JOHAN 1:16 - Kemethajüh (N) (Re-editing) Bible (BSI)

¹⁶ Ma nanketizen pong kimenni kesa wina ithu tsüdila nanketizen mu la mu nengya saben.

JOHAN 1:16 Iomraidhean Croise

ZAKECI 84:7

Mathu na wa keten ti zü kayi; mathu na Zion wi acenpvüthu miwi Anyiza tsü muden.

ZEKHARIYA 4:7

Ntuwi alen kekhenthu na ayikhathu keti ti sa keben tsüna nmila ben. No Kekinyijjenwa tsü saneng ben, nu no alon sakhenwa pi maben wi chi keben wi anyithu na jisha nu, ‘Mehai ntsawa, mehai ntsawa le! khiben.”

MATHI 13:12

Kepaghenanye anyi thowa na pala pahan ben khe pi wwa neng cüden, isanu ma ji ntsa benya thsüden; isala anyi thowa na mangla nmi khe ma keu ketan keben tsü lela sen bvüaben.

MATHI 3:11

Nthu na leben khapeghe yadhale kesa pi nyu ccücale kesalina hi atssü pi nthu baptaiz saben, isala anyi kesü iseng wi gho ketenwa tsüna Kemetha Ghamu nu anni pi nthu baptaiz saben. Ma imiwi khangki nu hi ma ccüguwen lela nsen qole!

MATHI 3:14

Isala Johan na ma kemeshen sa pi kemili cüle sa. “Hi nkwen wi baptaiz kesaule, isala no hi wi ghodhala!” Johan na isakhi.

Luk Zhükechi Jühtheü Kemehaiwa 21:15

kepaghenanye hi nthu ghinyithu thola nthu matang nu shunya nkesa ajühthu nu kemetsa pi nthu cüben.

JOHAN 3:34

Anyiza na kesun kechiwa na Anyiza jüh khiden, kepaghenanye Anyiza na nkedela Aghamu pi ma cüden.

ROMNYI 5:17

Anyi kesü kesami ghena keshü tsüna kekhang sen ghole kesa tsüna ntsakhiwa, anyi tsüwa kesami ghena. Isala anyi kesüwa Jisu Khrista na kekuli sa kechi hana khatila tsü miwi diki nu! Anyiza na nanketizen pongkemeni kesa khukechi tsü yaya nu kekila wina ma gweghe meshonya kesathu na kahang wi Khrista wina kekhang senden.

ROMNYI 5:2

Ma kenondi wina ithu ssigho ithu khili ngan keben Anyiza nanketizen wi ha chi cüdha. Ithu na Anyiza nyankethang wi benden kesa nondi nu kapvüben.

ROMNYI 5:20

Kesazzi ji kayi thsüle kesalina Ayenwa tsü pi chi, isala kesami ji kayi kesa wi Anyiza nanketizen na tsü miwi ji kayi shagha.

ROMNYI 8:9

Isala keujüla ntsakhiwa Anyiza Ghamu na nthu wi hangden lethu, nthu na ayyi sajjü kenen wi nyela Aghamu kenen wi hangden. Anyi kesü le kesü lela Khrista Ghamu nkemiwa na ma ji nye.

EFESANYI 1:23

Kemehu tsüna Khrista gwo, ma kesacen tsüna ma ketanla apen tsüdi wi pala tsüdila sacenden.

EFESANYI 3:19

Nthu ma nanketizen tsü chü keyawa salo— Khiela tsü maben chüya nben lela, isanu Anyiza yencükiwa tsü pi nthu pong pvüyalo.

KOLOSSINYI 1:19

Kepaghenanye Anyiza kenen wina Atsawa mi wi Anyiza yenwa tsü ben cencuben.

KOLOSSINYI 2:3

Ma Anyiza wi kemetsa nu palakechü keben kekuthi tsüdi pi kechü thsüwa tsü.

1 PITOR 1:11

Mathu na matsü khati kesa wi nu khati sa ghoben khe tsü chüya le bha. Hawa ha Khrista Ghamu na mathu miwi ben nu npi wina Khrista ketizen kesa nu anyankethang muya keten cüki tsü khi.

1 PITOR 1:2

Jisu Khrista jühkina nu ma jjü pi satemethaya thsüle kesalina Anyiza Abawa kemeshen wina nthu kessiya nu ma Ghamu na nthu sa pi kemetha nyi saya thsüdha. Nanketizen nu kecca ya nthu ji sa ntsa sa keyawa salo.