JOHAN 10:1 - Kemethajüh (N) (Re-editing) Bible (BSI)

¹ Jisu na khi, “Hi atsentsawa nthu kizaden: anyi thowa na ajenka wi nyela alen kepa wina khaghaneni jawi dugho khe tsüna kaghanfü nu nyu tengkedsa nyi.

JOHAN 10:1 Iomraidhean Croise

JEREMIYA 14:15

Hi Apvüwa, hi no kizaben, hi atusenjüh-kechüthu hi mathu kesun nkechi lela inyan wina aghikesa nu kekhhwen na ayyi ha yasa nben le khi ketenthu tsü hi aghikesa nu kekhhwen wi mathu pathiaben .”

JEREMIYA 23:21

Apvüwa na khi, “Hi atusen- jühkechü hathu nkesun chi, isala mathu na wa. Hi ketsijüh mangla pi mathu ncü, isala mathu na inyan wina ajühkhi.

JEREMIYA 23:32

Hi Apvüwa, hi khi keben jüh ha kina chilo! Hi atusenjüh-kechüthu, aman milikemesa ketan khi ketenthu tsü matangben. Mathu na aman hathu ha khi nu mathu milikemesa nu ammikesa pi inyithu lentsütson dejaden. Hi mathu kesun nchi nyelela walo nkhi, nu mathu na inyithu kiqakeya mangla nmi. Hi Apvüwa, hi khidha.’

JOEL 2:9

Mathu na bvü sen wa anyunutiwa tsü shun; mathu na akhwetithu miwi la bvüki; mathu na ajjen miwi megheki nu kaghanfüthu ti jjenkubhi wina du.

MATHI 7:15

“Milikemesa atusenjüh-kechüthu ghena nthu kiden-kesha yalo; mathu na amei wi tsü khaghanenithu ti nthu jawi ghoden, isala mathu non wi tsü ntsakhiwa adennithu ti le!

JOHAN 10:7

Tsalina Jisu na kheneng mathu wi khi, “Hi atsentsawa nthu kizaden: hi khaghaneni jenkawa tsü.

JOHAN 3:3

Jisu na ma wi kiza, “Hi atsentsawa no kizaden: anyi kesütanla pvügha neng nkesa tsü ma Anyiza Kadiyyi mu meyacha.”

ROMNYI 10:15

Nu keujüla nyilothu kesunshi nchi lethu, khati nu ketsijüh pi khichiya mehai nu? Ntsawajüh na khi keben ti, “Jühtheü Kemehaiwa sen kegho nyilothu ccü na khatila atsimehai nu!”

ROMNYI 16:18

Kepaghenanye anyi tsüti sa ketenthu tsüna ithu Pvüwa Khrista kekuli nyela mathu kesa mvu tsü saden. Mathu ajüh tsikemehai nu ajühkhi kemehai wina anyi mangla nkechüthu mechuden.

TITA 1:11

Mathu jüh kekhi tsü khen nsathu yishü, kepaghenanye mathu apisa muyale kesa ghena nkemejüghe kesazzi pi nyu sansi nu atheghi maben leben yasaben.

IBRINYI 5:4

Anyi thola ma ketanla ma kessi pi kekinyikü keqhaikedi ntsawa tsü saya nten. Aaron na kesa ti Anyiza na cikeya wi ketan anyi kesü tsü pi keqhaikedi ntsawa sa thsüden.

1 PITOR 1:10

Hangshakeya ha ghena atusenjüh-kechüthu na kiden-keshala tsü bhashiya le sa, nu mathu na Anyiza na pi nthu cü keten nanketizenwa cüki ha khi.

2 PITOR 2:1

Kheni tsü wi milikemesa tusenjüh- kechüthu na anyithu jawi shhugho, nu tsü makesü milikemesa kesansithu na nthu jawi shhugho ben. Mathu na keyasa, atsentsa nkenye kesansijüh sengho nu mathu khushi keyawa Apvüwa tsü meya mvu sa, isanu mathu ketanla wan keyasa sen nu mathu miwi ghoaben .

2 PITOR 2:3

Mathu pvükemene wina milikemesa kesansithu na chokemehai wi kekhi cüki pi nthu kiza nu mathu ghena kekiyi saben. Kepaghenanye kheni tsü wina mathu jühkaghaten keten tsü kiden pi thengdha, nu mathu Keyasawa tsüna jen nben le!

1 JOHAN 4:1

Hi ketizenthu, Aghamu pvüten le khi ketenthu tsüdi n-nondi lalo, isala Anyiza wina kegho ghamu la nye khe tsüthu ghan-nanlo. Kepaghenanye milikemesa atusenjüh-kechüthu kejonla ayyi tsüdi wi wadha.