JOEL 3:2 - Kemethajüh (N) (Re-editing) Bible (BSI)

² Hi mizzatenti tsüdi saghuya, nu mathu ssigho Ajühkekaghaten Yyiketijü wi chiaben . Ciwi hi mathu na inyithu miwi sakechi tsüdi ghena mathu jühkaghatenden. Mathu na Israel nyithu jügüzighe pi asang diyyi wi chi nu iyyi Israel tsü gishü zighe.

JOEL 3:2 Iomraidhean Croise

2 KHENICÜKI 20:26

Mejü ghanan wi mathu na Berakah Yyiketijü wi saghu nu Apvüwa na kuli kechi tsüdi ghena ma seng. Tsalina yyiketijüwa tsüpi “Berakah” le cia.

ISAYA 66:16

Ma anni nu njünnu wina kemeten pi ayyi nyi wi kesazzi mu keyathu tsüdi cüaden, nu kejon pi shü thsüaben.

ISAYA 66:18

Hi mathu kemeshen nu mathu kekulithu chüben. Mizzatenti tsüdi wi anyithu saghu le ghoden. Mathu na gho saghuya lethu hi kekhang na mangwa saya mehai khe mu yaben,

JEREMIYA 12:14

Apvüwa na khiben, “Hi Israel jenphonthu, hi ayyi pi inyi Israel kecü tsü yasa kesathu ghena ajüh pahan nkhithu yishüben. Hi aghang kesü pfüshi kea ti gheshighena nyithu tsü mathu diyyithu wina mathu sen bvüaden, nu mathu wina hi Judah kekasha yaden.

JEREMIYA 25:31

nu ahhaiwa tsüna ayyi kenten wi la kehiki waden. Apvüwa na mizzatentithu kematang kaghatenjüh kesü ben. Ma anyi tsüdi keü ketenpen wi gho nu gheshighenathu pi shü thsüaden . Apvüwa na khidha.’ ”

JEREMIYA 49:1

Hawa ha Apvüwa na Ammon cüki kekhi: “Israel nyithu na khiewi ben nu? Meshu kesütanla ma yyi khwekeya nmi kwe? Mangkesa na mathu na Molek cenpvü kinyi ketenthu ya Gad mizza yegu yaya nu ciwi nhang nu?

JEREMIYA 50:17

Apvüwa na khiben, “Israel nyi na khaghanenithu, ssensitemithu na jügüzighe pi bvü thsü kesa tsüti le. Atuwa Assiriya kadimi na mathu ssikaghashen, tsaseng wi Babylonia Kadimi Nebukhadnezzar na mathu gü pacha.

EZEKIEL 25:8

Kemisintsa Apvüwa na khi, Moab na Judah tsüna mizzatenti kepathu ti makesü le kekhi ghena.

EZEKIEL 34:6

Tsalina iji khaghanenithu na yyishiphon kemisithu nu yikhathu wi kegoe deja bvüa. Mathu na ayyi mi tsüdi wi bvüzighe, isala thola tsüthu nbha nyelela muya le nsa.

EZEKIEL 35:10

“Nthu na hi Judah nu Israel mizzatenti keni ha Pvüwa, nu Anyiza saben lela tsü keni nu manyi yyi tsüna nthu ji nu nthu manyi yaya tenle khi.

EZEKIEL 36:1

Apvüwa na khi, “Keshü nyiwa, Israel yikhathu wi mathu ya hi ketsijüh kinalo kizalo.

EZEKIEL 36:5

“Kemisintsa Apvüwa, ileben keminu kisa pvü nu ha khipi kevü mizzatentithu nu tsü miwi Edom shunben. Mathu na anonkeghe sa nu nkhichi sala iyyi nu ciwi amouthu yaya.

EZEKIEL 38:22

Hi kesakinaa nu ajjü kekiji pi mathu meten cüden. Hi atsan keshathi nu aghayi pi anni nu annilon saghu pi ma nu ma süpahithu, nu ma wiwa kesa mizzatentithu kejon miwi keshusha chiden.

EZEKIEL 39:11

Apvüwa na khi, “Khathansha wi ha maben sakhi khe hi Israel wi Keshü Tssükedone na nishuwa kijünyi kewathu yyiketijü wi ashüjjen pen kesü pi Gog cüden. Gog nu ma süpahithu tsüdi pi ciwi vhüden, nu ayyiketijü tsüwa pi ‘Gog süpahizi yyiketijü’ isa ciden.

JOEL 3:12

“Mizzatentithu kiden meyathu yishü, nu Ajühkekaghaten Yyiketijü wi nghothu yishü. Hi Apvüwa, ciwi donki nu ketekevü wi mizzatentithu tsüdi jühkaghaten den.

JOEL 3:14

Anyi hazar hazar na Ajühkekaghaten Yyiketijü wi ben. Apvüwa tsathangwa tsüna wan ciwi ghoaben .

AMOS 1:11

Apvüwa na khiben, “Edom nyithu na samila sami neng sa, tsalina hi ha ghena mathu meten cü metsiden. Mathu na mathu cünyuwa Israel nyithu kekajügü, nu mathu nantizen nchila. Mathu lebenketsu na asakhen nmi, nu mathu na tsü ya gha wa thsü nsa.

MIKA 4:12

Isala mizzatenti hathu na Apvüwa leben wi mangwa ben khe nchü. Asu pi nyeggü le saghu ketheng ti mathu saghutheng nu meten cü le keben tsü mathu na chüshi meya.

ZEFANIYA 3:8

Apvüwa na khiben, “Nibenla. Hi shagha mizzatentithu kimenni keten tsathangwa tsü hieben lalo. Hi mizzatentithu nu kadiyyithu saghuya nu mathu ya ileben ketsuwa tsü chüya thsü le meshenyadha. Hi aghekepvü nni pi ayyi mabenla yasa den.

CCÜCAKECHI 11:18

Nlebenketsu tsüwa na gho kesalina Anyiza nkechüthu na lebenminu bendha, keshü jühkaghaten keten tsü la ghodha. Nmagha atusenjüh-kechüthu, n-nyithu tsüdi, nu no kinyikü ketenthu tsüdi, kedi nu kizza makesü akutimen sacü keten tsüwa na ghodha. Ayyi yasa ketenthu yasa keten tsüwa la ghodha!”

CCÜCAKECHI 16:14

Tsüthu na Atsaghang ghamuthu amankesathu kuliden. Aghamu ha kecheng na ayyi wi kadimithu tsüdi wi wa nu mathu ssighu sengho kekhangkedi ntsawa Anyiza tsathang wi aghisa thsüle kesalina.

CCÜCAKECHI 16:16

Tsaseng wi aghamuthu na kadimithu ssinu Ibri jüh wi Armegaddon kesa pen wi tsü gho.

CCÜCAKECHI 16:6

Mathu na Anyiza nyithu nu atusenjüh-kechüthu jjü keji thsüa, tsalina no ajjü pi mathu jjü thsüdha. Mathu na mukeya-u wi muyaben!”

CCÜCAKECHI 20:8

nu ma wala ayyi maben wi bvüzighe keben mizzatentithu mechuben, tsüna Gog nu Megog. Satan na mathu tsüdi saghu sengho ji pi atssükedone ghüsa wi ahachan yyi ti ssigho aghi saden.