JOEL 1:9 - Kemethajüh (N) (Re-editing) Bible (BSI)

⁹ Ciwi asu nyelela kisengtssü mangla pi Kekinyijjen wi kinyikeya nmidha; keqhaikedithu na mangla pi Apvüwa kinyikeya nkemi ghena ahathana nu qaiben.

JOEL 1:9 Iomraidhean Croise

2 KHENICÜKI 13:10

Isala ithu na Apvüwa ithu Nyiza kekuli sa nu ma npi teshile. Aaron shicübvügha keqhaikedithu na mathu kekuli sathu Levi nyithu na mathu kiqaden.

BVÜKESHHU 28:1

“Ncünyuwa Aaron nu ma tsathu Nadab, Abihu, Eleazar, nu Ithamar cichilo. Mathu pi keqhaikedithu sala hi kekuli sa thsüle kesalina Israel nyithu jawi na mathu khuthi kepa sayalo.

ISAYA 61:6

Nu nthu pi Apvüwa wi keqhaikedithu, nu ithu Nyiza maghathu le kesa chüben. Nthu na mizzatentithu keben-keyeng tsü sen nu anonghe nu tsüthu pi nthu ji sakeya ghena ashhü saaben.

NONKEGÜ 1:16

“Tsalina inyontssü na llepongca ben le. thola ileben satecca kecü nmi; thola hi satezü kecü nmidha. Ghinyithu na imiwi khangya; inyithu na mangla nmidha.

NONKEGÜ 1:4

Khili tsü thola kemetha tsathangthu wi Kekinyijjen wi kinyile ngholadha. Ghala ciwi akhwisa ketenthu na ketizensa, nu keqhaikedithu na kaghadhi ketan sadha. Anyunutiwa khwetithu na ghacang, nu Zion na agüccü wadha.

HOSEYA 9:4

Asang yyi tsüthu witsü mathu na kisengtssü pi kekinyi sapi Apvüwa cü nyelela ahhanshathu sapi ma cüya nben. Mathu tsse na anyi tsü kedsathu tsüdi nakhi pi keshü tsse kedsa ti saaben. Tsüna mathu kaghama wi anonkwen keya ketan; tsü kesütanla sen wa Apvüwa Kekinyijjen wi kekinyi ti saya nben.

JOEL 1:13

Aleshithsü mphi nu qailo, nthu keqhaikedithu, kekinyipen wi kekuli sa ketenthu, Kekinyijjen wi wa nu ghaja thangthang anongülo! Ciwi asu nyelela kisengtssü mangla pi nthu Nyiza kekinyi nmidha.

JOEL 1:16

Ithu su yasa keben wi ithu na hhaketu sa ghang ben. Ciwi ithu Nyiza Kekinyijjen wi anonkeghe nmidha.

JOEL 2:14

Apvüwa nthu Nyiza na ma kemeshen kemili, nu asu kejon sawegü pi nthu cüla mechü. Isathu nthu na asu nu kisengtssü pi ma kinyiya mehai.

JOEL 2:17

Kekinyijjen kedulen nu kekinyipen jüwi Apvüwa kekuli sa keten keqhaikedithu na hati qai nu kekhie nsathu yishü: “Apvüwa, n-nyithu nantizen chi cülo. Mizzatenti kepathu ya ‘Nthu Nyiza na khiewi ben nu?’ khinu ithu nkhichi nu nankeqhe nsa thsüla.”