JOHAN 1:10 - Kemethajüh (N) (Re-editing) Bible (BSI)

¹⁰ Ma ayyi wi hang nu ma wina ayyiwa tsü sachi, isala ayyi nyi na ma nchü la.

JOHAN 1:10 Iomraidhean Croise

ADECHHÜ 16:13

Hagar na ma ketanla ma ccüneng nu khi, “Hi ntsakhiwa Anyiza mukeya seng wi hangben nu tsü cüki khipi nyu kizaya mehai kwe?” Nzawa na Apvüwa ma keccünengwa tsüpi “Muketenwa Anyiza” isa ci.

ADECHHÜ 17:1

Abram na ma kahang achentugu nu tugu mapi wi Apvüwa na ma tuwi gho nu khi, “Hi kekhang Nyizawa. Keshüthangla ijühkina nu kemeshonwa sa tenlo.

ADECHHÜ 18:33

Apvüwa na Abraham ssinu keccüneng cen seng wi bvüa, nu Abraham na ajjen wi kheneng ghoa.

ISAYA 53:3

Ithu na ma nkhichi nu ma meya mvula; ma ketizenkesa nu kinaa wi kethankehi. thola ma n-ghangchi, ithu na ma pi mangla nkenye ti sa nu ma meya mvula.

MATHI 11:27

“IBa na pala tsüdi pi hi cüdha. Anyi kesütanla Abawa nkenye tsü Atsawa chü meya, nu thola Atsawa nkenye tsü Abawa chü meya, nu Atsawa na kessiya kesawa wi ma pi ccüca chiden.

JOHAN 1:11

Ma ma nyithu wi gho, isala ma nyithu na ma ssi meya mvu la.

JOHAN 1:18

Anyi kesütanla Anyiza npi muya, Atsawa, Abawa kete wi kebenwa tsü ketan na ma sa pi chüya thsüdha.

JOHAN 1:3

Pala tsüdila ma wina sachi, nu sachi kethengthu tsü ma wina nkenye kesü la nmi.

JOHAN 1:5

Kewegüwa tsüna kejang wi wegüden, nu kejangwa tsüna ma miwi khang meyacha.

JOHAN 17:25

O, Ketsatan Bawa! Ayyi nyi na no nchü, isala hi tsü no chü, nu hathu ha no hi kesun chile kesa chüben.

JOHAN 5:17

Jisu na mathu wi kiza, “IBa na khili la kuliben, nu hi la kuli nbenthu yishü.”

KEKULI 14:17

Isala ma keshüthangla ma hang benle kesa chüya thsüle kesalina pala kemehai kuliden: ma tang wi na atsangho pi nthu cü nu matsü wina pala bi bünya thsüden; ma kedsakejjü khuchi nu anonkeghe pi nthu leben pong cüden.”

1 KORINTHNYI 1:21

Kepaghenanye Anyiza na ma kemetsa wina ayyi nyithu na mathu kemetsa sen nu ma chüya nben sadha. Tsüti kesawa nyela, ikhang na pi sansi keten ketsijüh pi “kejüphon jüh” le khi ketenwa ha kenondithu na hangsha yaben kesa Anyiza na südhedha.

1 KORINTHNYI 2:8

Ayyi ha wi kekhang kesenthu kesütanla kemetsa hawa ha nchü. Keujüla mathu ha chü lethu mathu na Apvüwa nyankethangwa tsü pi kross miwi jen nkesa.

1 KORINTHNYI 8:6

ithu ghena tsü Anyiza kesütan, pala tsüdila Sahangkechiwa, nu ithu ma wina hang kebenwa Abawa tsüna ben; nu ciwi Apvüwa kesütan, ma wina pala tsüdila sa kechiwa, nu ithu ma wina hang kebenwa Jisu Khrista tsüna ben.

KOLOSSINYI 1:16

Kepaghenanye Anyiza na ma wina atssan nu ayyi wi pala tsüdi, mu keben nu mu nkebenthu, pi aghamulen wi kekhangthu, apvüwathu, kekhang kesenthu nu kekhangthu tsüdila saghu sachi. Anyiza na ma wina nu ma ghena atssan, ayyi maben sachi.

IBRINYI 11:3

Kenondi ghena atssan ayyi ha Anyiza jüh wina sachi, isanu pala mu kebenthu tsüna mu nkebenthu wina sachi le kesa ithu na chüshiya.

1 JOHAN 3:1

Ae, Abawa na khatila ithu tizen chidha nu! Ma ketizen na di ntsa kesalina ithu pi Anyiza tsangathu le ciyadha — nu ntsakhiwa ithu na tsüti saben. Tsalina ayyiwa na ithu nchü, ma jjügi tsüna Anyiza nchü.