JOHAN 1:1 - Kemethajüh (N) (Re-editing) Bible (BSI)

¹ Adechhü wina ajühwa tsüna benden, ajühwa tsüna Anyiza gwegheden, nu ajühwa tsüna Anyiza.

JOHAN 1:1 Iomraidhean Croise

ADECHHÜ 1:1

Adechhü wi Anyiza na atssan nu ayyi sachi;

ZAKECI 45:6

Anyiza na kadiyyi pi no kecüwa tsüna anuphan nu anuphan wila ben den. No kemeshon sen nu n-nyithu miwi kekhang sen;

ISAYA 7:14

Isalethu, Apvüwa na ma ketanla azensu kesü pi no cüaden : Ghala kesü na atsa npvüya nu pvügha yaden, nu ma nyan pi Immanuel ciden.

ISAYA 9:6

Ghanyi kesü pvügha pi ithu cüdha! atsa kesü pi ithu cüdha! nu ma ithu miwi kekhang kesenwa saaden. Ma pi “Amankesa Kesansichüwa,” “Kekhang ntsawa Anyiza,” “Anuphan Bawa.” “Kecca Kaditsawa.” le ciden.

MATHI 1:23

“Ghala pvünyimetha kesü na atsa-npvü nu atsa kesü pvügha yaben, nu ma nyan pi Immanuel (ma jjügi ‘Anyiza na ithu ssiden’) ciben.”.

Luk Zhükechi Jühtheü Kemehaiwa 24:53

nu matsü tsüdi wi mathu na Kekinyijjen wi ben nu Anyiza seng.

JOHAN 1:14

Ajühwa tsüna asajjü ceng shagha nu nanketizen nu atsentsawa pi pong pvünu ithu jawi hang. Ithu na ma nyankethang muyadha, nyankethangwa tsüna Atsawa ketan Abawa wina mukeya.

JOHAN 1:18

Anyi kesütanla Anyiza npi muya, Atsawa, Abawa kete wi kebenwa tsü ketan na ma sa pi chüya thsüdha.

JOHAN 1:2

Adechhü wina ajühwa tsüna Anyiza gwegheden.

JOHAN 16:28

Hi Abawa wina ayyi wi gho, nu khili ayyi teshi nu Abawa wi wa tendha.”

JOHAN 17:5

O, iBa, kheni ayyi npi sakechi wi hi no gweghe keben wi nyankethang tsü makesü khili no inyanthang chi cülo.

JOHAN 20:28

Thoma na ma luneng, “IPvüwa, nu iNyiza!”

JOHAN 8:58

Jisu na luneng, “Hi atsentsawa nthu kizaden: ‘Hi’ Abraham npi kepvügha wina ben ghodha.”

ROMNYI 9:5

mathu na Ibri bamyi kemechan shicübvüghathu; nu Khrista na asajjü wi tsü mathu mizza wina gho. Anuphanla tsüdi miwi kekhang sen ketenwa Anyiza kesengwa salo! Amen.

EFESANYI 3:9

nu anyi tsüdila ya Anyiza kemeshen kekuthiwa tsüna khati kuli ben khe muya thsüle kesa ghena. Anyiza, pala tsüdila sahangkechiwa na ma kemeshen tsü pi kheni abvüye tsüdi tu wi kuthi gho,

FILIPPINYI 2:6

Ma keshüthangla Anyiza tsiyen ben, isala ma khiela ma pi Anyiza meceqe sale nmeshen.

KOLOSSINYI 1:15

Khrista na nkemuwa Anyiza tsi ti mu kebenwa tsü. Ma Atsa tssütsewa, sahangkechi tsüdi miwi kediwa.

KOLOSSINYI 1:17

Khrista na pala tsüdi tu wi na ben ghodha, nu ma wina pala tsüdila mehaitsü ma pen wi ben.

1 TIMOTHI 3:16

Thola ithu keccüna ha wi kekuthi di ntsa keben tsü nmile khiya nben: Ma anyi tsi ceng sen nu gho kesa tsü Aghamu na atsentsa pi ccüca nu tangnyilothu ya muya thsü. Ma cüki pi mizzatenti jawi sansi, ayyi nyi maben wi la nondiya, nu ssi sen nu tangwi kia.

TITA 2:13

isanu ithu na atsathang kemehaiwa, ithu Nyiza kedi nu Hangshawa Jisu Khrista nyankethang sa gho keten tsü hie nu ghangben thsüben.

IBRINYI 13:8

Jisu Khrista na ghanie, nansü, nu anuphan la makesü.

IBRINYI 7:3

Ciwi Melkhizedek ma ba, ma jja, nu ma bamyithu cüki kezhü mangla nmi; ma kepvügha nu keshü cüki kezhü la nmi. Ma Anyiza Tsawa ti kesa kesü; ma anuphanla keqhaikediwa kesü saben.

2 PITOR 1:1

Simon Pitor, Jisu Khrista maghawa wina pi ithu Nyiza nu Hangshawa Jisu Khrista ketsatan wina ithu kenondi ti ma men kebenwa pi cü kethengthu wi kechi.

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.

1 JOHAN 5:7

Ciwi chüza kecheng ben:

CCÜCAKECHI 1:11

tsüna khi, “No kemuthu tsü pi lesüshen kesü wi zhüya nu pi kemehu tagü hathu cülo: Efesa, Smirna, Pergamum, Thiatira, Sardi, Filadelfia, nu Laodikea.”

CCÜCAKECHI 1:17

Hi ma mukeya wi ma ccü wi keshü ti qancadu. Isala ma ma kwen ajewa chang pi imiwi chi nu khi, “Nmessi lalo! Hi atuwa nu asakhenwa.

CCÜCAKECHI 1:2

Johan na ma kemu tsüdi pi kizachidha. Hana Anyiza wina kegho ketsijüh nu Jisu Khrista na pi ccücakechi atsentsawa cüki ma khi kechi.

CCÜCAKECHI 1:8

Apvüwa Anyiza, khili kebenwa, kheni na ketenwa, nu ha seng wi gho ketenwa, Kekhangkedi ntsawa na khiben, “Hi Alfa nu Omega.”

CCÜCAKECHI 19:13

Ma agwomejuwa kaghazu pvü keten tsüna ajjü pi pong pvüden. Ma nyan na “Anyiza jüh.”

CCÜCAKECHI 2:8

“Pi Smirna kemehu nyilowa kecü zhüya: “Hawa ha atuwa nu asakhenwa, shü nu hangnengya kesawa ketsijüh.

CCÜCAKECHI 21:6

Nu ma khi, “Tsü sacendha le! Hi Alfa nu Omega, atuwa nu asengwa, adechhüwa nu asakhenwa. Kesü le kesü lela dighe kebenwa hi kekila wina kahang tssü pi jjüya thsüden.

CCÜCAKECHI 22:13

Hi Alfa nu Omega, atuwa nu asengwa, adechhüwa nu asakhen ntsawa.”

CCÜCAKECHI 3:14

“Pi Laodikea kemehu nyilowa kecü zhüya: “Hawa ha Amen, atsentsa chüzawa nu jühtsentsa kesawa ketsijüh. Ma Anyiza na sahangkechi tsüdi miwi kekhang kesenwa.