JOHAN 1:18 - Kemethajüh (N) (Re-editing) Bible (BSI)

¹⁸ Anyi kesütanla Anyiza npi muya, Atsawa, Abawa kete wi kebenwa tsü ketan na ma sa pi chüya thsüdha.

JOHAN 1:18 Iomraidhean Croise

ADECHHÜ 16:13

Hagar na ma ketanla ma ccüneng nu khi, “Hi ntsakhiwa Anyiza mukeya seng wi hangben nu tsü cüki khipi nyu kizaya mehai kwe?” Nzawa na Apvüwa ma keccünengwa tsüpi “Muketenwa Anyiza” isa ci.

ADECHHÜ 18:33

Apvüwa na Abraham ssinu keccüneng cen seng wi bvüa, nu Abraham na ajjen wi kheneng ghoa.

BVÜKESHHU 23:21

Leben chi nu ma jüh kekhi kinalo. Ma nshunla, kepaghenanye hi ma kesun chi, nu ma shun ketenwa teshi pi cü nben.

BVÜKESHHU 24:10

nu mathu na Israel Nyizawa tsü mu. Ma ccü mpha kekhu tsüna safir lon pi zhüketheng atsena sapi akulu kemetha ti kesa.

KEMETSAJÜH 8:30

Hi akwensen kemehaiwa kesü ti ma gwegheden, hi atsathang wila ma nonkeghe bvüwa sa, keshüthangla ma ketenpen wi anonghe—

ISAYA 40:11

Ma anenikehie kesü ti ma nenithu noncca yaden; ma khaghaneni zzathu ku pi saghuya, nu ma kwen pi tsüthu pie yaden; ma cca nu mathu bvüthu tsü ssiden.”

NONKEGÜ 2:12

Ghama nu dighela mathu jjathu wi qaiben; Mathu na mesa-mena kesa ti alentonti wi khuliben, Mathu jjathu kwen wi ashina shü waden.

SHICÜSI 12:8

Hi ghang ti nu methasi ma keccüneng khe ajühkhi kivvü nsa; ma ighayen lela mudha. Nshinyi khatila nmessila ajüh khipi imaghawa Mosa shunya mehai nu?”

MATHI 11:27

“IBa na pala tsüdi pi hi cüdha. Anyi kesütanla Abawa nkenye tsü Atsawa chü meya, nu thola Atsawa nkenye tsü Abawa chü meya, nu Atsawa na kessiya kesawa wi ma pi ccüca chiden.

Luk Zhükechi Jühtheü Kemehaiwa 10:22

“IBa na pala tsüdi pi hi cüdha. Anyi kesütan la Abawa nkenye tsü Atsawa tsüna thowa khe chüya nten, nu anyi kesütan la Atsawa nkenye nu Atsawa na pi ma ccüca nkechi tsü Abawa tsüna thowa khe chüya nten.”

JOHAN 1:14

Ajühwa tsüna asajjü ceng shagha nu nanketizen nu atsentsawa pi pong pvünu ithu jawi hang. Ithu na ma nyankethang muyadha, nyankethangwa tsüna Atsawa ketan Abawa wina mukeya.

JOHAN 12:41

Isa na Jisu nyankethang nu ma cüki khi ketheng ghena ma ha khichi.

JOHAN 13:23

Sansikeyathu meshu kesü Jisu na ma tizenghali ketenwa na Jisu kete wi donkiben.

JOHAN 14:9

Jisu na luneng, “Hi matsü kesie nthu ssiben wadha; isala Filip, no hi nchü kwe? Thowa na hi muya khe Abawa la muyadha. Isathu, no khatinu “Abawa pi ikhang ccücalo khiten nu?

JOHAN 17:26

No ighena tizenghali kebenwa tsü mathu wi la benya nu hi la mathu wi benya thsüle kesalina hi n-nyan pi mathu chüya thsüdha, nu tsüti sa benden.”

JOHAN 17:6

“Hi n-nyan pi no ayyi wi anyithu pi hi kecüthu wi chüya thsüdha. Mathu na nji, nu no mathu pi hi cü. Mathu na njüh kinayadha,

JOHAN 3:11

Hi atsentsawa no kizaden: ikhang na ikhang kechüwa tsü khiden, nu ikhang kemuwa tsü sheipiden; isala nthu na ikhang jüh nkinale!

JOHAN 6:46

Anyiza wina keghowa ma ketan khe thola Abawa tsü npi mu, isala ma ketan Abawa tsü muyadha.

2 KORINTHNYI 4:4

Mathu na n-nondi, kepaghenanye ayyi ha wi nkemehai cenpvü na mathu leben pi kejang wi chidha. Ma mathu sa pi Jühtheü Kemehaiwa wina kegho wegü kebenwa Khrista nyankethang cüki Anyiza tsi ti kesawa tsü nmu thsüladen.

AYENZHÜNENG 4:12

Apvüwa na khati nu anni wina nthu ccüneng, nthu na ma ajühkekhi zaya isala ma tsi khati kesa khe mu meya le kesa cüki tsüpi mathu kizalo.

KOLOSSINYI 1:15

Khrista na nkemuwa Anyiza tsi ti mu kebenwa tsü. Ma Atsa tssütsewa, sahangkechi tsüdi miwi kediwa.

1 TIMOTHI 1:17

Anuphan Kadimiwa, shü nketen nu mu nketenwa, ma ketan Anyiza, anuphan nu anuphanla kinyikü nu anyankethangwa salo! Amen.

1 TIMOTHI 6:16

Ma ketan shü nketenwa; ma anyi thola ma tetsakiya nketen kewegü wi tsü hangben. Anyi thola ma npi mu; nu thola ma muya nben. Ma ya kinyikü nu anuphanla kekhangwa salo! Amen.

JOSHUA 5:13

Joshua na Jerikho kete wi keben wi anyi kesü na njünnu sen nu ngan keben mu. Joshua na anyi tsüwa wi wa nu keü, “No ithu süpahi kesüla aghinyi nu?”

1 JOHAN 4:12

Anyi thola Anyiza npi mu, isala keujüla ithu khokho ketizenliya lethu, Anyiza na ithu gweghe hangben, nu ma ketizen na ithu sa pi cencu cüben.

1 JOHAN 4:20

Keujüla anyi meshu kesü ma Anyiza tizenten le khi, isala ma cünyuwa nanmeghü lethu, ma milikemesa nyi kesü. Kepaghenanye ma mu keben ma cünyuwa tsü tizen meya lethu, ma mu nkeben Anyiza tsü tizenya nben.

1 JOHAN 4:9

Anyiza na ketizen pi ithu ccüca kechi tsüna ithu yala ma wina kahang benya thsüle kesalina Anyiza na ma Tsa ntsawa kesütan tsü kesun pi ayyi wi chicü.

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.