JOEL 2:2 - Kemethajüh (N) (Re-editing) Bible (BSI)

² Tsüna kejang nu keshaman tsathang saaden, jang nu akulukeshü tsathang kesü saaden. Ashiqa zitenti keti na kejang na ayikhathu kejibhon keben ti ghoden. Ciwi khiela tsüti mangla npi sa, nu khiela sa neng nbendha.

JOEL 2:2 Iomraidhean Croise

ZAKECI 10:6

Ma ketanla ma wi khi, “Hi mangla sa nu qanca meya; agükeccü mu meyacha.”

ZAKECI 97:2

Akulukeshü nu kejang na ma vü sen ben; ma ketsatan nu kemeshon sen nu kekhang sen ben.

BVÜKESHHU 10:14

Tsüthu na abhibhi sa gho diyyi maben wi ben wa. Ashiqa tenti keti tsüti kesa na kheni la npi mu nu haseng wi la mu neng nben.

BVÜKESHHU 10:6

Tsüthu tsüna no kadijjen, nkekhu wi kedithu, nu n-nyithu jjen tsüdila pong shaben. Tsüthu na nmehai pi nthu bamyi tsü wina gho nansü kecu tsüti npi kemu saben.’” Tsaseng wi Mosa na khapeghe nu ma teshi bvüa.

BVÜKESHHU 20:21

Isala anyithu na temeja wi ben wa nu Mosa ketan akulukeshü kejang kete Anyiza keben pen wi wha.

ISAYA 5:30

Tsü tsathang kegho wi mathu na atssükedone hhai ti Israel miwi ghamo ben. Diyyiwa ha ghangchilo! Kejang nu accükwenkeshü le! Kejang na kewegüwa tsü kejibhon yadha.

ISAYA 8:22

nyelela yasha ayyi wi ghang, isalela mathu jügü pi chiketheng kejang nu agükeccü qhethiketen kesawa tsü ketan khe mangla muya nben.

JEREMIYA 13:16

Apvüwa nthu Nyiza kinyiküya, ma kejang sengho nu nthu na ayikhathu wi accümeshü; nu nthu na ghang keten kewegüwa tsüpi kejang kedhu wi npi kechi tuwi na.

JEREMIYA 13:6

Matsü pahan sengwi Apvüwa na hi kheneng wa Eufrat Ghaku wi patano kenkhangwa tsü khuyalo kiza.

NONKEGÜ 1:12

Ma pvüdhiwa ketenthu tsüdi wi khi, “Hi ghangchilo! Anyi thola hi kinaa ti npi sa, Apvüwa na ma lebentsu keben wi kina sengho imiwi kechi tsü.

EZEKIEL 32:7

Hi khathansha wi no yasa khe, hi atssan pabhon nu ghotsithu na jang aghani na akulu seng wi kuthi waden, nu asha na nwegü laden.

EZEKIEL 34:12

Khaghaneni kehie kesü na ma khaghaneni bvüzighe kesa noncca nu saghu ssineng gho keten tsüti. Hi mathu na kededi tsathang kejang tsüwa wi mathu na bvüzighe wakesa penthu tsüdi wina mathu ssineng ghoaden.

EZEKIEL 38:9

Ma nu ma süpahithu nu mizzatenti kejon na gweghe nu caghamo kesü ti ssikaghashen nu akulukeshü kesü ti ayyiwa shübhon yaden.”

DANIEL 12:1

Tangnyilo linenthsü mphi ketenwa na khi, “Tsü tsüwi nyilo kediwa Mikhael, n-nyithu ghihie ketenwa na shhughoden. Tsaseng wi matsü nkemehai ntsa, mizzatentithu na ben keshagha seng wi npi kegho kesü na ghoden. Tsü tsüwa na ghothu, mizzatentiwa wi anyan pi Anyiza lesüshen wi zhü kethengthu tsüdila hangsha yaden.

DANIEL 9:12

No ithu nu ithu kekhang kesenthu miwi mangwa sale khi khe sadha. No ayyi wi anyunuti tsüdi miwi lela Jerusalemwa meten ntsa sadha,

JOEL 1:6

Ashiqa zitenti kesü na ithu yyi pongdha; tsüthu na khang ntsa nu ji pi si meyakhi; mathu yha na ssensitemi yha kedighe ti.

JOEL 2:25

Ashiqa zitenti na kegho mapithu wi nthu lli dsa, nu nthu na mangwa dedi khe hi pi nthu cü neng SHaben. Hi ashiqa zitenti kesun pi nthu keshunwa tsü le.

JOEL 2:31

Apvüwa tsathang keti nu qhethiketen kesawa tsü npi kegho tuwi aghani na jang, nu asha na kemili pi ajjü ti nmieni saaben.

JOEL 2:5

Mathu na ayikha shoni wi pen kewa wi gorugarithu kebvü hhai ti sa; anni na aghang keshü mecang keben hhai ti saden. Mathu na tan pi süpahizi keti na aghi wi wale keten keben ti sa.

JOEL 3:4

“Nthu na imiwi mangwa saale ben nu, Tur, Sidon, nu Filistia? Nthu na pala pahan ghena pi hi dhineng le saben kwe? Keujüla nthu na tsüti saben lethu hi wan pi nthu cü neng shaben!

AMOS 4:13

Anyiza na ayikhathu nu ameghü sa kechiwa tsü. Ma ma kemeshenthu pi anyithu chüya thsüden; ma aghanan kemili pi aghaja saaden. Ma ayyi kemisithu miwi alentsenden. Anyiza Kemisintsa Apvüwa, hawa hana ma nyan!

ZEFANIYA 1:7

Apvüwa na ajühkekaghaten pen wi donki keten tsathang na tetsaki bendha; tsalina ma tuwi ceen benyalo. Apvüwa na ma nyithu pi ahhansha sale kiden ben, nu aghinyithu ya Judah yasalo cichidha.

ZEKHARIYA 14:6

Tsü tsüwa na kegho wi kese nyelela akejan,

MATHI 24:21

Kepaghenanye tsü tsathang wi ketizenkesa na kheni ayyi kesachi wina gho khili kahang kecu wi tsüti npi sa nu ghaketen wi la tsüti sa nben.

MARK 13:19

Kepaghenanye tsü tsüwi ketizenkesa na adechhü Anyiza na ayyi kesachi wina ghola khili kahang kecu wi tsüti npi sa, nu ghaketen wi la tsüti sa neng nben.

AYENZHÜNENG 32:7

“Sencüki meshen chilo, kheni wakesa cüki tsü; mangwa sa khe khipi nthu kizalo kesa nthu bathu wi keülo, sencüki khipi kizalo kesa anyi keqhaithu wi keülo.

IBRINYI 12:18

Nthu na Israel nyithu kegho ti ngho; nthu na ciwi Sinai Yikha wi anniqhe keshhugho, kejang nu keman, caghamo kesa,

JUDE 1:13

Mathu na atssükedone tssükuli nu menugha keshhugho tsüti mathu nkemejüghe kekuli pi nyu ccücaden. Mathu na ghotsithu ma len cühzzi ketenthu tsüti, Anyiza na anuphanla kejang ntsa pen wi tsüthu ghena apen kiden theng.

CCÜCAKECHI 9:2

Ghotsiwa tsüna ayyiku kedhu tsü lishüchi, nu ciwi anni kekhu anni kejon mecang ntsa kesa nikhu ti shhugho; ayyiku kedhuwa wi anni kekhu na shhugho aghani nu atssan shübhon.