JOEL 2:1 - Kemethajüh (N) (Re-editing) Bible (BSI)

¹ Kemessi le kesa tutuwa khouchi; Anyiza yyishiphon kemethawa Zion miwi kemessi hhai sa chilo. Kedheggülo, Judah nyithu! Apvüwa tsathangwa tsüna gho tendha.

JOEL 2:1 Iomraidhean Croise

1 KHENICÜKI 15:28

Tsalina Israel nyithu tsüdila Cenkethenjüh Khitsonwa tsü niela tutuwa, aghacü, nu harpthu khou, nu akhwi sala simbalthu kihhe sen nu anonkeghe sa Jerusalem wi shu.

ZAKECI 119:120

No ghena hi messiben; njühkekaghakhithu tsü ghena kemessi na hi pongyadha.

ZAKECI 87:1

Apvüwa na ma nyunutiwa tsüpi kemetha yyishiphon sayadha;

BVÜKESHHU 10:14

Tsüthu na abhibhi sa gho diyyi maben wi ben wa. Ashiqa tenti keti tsüti kesa na kheni la npi mu nu haseng wi la mu neng nben.

ISAYA 13:6

Kenaa ghena ghadhilo! Apvüwa tsathang na tetsakidha, Kekhang ntsawa na kededi sengho keten tsathangwa tsü.

ISAYA 13:9

Apvüwa tsathang na gho tendha, ma leben ketsu nu kekha nkemehai tsathangwa tsüna. Ayyi ya aghansha sa thsü nu kesami nyi tsüdila dedia den.

ISAYA 2:12

Tsü ghanan wi Apvüwa na kekhangthu, kapvü nu dithang ketenthu satemeni aben.

ISAYA 66:2

Hi hi ketanla atssan ayyi maben sachi le! Hi anyi thowa na ma satemeni nu leben khapeghe, hi messi nu ijühkina ten khe tsü miwi hi kenen ben den.

ISAYA 66:5

Apvüwa na mangwa le khiben khe kinalo, nthu ma messi nu ma jühkina ketenthu: “Nthu na hi wi lebentsentsa sa keten ghena nthu nyi pahan na nthu nanmeghü nu nthu ssinu mangla sa nben. Mathu na nthu nankeqhe nu khiben, ‘Ithu na nthu nonkeghe tsü muya thsüle kesalina Apvüwa yala ma kekhang ketiwa tsüpi ccüca nu nthu hangshaya thsülo.’ Isala mathu ketanla mathu kimenni yaben le!

JEREMIYA 16:10

“No hathu pi mathu kekiza wi mathu na no wi hi mangkesa na daggü ntsa nu kemeten pi mathu cüle südhedha nu kesa keüben. Mathu na mangwa sazzi nu sami nyelela mangwa kesami sapi Apvüwa mathu Nyiza shun theng nu kesa keüben.

JEREMIYA 16:7

Atheghithu shü lela thola ma leben satecca cüle kesa ghena ma ssinu dsajjü nben. Thola nantizenthi kesa pi ccüca nben, ma bajja nmila kesathu wi lela.

JEREMIYA 4:5

Ayyi tsüdi wi tutuwa khou chilo! Misikhhali nu methasi khou chilo! Judah nu Jerusalem nyithu kiza khweti vüketheng nyunutithu wi bvülo.

JEREMIYA 5:22

Hi Apvüwa le; nthu na Mangkesa na hi nmessi nu? Nthu na mangkesa na ituwi kenenkhukhu nsa nu? Hi ahachan pi atssükedone na pvüdhiya nketen anuphan ggü kesü sa cü. Atssükedone na kuli lela tsü miwi waya nten; atssükullu na ghamo lela tsü pashaya nten.

EZEKIEL 12:23

‘Tsalina hi Kemisintsa Apvüwa na tsü jjügi tsüna mangwa khile ben khe khili pi mathu kiza lo. Hi jühbvü tsüwa ya asakhen sa thsüaden . Israel nyi jawi tsü khineng nbendha. Tsü mithon wi mathu wi kiza lo: “Matsüwa na ghodha, nu matsü khipi kethengthu tsüna atsentsa gho tendha le!

EZEKIEL 21:12

Leben ketizensa nu ghadhilo, keshü nyiwa; njünnu hawa ha inyithu ghena, nu Israel ccülikesathu tsüdi ghena la le. Mathu pi inyithu kepa wi wwala pathiaben . nu atu-nkemi sa aleben whenglo!

EZEKIEL 30:3

Atsathangwa tsüna tetsakidha, Apvüwa na kuli keten tsathangwa tsü, Mizzatentithu ghena kulukeshü nu ketizenkesa tsathang kesü.

EZEKIEL 33:3

Ma aghi na tetsaki gho keten mu chithu ma kiden yalo kesa kekitsan hhai sapi ayyi tsüdi cüaben.

EZEKIEL 33:6

Isala keujüla aghikehiewa na aghi gho keten mu lela kemessi hhai nsa chila, nu aghi na gho kesami nyithu pathi lethu hi tsüthu keshü ghena akhhi pi aghikehiewa tsü pvü thsüaden .

EZEKIEL 7:10

Ketizenkesa tsathang na gho tendha. Keyasakeyala na mahhi sabendha, kekapvüwa na misi ntsa sadha.

EZEKIEL 7:12

Matsü na ghoden. Asenlikesa ma men nmila keten tsathang na ghoden, kepaghenanye Anyiza kemetenwa tsüna anyi tsüdi miwi ghoden.

DANIEL 6:26

Hi kadiyyi kekhu wi kebenthu tsüdila Daniel Nyizawa ha messi nu nkinyiküthu yishü kesa ahza khuchiben.” “Ma hangkebenwa Anyiza kesü, nu ma anuphanla kekhang senben. Ma kadinyu na khiela yasaya nben, nu ma kekhang na khiela asakhen sa nben.

DANIEL 9:16

No wakea tsüwi ithu khwe gho, tsalina no Jerusalem ghena leben ntsula yilo. Tsüna n-nyunutiwa, no kemetha yyishiphon wa le. Ithu na kesamithu sa nu ithu baqhaithu na nkemehai kekuli ghena ketekevü diyyithu wi keben nyithu tsüdila Jerusalem nu n-nyithu nkhichiladha.

DANIEL 9:20

Hi kekhie sakiben, hi kesamithu nu inyi Israel kesamithu khishü nu Apvüwa Anyiza na ma Kekinyijjen kemethawa tsü saneng cülo keshükene ben.

HOSEYA 5:8

Gibea wi aghi tutuwa khou chilo! Rama wi kemessi hhai sa chilo! Bethaven wi aghikesa hhai magha chilo! Aghikesa pen wi dulo, Benjamin nyithu!

HOSEYA 8:1

Apvüwa na khiben, “Kemessi hhai sa chilo! Aghinyithu na amumu ti iyyi wi juchi dugho tendha! Inyithu na hi mathu ssinu cenkethenjüh tsü pakhhi nu hi kesansijüh tsü shunla hhagheben.

JOEL 1:15

Apvüwa tsathangwa tsüna tetsakidha, Kekhang ntsawa na keyasa sengho keten tsathangwa tsü. Tsü tsathang tsüna qhethiketen khatila sengho ten nu!

JOEL 2:11

Apvüwa na jisha pi ma süpahizi wi ahza khuchi. süpahi ma jühkekinathu na ji pi khang ntsa. Apvüwa tsathangwa tsüna khatila qhethiketen saaben nu! Thowa na hangya mehai nu?

JOEL 2:15

Zion Yikha miwi tutuwa khou chilo; anyithu cighu chi nu kezi ghena ahza khuchilo!

JOEL 2:31

Apvüwa tsathang keti nu qhethiketen kesawa tsü npi kegho tuwi aghani na jang, nu asha na kemili pi ajjü ti nmieni saaben.

JOEL 3:14

Anyi hazar hazar na Ajühkekaghaten Yyiketijü wi ben. Apvüwa tsathangwa tsüna wan ciwi ghoaben .

JOEL 3:17

“Tsaseng wi Israel, no hi Apvüwa n-Nyiza le kesa chüyaben. Hi iyikha Zion kemetha miwi hangden. Jerusalem na anyunuti kemetha kesü saaden; asangthu na khiela tsü nka nengya nbendha.

AMOS 3:6

Anyunuti kesü wi aghi tutuwa khouchi lethu anyithu na nmessila benya ten kwe? Apvüwa na kesun nkechi ketizenkesa na anyunuti kesü wi gho ten kwe?

AMOS 5:18

Nthu Apvüwa tsathangwa tsü nmvu ketenthu ghena khatila qhethiketen saaben nu! Tsü tsathangwa tsüna nthu ghena kemehai mangwa saya ben nu? Nthu ghena atsathangwa tsüna kewegü nyela kejang saaben.

AMOS 8:2

Apvüwa na keü, “Amos, no mangwa mu ben nu?” Hi luneng, “Kedsau shijü kesü le.” Apvüwa na hi wi khi, “Inyi Israel ghena asakhenwa na ghodha. Hi mathu meten cü keten ghena ileben kemili ntendha.

OBADIYA 1:15

“Hi Apvüwa, mizzatentithu tsüdi jühkaghaten keten tsathangwa tsüna tetsakidha. Edom, no mangwa sadha khe pi nmiwi sa chiden. No mangwa pi nyu cü khe no tsü mu neng yaden.

ZEFANIYA 1:14

Apvüwa tsathang ketiwa tsüna tetsaki bendha — tetsaki ntsa sadha nu wan gho tendha. Atsathangwa tsüna kekha saaben, kepaghenanye süpahizi aghi kekhang ntsathu lela hhaketu sala qaiben le!

ZEFANIYA 1:16

Aghi tutuwa kekhou hhai nu süpahithu na khweti vüketheng nyunutithu nu aducü kemisi zhükethengthu ssikesali kemagha hhai na kepong tsathang kesü saaden.

ZEFANIYA 1:7

Apvüwa na ajühkekaghaten pen wi donki keten tsathang na tetsaki bendha; tsalina ma tuwi ceen benyalo. Apvüwa na ma nyithu pi ahhansha sale kiden ben, nu aghinyithu ya Judah yasalo cichidha.

ZEFANIYA 3:11

Tsü tsüwi nthu inyithu, nthu na hi shun ghole kesa tsü ghena njüghedha. Hi kapvü nu kinankeli ketenthu tsüdi khupi nu nthu na khiela iyyishiphon kemetha miwi hi matang nu nshundha.

ZEKHARIYA 14:1

Apvüwa na ajüh kekaghaten tsathangwa tsüna tetsakidha. Tsü tsüwi nyu na Jerusalem shuya, nu nthu tuwi na shukeya tsanqaithu tsüpi gishüya ben.

ZEKHARIYA 8:3

Hi inyunuti kemethawa wi ghoneng nu ciwi hangden. Tsüna jühtsentsa kesen nyunutiwa, nu Kemisintsa Apvüwa yyishiphon tsüpi kemetha yyishiphon wa le ciaben.

MALAKHI 4:1

Kemisintsa Apvüwa na khiben, “Anyi kekapvü nu nkemehaithu tsüdi pi amatsi ti mecang cü keten tsathangwa tsüna gho tendha. Tsü tsathang wi mathu pi mecang, nu mathu ji mangla nmila ben.

SHICÜSI 10:2

“Rükatssü cü pi tutuwa keni saya nu anyithu kecighu nu kemnanpen kepheghe wi senlo.

SHICÜSI 10:3

Khathansha tutuwa keni qho kekhou hhai kesie sachi khe anyitenti na gho hi ketenpen Nithsüjjen kedulen wi no vüyaben.

1 KORINTHNYI 14:8

Nu keujüla anyi tutuwa khou kebenwa na mehaitsü khoushi nchi lethu, thowa na aghi ghena kidenya mehai nu?

FILIPPINYI 2:12

Tsalina ipvüshangthu, hi nthu gweghe keben wi nthu na keshüthangla ijühkina keten tsüti hi nthu gweghe nbenla kesa wi nthu na tsü miwi ijüh nkinathu yishü. Messi nu kedheggüla kuli sen wa nthu hangshakeya cen yalo.

1 THESSALONIKANYI 5:2

Kepaghenanye Apvüwa tsathang tsüna kaghanfü na aghaja wi kegho ti ghoaben kesa nthu na mehaitsü chüben.

JAMES 5:8

Nthu la kethankehi ben yalo. Kempvüza saben, kepaghenanye Apvüwa gho keten tsathang na tetsakidha.

1 PITOR 4:7

Pala tsüdila asakhenwa tetsakidha. Nthu kekhie saben yale kesalina kekheneng nu meghe-metsa meyathu yishü.

CCÜCAKECHI 6:17

Manyi lebenkekha tsathang nkemehai tsüna ghodha, nu thowa na ciwi ngan benya mehai nu?”