JOHAN 10:11 - Kemethajüh (N) (Re-editing) Bible (BSI)

¹¹ “Hi anenikehie kemehaiwa. Kehie kemehaiwa na khaghaneni ghena ma kahangli khuchi mvu saden.

JOHAN 10:11 Iomraidhean Croise

2 SAMUEL 24:17

David na tangnyilowa na anyi pathi keben tsü muya nu Apvüwa wi khi, “Hi samidhale. Hi kesazziwa tsüle! Isala anyi hathu na mangwa sazzi theng nu? No hi nu itheghi kemeten-ule!”

ZAKECI 23:1

Apvüwa na hi kehiewa; hi mangla hhatu meyacha.

ZAKECI 80:1

Ithu kekhie kina chilo, O Israel kehiewa; ithu hhai kina chilo, anenithu kessiwa. Cherubim miwi no kadipen wi donki kebenwa,

ISAYA 40:11

Ma anenikehie kesü ti ma nenithu noncca yaden; ma khaghaneni zzathu ku pi saghuya, nu ma kwen pi tsüthu pie yaden; ma cca nu mathu bvüthu tsü ssiden.”

ISAYA 53:6

Ithu tsüdila khaghaneni bhataghakea ti kepapa len ton bvüa. Isala Apvüwa na kemeten khhi tsüpi ma miwi chiya, ithu tsüdila kepvü qo kemetenwa tsü.

EZEKIEL 34:2

Ma khi, “Keshü nyiwa, Israel kekhang kesenthu khimeshü chilo. Mathu wi atusenjüh-khi chi nu hi Kemisintsa Apvüwa na mangwa khiben khe pi mathu kizalo. Nthu na dedi tendha le, nthu Israel kehiethu! Nthu na nthu ketanla nthu noncca den, isala khaghanenithu tsü ghanja nten.

EZEKIEL 34:23

Hi kadimiwa kesü imagha David ti kesa pi mathu cü nu pi mathu kehiewa sa thsü, nu ma mathu noncca yaden.

EZEKIEL 37:24

Kadimi kesü imaghawa David ti kesa na mathu kadimi saaden. Mathu tsüdi kekhang kesen kesü kekhu wi saghu nu leben tsentsa sa iyenthu nieden.

MIKA 5:4

Khathansha wi ma gho khe, ma Apvüwa wina kegho kezü nu Apvüwa Anyiza jenkebenwa tsü sennu ma nyithu miwi kekhang senben. Ma nyithu na yazishu hangden, kepaghenanye ayyi tsüdi wi anyithu na ma kedi kekhang chüya,

ZEKHARIYA 13:7

Kemisintsa Apvüwa na khiben, “Njünnu, shaghalo, nu ighena kuliketen anenikehiewa tsü ssisalo! Ma pathilo, nu khaghanenithu na bvüzigheaben. Hi inyithu ssisaden,

MATHI 20:28

Anyi Tsawa na nyu ma kekuli sa thsüle kesawa nyela ma nyu kekuli sa, nu ma kahang khuchi pi anyi kejon hangshayale kesa ghena kegho tsüti.”

JOHAN 10:2

Isala thowa na ajenka wina dugho khe ma khaghaneni kehiewa ji.

JOHAN 15:13

Anyi meshu kesü ma pvüshangthu ghena tizenghali di ntsawa benya kemehai tsüna mathu ghena ma kahangli khukechi.

EFESANYI 5:2

Khrista na ithu tizen nu ithu ghena ma kahangli khuchi pi hankedemvu nu ahhansha sala Anyiza kenen sa kesa tsüti nthu kahang na nanketizen wi nbenthu yishü.

TITA 2:14

Ma ithu ghena ma gwo khuchi, gheshighena tsüdi wina ithu khushiya nu ithu pi ma nyi kemetha saya nu kemehai kesa mvu nyi sa thsüle kesalina.

IBRINYI 13:20

Anyiza na keshü wina ithu Pvüwa Jisu sa pi hang neng cü, ma ahhansha sa keshü wi anuphan Cenkethenjüh tsü sa keya ghena ma Anenikehie Ketiwa tsü saben. Kecca Nyiza yala nthu ma kenenwa tsü saya thsüle kesalina nthu nsenthu keyishü pala kemehai tsüdi pi nthu kecüwa sa, nu Jisu Khrista wina ithu wi kuli keben tsü ma kenenwa sayalo. Nu anuphan nu anuphanla Jisu Khrista nyanthang keyawa salo! Amen.

1 PITOR 5:4

Isanu Anenikehie Kediwa na kegho wi nthu na jüwa nketen anyankethang khangkeya liwen tsü muyaden.

1 JOHAN 3:16

Ithu na ha wi ha ketizen tsü chüya: Khrista na ithu ghena ma kahangli khuchi. Tsalina ithu la ithu cünyuthu ghena ithu kahangli khuchi jiketsü le!

CCÜCAKECHI 7:17

Kepaghenanye kadipen mnon wi keben Khaghanenizzawa na mathu hieya, nu mathu ssi wa kahang khuchiketen tssü kebvüpen wi chicü ben. Nu ciwi Anyiza na mathu nyontssü tsüdi nyen cüben.