili mathu ghena ketan khie nbendha, isala anyi mathu jüh wina hi nondi kebenthu ghena la khieben.

JOHAN 6:37

IBa pi hi kecüthu tsüdila hi wi ghoden. Nu thowa na hi wi gho khe hi khiela ma teshi meyacha,

KEKULI 15:14

Anyiza na Judah nyi nkenyethu nantizen nu mathu jawi anyi mizza kesü pi ma nyithu sayale cikeya cüki khili Simon na khimetha chidha.

KEKULI 18:10

kepaghenanye hi no ssiden. thola no patenaya nben, kepaghenanye anyunuti ha wi inyithu kejonla ben.”

KEKULI 22:14

Ma khi, ‘Ithu bamyithu Nyiza na no yala ma kemeshen chüya, ma ketsatan maghawa muya, nu ma hhai zaya thsüle kesalina no kessi yadha.

ROMNYI 11:25

Icünyuthu, ciwi atsentsa kekuthi kesü na ben, nu hi nthu yala tsü chüya thsü mvuben; nthu na tsü chüya lethu, nthu na metsa ntsawa le nmeshenla ben. Israel nyi lebenkedhu tsüna anuphan ben nben; isala tsüna Judah nyi nkenyethu tsüdila Anyiza wi npi kegho chu benben.

2 THESSALONIKANYI 2:13

Icünyuthu, ikhang na matsü tsüdi wila nthu ghena Anyiza nsengthu yishü ben, nthu na Apvüwa kaghali kepvüthu. Kepaghenanye Anyiza na nthu kessi pi atuwa nthu atsentsawa kenondi ghena Aghamu kekhang wina nthu hangsha pi ma nyi kemethathu saya.

IBRINYI 13:20

Anyiza na keshü wina ithu Pvüwa Jisu sa pi hang neng cü, ma ahhansha sa keshü wi anuphan Cenkethenjüh tsü sa keya ghena ma Anenikehie Ketiwa tsü saben. Kecca Nyiza yala nthu ma kenenwa tsü saya thsüle kesalina nthu nsenthu keyishü pala kemehai tsüdi pi nthu kecüwa sa, nu Jisu Khrista wina ithu wi kuli keben tsü ma kenenwa sayalo. Nu anuphan nu anuphanla Jisu Khrista nyanthang keyawa salo! Amen.

1 PITOR 2:10

Kuti tsü wi nthu na Anyiza nyithu nye, isala nthu khili tsü ma nyithu sayadha; kuti tsü wi nthu na Anyiza nanketizen nchü, isala khili tsü nthu na ma nanketizen muyadha.

1 PITOR 2:25

Nthu na khaghanenithu mathu len deja wa kesa ti sa, isala khili tsü nthu ssi neng gho nthu ghamu Kehiewa nu Kenonccawa wi chidha.

1 PITOR 5:4

Isanu Anenikehie Kediwa na kegho wi nthu na jüwa nketen anyankethang khangkeya liwen tsü muyaden.

CCÜCAKECHI 3:20

Kinalo! Hi ajenka wi ngan nu kekha ben; anyi kesü le kesü lela ihhai za nu ajenka shachi ketenwa, hi ma jjen wi dugho ma ssinu dsajjü, nu ma la hi gweghe dsajjü ben.