JOHAN 1:51 - Kemethajüh (N) (Re-editing) Bible (BSI)

⁵¹ Nu ma manyi wi kiza, “Hi atsentsawa nshinyi kizaden: nshinyi na atssan na sha nu Anyiza nyilothu na Anyi Tsawa miwi ki nu dugho keben muya ben.”

JOHAN 1:51 Iomraidhean Croise

ADECHHÜ 28:12

Ma aman wina abenlen kesü ayyi wina ki tang cu keben, nu nyilothu na tsü miwi ki nu dugho keben mu.

EZEKIEL 1:1

Amapi changhawa asha mejü wi manga ghanan, hi Ezekiel, keqhaikedi sa kebenwa, Buzi tsawa na Babilon yyi Khebar Ghaku kete wi Judah kushinyithu gweghe hangden. Atssan na shachi, nu hi kemanthi wina Anyiza mu.

ZEKHARIYA 13:7

Kemisintsa Apvüwa na khiben, “Njünnu, shaghalo, nu ighena kuliketen anenikehiewa tsü ssisalo! Ma pathilo, nu khaghanenithu na bvüzigheaben. Hi inyithu ssisaden,

MATHI 25:31

“Anyi Tsawa na Kadimi sa kegho wi tangnyilothu tsüdi ma gweghe gho nu ma kadipen wi donki,

MATHI 26:24

Ntsawajüh kekhi ti Anyi Tsawa na shüaben, isala anyi Anyi Tsawa matsa kesawa ghena tsü khatila qhethiketen saten nu! Anyi tsüwa ghena tsü ma pvügha nkeghowa ma ghena mehaidha le!”

MATHI 3:16

Jisu na baptaiz saya meyi atssü wina shhugho. Tsaseng wi tang wi shachi nu ma Anyiza Ghamu na nkhetsü kesü ti sa dugho ma miwi ben wa kesa muya.

MATHI 4:11

Tsaseng wi Atsaghang na Jisu teshia; nu tangnyilothu na gho ma nonccaya.

MATHI 8:20

Jisu na ma luneng, “Whewhethu na mathu ku ben, nu awathu la mathu ghacen na ben, isala Anyi Tsawa tsü ma li pi kelikeya pen la nmi.”

MATHI 9:6

Isalethu hi Anyi Tsawa na ayyi wi kesami teshi pi cüya kemehai kekhang benle kesa pi nthu chüya thsüden.” Tsalina ma kecügüshüwa wi kiza, “Shagha nwekeshiphi pieya nu njjen wi whalo!”

MARK 1:10

Jisu na atssü wina shhugho meyi, tang wi shachi nu Aghamu na nkhetsü ti ma miwi dugho keten ma muya.

MARK 14:62

Jisu na luneng, “Hi tsüle; nu nthu tsüdila Anyi Tsawa na kekhang ntsawa kwen ajewa donki nu tang wi akulukeshü miwi na gho keten muyaben!”

Luk Zhükechi Jühtheü Kemehaiwa 2:13

Tsümeyi tangnyilo süpahizi akhang keti kesü na nyilowa tsü gweghe hati nu Anyiza seng shagha:

Luk Zhükechi Jühtheü Kemehaiwa 2:9

Apvüwa nyilo kesü na gho mathu kete wi nganya nu Apvüwa nyankethang na mathu wegüya. Mathu na messi ntsa saya,

Luk Zhükechi Jühtheü Kemehaiwa 22:43

Tangnyilo kesü tang wina gho ma satezü cü.

Luk Zhükechi Jühtheü Kemehaiwa 22:69

Isala khili nten na Anyi Tsawa na Kemisintsa Anyiza kwen ajewa wi donkiwa tendha.”

Luk Zhükechi Jühtheü Kemehaiwa 24:4

Mathu na ciwi ngan nu tsü jjügi meshen pi amansa keben wi meshu keni athsümeni cwencwe kesa mphi nu wan gho mathu kete wi nganya.

Luk Zhükechi Jühtheü Kemehaiwa 3:21

Anyi tsüdi baptaiz sa keya seng wi Jisu la baptaiz saya. Ma kekhie sa keben wi tang wi shachi,

JOHAN 1:50

Jisu na ma wi khi, “No khhaghabvü ton ccü wi keben hi no mule kekhi ghena no nondiben ma? No ha miwi pala kedi kejon muyaben.”

JOHAN 10:1

Jisu na khi, “Hi atsentsawa nthu kizaden: anyi thowa na ajenka wi nyela alen kepa wina khaghaneni jawi dugho khe tsüna kaghanfü nu nyu tengkedsa nyi.

JOHAN 10:7

Tsalina Jisu na kheneng mathu wi khi, “Hi atsentsawa nthu kizaden: hi khaghaneni jenkawa tsü.

JOHAN 13:16

Hi atsentsawa nthu kizaden: amagha kesüla ma pvüwa miwi ndiki, nu nyilowa na ma kesun kechiwa miwi ndiki.

JOHAN 13:38

Jisu na luneng, “Ntsakhiwa no ighena no kahang khuchiya ben ne? Hi atsentsawa no kizaden: awegü npi kekhu wi no kecheng tughu hi nchüle khiaben.

JOHAN 14:12

Hi atsentsawa nthu kizaden, thowa na hi nodiya khe hi sa ketenwa tsü ma la sayaden — anle, ma hathu miwi la kediki sayaden, kepaghenanye hi Abawa wi wa tendha.

JOHAN 16:20

Hi atsentsawa nthu kizaden: nthu na qai nu ahathana ben, isala ayyi nyi na anonghe ben; nthu na ahathana ntsa saben, isala nthu hathakina tsü khapeghe pi nonkeghe saben.

JOHAN 16:23

“Tsü tsathang kegho wi nthu na hi wi mangla khie nben. Hi atsentsawa nthu kizaden: keujüla nthu na inyan wina Abawa wi katsüha lela khie lethu ma tsü pi nthu cüben.

JOHAN 21:18

Hi atsentsawa no kizaden: no kepvünyi tsüwi no ketanla ngeshi qhanya nu no kewa mvu wi waaben; isala no qhai wa lethu, nkwen zanki nu nyu na ngeshi qhan nu no ssinu no nkewa mvu pen wi waaben.”

JOHAN 3:3

Jisu na ma wi kiza, “Hi atsentsawa no kizaden: anyi kesütanla pvügha neng nkesa tsü ma Anyiza Kadiyyi mu meyacha.”

JOHAN 3:5

Jisu na luneng, “Hi atsentsawa no kizaden; anyi kesütanla atssü nu Aghamu wina pvügha nkeya tsü Anyiza Kadiyyi wi du meyacha.

JOHAN 5:19

Tsalina Jisu mathu wi khi, “Hi atsentsawa nthu kizaden: Atsawa na ma kemeshen wina mangla kuli nten, isala ma Abawa kekuli kemu wi ketan kuliden. Kepaghenanye ma mangwa kuli khe Atsawa la tsüti kuliden.

JOHAN 5:27

Nu ma ghanya kemehai kemeshon pi Atsawa cüdha, kepaghenanye ma Anyi Tsawa ghena.

JOHAN 6:26

Jisu luneng, “Hi atsentsawa nthu kizaden: nthu na hi azensuthu sa kechi tsü jjügi chükeya ghena nyela amesa dsa pi nthu pvü nmakeya ghena hi bhaden.

JOHAN 6:32

Jisu na mathu wi khi, “Hi atsentsawa nthu kizaden: Mosa na amesa pi nthu kecü tsüna tang wi mesa nye; hawa ha iBa na tang wi mesa tsentsawa pi nthu cüle.

JOHAN 6:47

Hi atsentsawa nthu kizaden: kesü le kesü lela nondi ketenwa na anuphan kahang bendha.

JOHAN 6:53

Jisu na mathu wi khi, “Hi atsentsawa nthu kizaden: keujüla nthu na Anyi Tsawa sa dsa nu ma jjü jjü nkesa tsü nthu miwi kahang nmi.

JOHAN 8:34

Jisu na mathu kiza, “Hi atsentsawa nthu kizaden: anyi kesü le kesü lela kesami kesawa ma kesami magha saben.

JOHAN 8:51

Hi atsentsawa nthu kizaden: thowa na ijüh kina ten khe ma khiela shü meyacha.”

JOHAN 8:58

Jisu na luneng, “Hi atsentsawa nthu kizaden: ‘Hi’ Abraham npi kepvügha wina ben ghodha.”

KEKULI 10:11

Tang wi sha chi nu pala khang ti kesa kesü ma ccügwen mejü keben na ayyi wi kedugho mu.

KEKULI 7:56

Ma khi, “Ghangchilo! Tang wi sha nu Anyi Tsawa na Anyiza kwen ajewa wi ngan keben hi mu ben le!”

2 THESSALONIKANYI 1:7

nu ma kecca pi nthu ketizen sa kebenthu nu ikhang la cüben. Apvüwa Jisu na ma nyilo kekhangthu ssinu tang wi na kegho wi ma ha saben,

2 THESSALONIKANYI 1:9

Mathu na anuphan keyasa kemeten-kemesha wi ketizen sa, Apvüwa tu wi nu ma nyankethang kekhang wina mathu khu pi,

1 TIMOTHI 3:16

Thola ithu keccüna ha wi kekuthi di ntsa keben tsü nmile khiya nben: Ma anyi tsi ceng sen nu gho kesa tsü Aghamu na atsentsa pi ccüca nu tangnyilothu ya muya thsü. Ma cüki pi mizzatenti jawi sansi, ayyi nyi maben wi la nondiya, nu ssi sen nu tangwi kia.

IBRINYI 1:14

Isalethu, tangnyilothu na khati kesa nu? Mathu na Anyiza ketsikina keten ghamuthu, nu mathu kesun pi wala hangshakeya yaya ketenthu kiqa thsüden.

JUDE 1:14

Hathu cüki ha Adam wina hang kegho abvüye tagüwa Enok na kheni hathu cüki khitheng: “Apvüwa ma tangnyilo kemethathu hazar kejon ssigho,

CCÜCAKECHI 19:11

Tsaseng wi atssan shachi nu hi goru kemiki kesü ciwi keben mu. Tsü miwi kebenwa tsüna Jühtsentsawa nu Atsentsawa le khiden; ma ketsatan sen nu ajühkaghaten nu aghisaden.

CCÜCAKECHI 4:1

Hi ha tsü wi kemanthi kepa wi kesü wina tang wi ajenka kesü sha ketheng muya. Hi hatu wi zakeya tutuwa kekhou hhai ti kesa tsüna hi wi khi, “He wi kugholo, hi ha seng wi kuli keten pi no ccücaden.”