JOHAN 10:10 - Kemethajüh (N) (Re-editing) Bible (BSI)

¹⁰ Kaghanfü nyi na ghanfü, nyu pathi nu yasale kesalina ghoden. Isala hi tsü mathu ya kahang benya thsü nu ben ntsa saya thsüle kesalina gho.

JOHAN 10:10 Iomraidhean Croise

ISAYA 56:11

Mathu na khiela lebenghaya nketen apvükemene ffü tsüti kesa. Accülikesa hathu hana mangla chüshi keya nmi. Mathu tsüdila ma kenen ketan sa nu ma kekiyi bhaden.

HOSEYA 7:1

“Hi khathansha wi inyi Israel sapi mehai cü nu mathu sapi ben kayi nengya thsü mvu keshagha wi hi tsüdila mathu gheshighena nu mathu nkemehai kekuli ketan muden. Mathu na khokho kemechuli; mathu na ajjenthu pasa nu ghanfü; mathu na alentonti wi anyithu tengya.

MATHI 18:10

“Ghangchilo, nthu na ghanyi kizakikithu ha nkhichi nsa lalo. Hi nthu kizaden, mathu nyilothu na keshüthangla tang wi iBa tuwi benden.

MATHI 18:11

Kepaghenanye Anyi Tsawa na bhakitaghathu tsü bha ghole.

MATHI 20:28

Anyi Tsawa na nyu ma kekuli sa thsüle kesawa nyela ma nyu kekuli sa, nu ma kahang khuchi pi anyi kejon hangshayale kesa ghena kegho tsüti.”

MATHI 21:13

nu mathu wi khi, “Ntsawajüh wi Anyiza na kekhi hati zhü theng, ‘Ijjen pi kekhie jjen le ciden.’ Isala nthu na tsü pi kaghanfüthu kekuthipen saben le!”

MATHI 23:13

“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na anyithu tuwi tang Kadiyyi jenka tsü khenden, isala nthu na ciwi ndu nu anyithu na ciwi dule kesathu la du thsü nten.

MARK 11:17

Ma nyithu sansi: “Ntsawajüh wi Anyiza na kekhi hati zhütheng, ‘Hi Kekinyijjen pi anyi mizzatenti tsüdi ghena kekhie jjen kesü le ciden, isala nthu na tsü pi kaghanfüthu keben pen kesü sadha.”

Luk Zhükechi Jühtheü Kemehaiwa 19:10

Anyi Tsawa tsüna anyi bhatagha kesathu bha nu hangsha yale gho.”

JOHAN 10:1

Jisu na khi, “Hi atsentsawa nthu kizaden: anyi thowa na ajenka wi nyela alen kepa wina khaghaneni jawi dugho khe tsüna kaghanfü nu nyu tengkedsa nyi.

JOHAN 10:11

“Hi anenikehie kemehaiwa. Kehie kemehaiwa na khaghaneni ghena ma kahangli khuchi mvu saden.

JOHAN 12:47

Keujüla kesü le kesü lela ijüh zaya nu tsü n-nondi lethu, hi ma ghan-nan nten. Kepaghenanye hi ayyi nyi meshensale kesawa nyela tsü hangshayale kesa ghena gho.

JOHAN 12:6

(Ma ketha-u cüki kemeshen ghena ajüh ha nkhi, isala ma kaghanfü nyi kesü ghena. Ma apisa hikhu tsü pvü nu ciwi ma ghena apisa tsü khuyaya saden.)

JOHAN 3:17

Kepaghenanye Anyiza na ma Tsawa kesun pi ayyi jühkekaghatenwa sa thsüle kesawa nye, isala ayyi Hangshawa sa thsü.

JOHAN 5:40

Isala nthu na hi wi anuphan kahang tsü benya mvu nten.”

JOHAN 6:33

Kepaghenanye Anyiza na khukechi amesa tsüna tang wina kedughowa ha kahang pi ayyi nyithu cüden.”

JOHAN 6:51

Hi tang wina kedugho mesawa tsü. Anyi thowa na amesa ha dsaya khe ma anuphan hang benden. Ayyi nyi yala kahang benya thsüle kesa ghena hi khuchi ketenwa tsüna isa.”

ROMNYI 2:21

No nyu sansiden, isathu mangkesa na no ketanla no sansi meya nu? No “N-ghanfü lalo” nyu sansiden, isala no ghanfüten kwe?

1 TIMOTHI 1:15

Hati kekhi jüh ha na ntsakhiwa yathaya nu nondi keya-u: Jisu Khrista na kesami nyithu hangshaya le ayyi wi gho. Hi mathu jawi nkemehai ntsawa.

IBRINYI 6:17

Ajühkhukechi tsü muya ketenthu wi Anyiza na ma kemeshen tsü kemili nten kesa pi methasi chü thsü mvu kesalina ma kekishen kesü pi tsü wwa neng.

IBRINYI 7:25

Tsalina ma khili nu keshüthangla anyithu na ma wina Anyiza wi keghothu tsü hangshaya mehai, kepaghenanye ma hangben nu anuphanla mathu ghena Anyiza wi khie benden.

2 PITOR 1:11

Hati nu nthu ya ithu Pvüwa nu Hangshawa Jisu Khrista anuphan Kadiyyi wi tsü duya kemehai kekhang pi nthu cüden.