JOHAN 10:12 - Kemethajüh (N) (Re-editing) Bible (BSI)

¹² Kehiewa nkenye nu khaghaneni ma ji nkenye mille kewawa na meshüla gho keten mu lethu ma khaghanenithu teshi nu bvüden. Nu meshüla na khaghanenithu tsü ghan nu mathu jügü zigheden.

JOHAN 10:12 Iomraidhean Croise

MATHI 10:16

“Kinalo! Hi nthu pi khaghaneni ti sala kesun pi atennithu jawi chiben. Nthu na amaghang ti meghe-metsa nu nkhetsü ti ayencüki mehai nsathu yishü.

MATHI 7:15

“Milikemesa atusenjüh-kechüthu ghena nthu kiden-kesha yalo; mathu na amei wi tsü khaghanenithu ti nthu jawi ghoden, isala mathu non wi tsü ntsakhiwa adennithu ti le!

JOHAN 10:13

Kepaghenanye ma mille kewa nyi nu mille wa keben ketan ghena ma khaghaneni cüki nmeshenla bvüden.

JOHAN 10:2

Isala thowa na ajenka wina dugho khe ma khaghaneni kehiewa ji.

JOHAN 10:3

Ajenka kehiewa na sha pi ma cüben, ma ma jithu nyan teng nu cichithu khaghanenithu na ma hhai zayaden., nu ma mathu ssinu dushhu den.

KEKULI 20:29

Kepaghenanye hi kebvü seng wi adenni ma yen nkemehai ntsa na nthu jawi gho nu akhang hawa ha yasa cüben kesa hi chüben.

1 TIMOTHI 3:3

ma adikina nyi nu kedaggü nyi sayishü, isala ccapeyi nu nyu ssi nkitagha nyi; ma apisa ketepagha nyi sayishü;

1 TIMOTHI 3:8

Tsüti kemehu kekiqathu la ayencüki mehai nu leben tsentsa kesa nyi pi nsathu yishü; mathu adikina nyi nu apisa ghena apvükemene nyi sayishü;

2 TIMOTHI 4:10

Dema na ayyiwa ha nenwa kesalina hi teshi nu Thessalonika wi wadha. Kresken na Galatia wi wa, nu Tita na Dalmatia wi wadha.

TITA 1:7

Kepaghenanye kemehu wi accülikesawa tsüna Anyiza kekuli kenonccawa ghena nyu ma nkemeshensa nyi pi nsathu yishü. Ma kekapvü nyi, wan aleben keminu nyi, adikina nyi, yasa-yala nyi, nyelela apisa ghena apvükemene nyi pi sayishü.

1 PITOR 5:2

Anyiza na nthu ya sa thsü mvu keben ti nsa mvu nsala nu anonghethi sala Anyiza pi nthu dhenchi ketheng anenithu tsü noncca kemehai sayalo. Nthu thün ghena ketan nyela nthu leben wi keshhugho sa mvuthi kesa sen nu kekuli salo.

2 PITOR 2:3

Mathu pvükemene wina milikemesa kesansithu na chokemehai wi kekhi cüki pi nthu kiza nu mathu ghena kekiyi saben. Kepaghenanye kheni tsü wina mathu jühkaghaten keten tsü kiden pi thengdha, nu mathu Keyasawa tsüna jen nben le!