JOHAN 1:12 - Kemethajüh (N) (Re-editing) Bible (BSI)

¹² Isala ma ssiya nu ma nyan nondi keyathu tsüdila Anyiza tsangathu saya kemehai kekhang pi tsüthu cüdha.

JOHAN 1:12 Iomraidhean Croise

2 SAMUEL 7:24

Anuphan ghena no Israel pi n-nyi saya, nu no Apvüwa, mathu Nyiza sayadha.”

ISAYA 56:5

hi Kekinyijjen wi nu inyithu jawi no atsa nu angathu keben miwi sieki n-nyan tsü meshen ben den, khiela no mali nben.”

JEREMIYA 3:19

Apvüwa na khiben, “Israel, hi no pi itsa ti sa nu ssiya, nu ccanonkwen yyi kesü, ayyi tsüdi miwi kemehai ntsa pi no cü mvu sale. No ya hi pi iba isa ci nu hi wina khiela bvü neng nsa thsü mvu sa.

HOSEYA 1:10

Israel nyi na ji pi atssükedone wi ahachan ti sa nu si nkeyakhi nyelela ketegü nkeyakhi saaden. Khili Anyiza na mathu wi khiben, “Nthu na inyi nye,” isala atsathang kesü na ghothu ma hati mathu wi khiden, “Nthu na hangkebenwa Nyiza tsangathu le!”

MATHI 10:40

“Anyi thowa na nthu ssiya khe hi la ssiyaden; nu thowa na hi ssiya khe hi kesun kechiwa la ssiyaden.

MATHI 12:21

Ma atsentsawa tsü npi khangkeya chu khiben, nu anyi tsüdila kenondi pi ma miwi chiben.”

MATHI 18:5

Anyi thowa na inyan wina ghanyi hati kesa ha ssiya khe hi la ssiyaden.

JOHAN 1:11

Ma ma nyithu wi gho, isala ma nyithu na ma ssi meya mvu la.

JOHAN 1:7

Ma kewegüwa tsü cüki pi anyithu kizale gho nu tsüdila ma wina nondiya thsüle kesalina.

JOHAN 11:52

nu mathu ghena ketan nyela Anyiza nyithu bvü zighe kebenthu tsüdila saghu pi agwo kesütan sayaben

JOHAN 2:23

Jisu na Jerusalem wi Shhukeya Kho tsü wi azensuthu kulikechi ghena anyi kejonla tsü muya nu ma nondiya.

JOHAN 20:31

Isala nthu yala Jisu tsüna Khrista nu Anyiza Tsawa le kesa nondi nu tsü kenondi ghena ma nyan wina kahang muya thsüle kesalina hathu ha zhü chitheng.

JOHAN 3:18

Anyi thowa na ma nondi ten khe kemeshensa nmidha, isala thowa na ma n-nondi khe tsüthu meshensadha. Kepaghenanye ma Anyiza Tsa ntsawa tsü nkenondi ghena.

KEKULI 3:16

Hawa ha Jisu nyan kekhang wina kezü pi anyi accü nkemehaiwa ha kecü. Nthu na mu nu chü kebenwa hana ma nyan kenondi wina saya; Ha Jisu kenondi wina nthu tsüdi tuwi hati ma sa pi mehai cüdha.

ROMNYI 8:14

Anyiza Ghamu lenketsütson wi hang ketenthu tsüdila Anyiza tsangathu.

ROMNYI 8:16

Anyiza Ghamu na ma ketanla ithu ghamu gweghe nu ithu na Anyiza tsangathu le khishi thsüden.

ROMNYI 8:19

Ayyi ha wi sahangkechithu mabenla Anyiza na ma tsangathu pi ccücachi keten tsü nmvuthi hieben.

GALATIANYI 3:26

Kenondi ghena nthu tsüdila Jisu Khrista wina Anyiza tsangathu sayadha.

GALATIANYI 4:6

Nthu na ma tsangathu le kesa pi ccücale kesalina Anyiza na ma Tsawa Ghamu kesun pi ithu leben wi chicü, nu Aghamu na, “Aba, iBa.” isa ci shagha den.

KOLOSSINYI 2:6

Nthu na Jisu Khrista pi Apvüwa saya kesa tsüti ma wi hangki ben tenlo.

2 PITOR 1:4

Ma hati nu ajüh men kedhu nu kedi khishi pi ithu cüdha, isanu hathu wina nthu yala ayyi ha wi keyasa kesa mvu wina bvü shhuya, nu tang yencüki wi tsü saghuya thsüle kesalina.

1 JOHAN 3:1

Ae, Abawa na khatila ithu tizen chidha nu! Ma ketizen na di ntsa kesalina ithu pi Anyiza tsangathu le ciyadha — nu ntsakhiwa ithu na tsüti saben. Tsalina ayyiwa na ithu nchü, ma jjügi tsüna Anyiza nchü.

1 JOHAN 3:10

Ha wina Anyiza tsangathu nu Atsaghang tsangathu chü kepapa sa yaben: anyi thowa na ketsatan kuli nten nyelela ma cünyuwa tizen nten khe ma Anyiza tsanga nye.

1 JOHAN 3:2

Hi ketizenthu, ithu na khili Anyiza tsangathu sayadha lela nkhe wi ithu na khati saben khe npi chüya. Isala ithu na Khrista kegho wi ma ti saben kesa ithu na chüben, kepaghenanye ithu na ma khati kesa khe ma muyaben.

1 JOHAN 3:23

Ma ayenkhukechiwa tsüna ha: Khrista na ithu kekiza ti, ithu ma Tsawa Jisu Khrista tsü nondi nu khokho ketizenli tenlo.