JOEL 3:4 - Kemethajüh (N) (Re-editing) Bible (BSI)

⁴ “Nthu na imiwi mangwa saale ben nu, Tur, Sidon, nu Filistia? Nthu na pala pahan ghena pi hi dhineng le saben kwe? Keujüla nthu na tsüti saben lethu hi wan pi nthu cü neng shaben!

JOEL 3:4 Iomraidhean Croise

2 KHENICÜKI 21:16

Filistin nu Arab nyithu pahan na Sudan nyithu pahan ayikha ccü niela kahang pen kete wi tsü hang ben. Apvüwa na mathu sapi wala Jehoram ssinu aghisa thsü.

ISAYA 14:29

Filistinthu, nthu kihhe keten mighewa tsüna pashüdha, isala nthu na anonghe keya jjügi nmi. Amaghang kesü na shüthu, tsü miwi nkemehaiki na ghola tsü pen pong yaden. Amaghang tsüwa ghatsü wina pighe keten maghang khushi yaden.

ISAYA 34:8

Matsü hawa ha Apvüwa na Zion kikasha keya nu ma ghinyi miwi jukhi keyawa tsü.

ISAYA 59:18

Ma ma ghinyithu, ayyi lenkesie wi hang kebenthu lela mathu kekuli qei wina mathu meten cüden.

JEREMIYA 47:1

Ejipt kadimiwa na Gaza npi ssikaghashen wi Apvüwa na Filistia ghena hi ccüneng.

JEREMIYA 47:4

Filistia yasa keten tsüwa na ghodha, Tur nu Sidon wi kekiqa kebenthu tsüdi khenpia le kesalina. Hi Apvüwa, hi Filistia nyi yasa cüden, Kreta ghüsa wina keghothu tsüdi.

JEREMIYA 51:6

Babylonia wina bvü yalo! Nthu kahang ghena bvü yalo! Babylonia kesami ghena nthu pathi thsü nsala! Hi khili ijukhi yaben nu ma kepvü qo wi ma meten cüben.

JOEL 2:10

Mathu na kewa wi ayyi kuli; atssan na kedheggü. Aghani nu asha na jang wa nu ghotsithu na nwegüla.

JOEL 2:2

Tsüna kejang nu keshaman tsathang saaden, jang nu akulukeshü tsathang kesü saaden. Ashiqa zitenti keti na kejang na ayikhathu kejibhon keben ti ghoden. Ciwi khiela tsüti mangla npi sa, nu khiela sa neng nbendha.

MATHI 11:21

“Nghena kemessi khacu khatila saten nu, Khorazin! Nghena la kemessi khacu khatila saten nu, Bethsaida! Keujüla nshinyi wi amankesa sa kechithu tsü pi Tur nu Sidon wi sachi lethu, ciwi anyithu na kheni na kesami wina mathu leben khapeghe yadhale kesa wina alishithsü mphi nu amihi pi mathu li wi chipvü kesa nan!

MATHI 11:22

Hi nthu kizaden, Ajühkaghaten tsathang wi Anyiza na nthu miwi Tur nu Sidon nyithu nantizen kayi cüaben!

Luk Zhükechi Jühtheü Kemehaiwa 10:13

“Khorazin, nghena khatila qhethiketen saten nu! Bethsaida, nghena la khatila qhethiketen saten nu! Keujüla nshinyi miwi amankesa kulikechi tsü pi Tur nu Sidon miwi kulichi lethu, ciwi anyithu na kheni na mathu kesami wi khapeghe yadhale kesa alishithsü mphi nu donki nu amihi pi mathu miwi chipvü kesa nan!

Luk Zhükechi Jühtheü Kemehaiwa 10:14

Ajühkekaghaten tsathang wi Anyiza na nshinyi miwi Tur nu Sidon nyi keniwa nantizenchi cüaben.

Luk Zhükechi Jühtheü Kemehaiwa 18:7

Anyiza na ma nyithu aghanan le aghaja lela ma wi khie ketenthu shei khi cü nben kwe?

KEKULI 9:4

Ma ayyi wi khulidu nu ahhai kesü hati kekhi zaya, “Saul, Saul! No mangkesa na hi meten-mesha benden nu?”

AYENZHÜNENG 32:35

Apvüwa na ajukhikeya nu kemeten pi mathu cüben; matsü na gho lethu mathu na qanca shaben; mathu kededi tsathang na tetsakidha.

2 THESSALONIKANYI 1:6

Anyiza na kemeshonwa tsü saben; ma ketizen kesa sengho nthu ya ketizen sa thsü kebenthu cüben,

PENDHENYI 11:12

Tsaseng wi Jeftha na nyilothu kesun pi Ammon nyi kadimiwa wi chi nu khi, “No mangkesa ghena ithu ssinu kitagha ben nu? No mangkesa na ithu yyi nka ben nu? ”