JEREMIYA 9:3 - Kemethajüh (N) (Re-editing) Bible (BSI)

³ Mathu na keshüthangla milikemesa khile kidenden; atsentsawa nyela atsentsa nkenye pi ayyiwa senden. Apvüwa na khiben. “Inyithu na nkemehai sa kayiden, nu hi pi mathu Nyiza le sa nten.”

JEREMIYA 9:3 Iomraidhean Croise

ADECHHÜ 39:16

Josef pvüwa na ajjen wi npi kegho chu nzawa na ma gwomejuwa tsüpi ma kwen wi thengya.

KEMETSAJÜH 12:5

Atsentsa nyithu na kemeshon wina no nanden; gheshighenawa tsü no mechu mvu keten ketan.

ISAYA 1:3

Amesüsi na ma pvüwa chü, nu gada la ma pvüwa na atsse pi ma kecüpen tsü chüden. Isala inyithu Israel tsü tsü nchü. Mathu na nchütha sadha.”

ISAYA 3:5

Anyi tsüdila khokho miwi kekiyi bhaben. Ghanyithu na mathu miwi keqhaithu khichi nben, nu mangla nkenyethu na mathu miwi kebenthu nyuwa nben.

ISAYA 6:5

Hi khi, “Hi tsü ajüh nmidha! Hi dedi tendha, kepaghenanye ipang wi keshhugho jüh mabenla kesami, nu hi kesami jüh kekhithu jawi hangden. Isala, hi inyon pi Kekhang ntsawa Apvüwa mudha le!”

ISAYA 9:18

Anyi gheshighena na mecang pi anni na aghazü nu assensü mecang keten tsüti le.

JEREMIYA 12:6

Ncünyuthu, ntheghithu lela no matsadha; mathu na nyu gweghe nu no ssikaghashen. Mathu na apvüshang kesa jüh ti khi lela mathu n-nondila.”

JEREMIYA 22:16

Ma ketha-uthu jüh mehaitsü kaghaten cü, nu pala tsüdila ma ghena mehaitsü sa, Apvüwa chüben le kesa jjügi na tsüti kesa le.

JEREMIYA 31:34

Mathu thola ma pvüshangwa wi Apvüwa chüyalo kesa pi sansi nbendha, kepaghenanye kizza ntsawa na wala kedi ntsawa kecu tsüdila hi chüyaben. Hi mathu kesami teshi cü, nu hi mathu kesazzithu meshen nbendha. Hi Apvüwa, hi khidha.”

JEREMIYA 4:22

Apvüwa na khiben. “Inyithu na kejüphon; mathu na hi chü meya. Mathu na ghanyi mangla nkechü ti; mathu na mangla chüshikeya nmi. Mathu na nkemehai tsü sachü ntsawa; isala kemehai tsü saya nten.”

JEREMIYA 5:4

Tsaseng wi hi meshenya, “Hathu ha kethathau mangla nkechü nyi lale. Mathu na kejüphonthu ti saden; nu mathu Nyiza kenenwa, Apvüwa na mathu sa thsü mvu kebenwa tsü la nchü.

JEREMIYA 5:5

Hi kekhang sen keten nyi wi wa, nu mathu ssinu keccünengli den. Mathu na mathu Nyiza kenenwa, Apvüwa na mathu sa thsü mvu kebenwa tsü chübenla metsi.” Isala mathu tsüdila Apvüwa kekhang meya mvu, nu ma jüh nkina mvu laden.

JEREMIYA 6:28

Mathu na leben-dhu nu hhaghe pi lezza nu amighe kekhang ti. Mathu tsüdila maghangmeghe nu bvü kegoela nyu ghü saden.

JEREMIYA 7:26

Isala thola nkina nu meshen nchi. Tsüti kesawa nye, nthu na nthu bamyithu miwi la leben-dhu nu hhagheben.

JEREMIYA 9:5

Mathu tsüdila mathu pvüshangthu len tsütson dejaden, nu thola atsentsa khi nten; mathu na mathu mili pi milikemesa khichü, nu mathu kesami kesa zan nengya nben. Mathu na keyasa kekuli saneng den, nu kemechu kekuli sapi wwaneng den. Apvüwa na ma nyithu na ma teshile khiben.

JEREMIYA 9:8

Mathu mili na alakusü nyu ghonthi keten ti, mathu keshüthangla milimesaden. Tsüdila meza-megüshu ma jenphon ccüneng den, isala ntsakhiwa aca pi ma dieben.

EZEKIEL 8:13

Tsaseng wi Apvüwa na hi wi khi, “No mathu na tsü miwi lela nankenontssü sa keten muya- ben.”

DANIEL 11:27

Tsaseng wi kadimi keni na miz kesü wi donki nu gweghe dsaben, isala manyi kemeshen na mehai nben, nu manyi na kemechuliben. Manyi na mangwa nmvu khe muya nben, kepaghenanye tsü tsüwa na npi gho.

LEVIYEN 19:11

“N-ghanfüla, nyu nmechula, nu mili-nmesala.

MARK 8:38

Keujüla anyi kesü le kesü lela ighena nu ajühkemehaiwa ghena keqheza nu kesami nyithu shüsha tuwi jüghe lethu Anyi Tsawa na tangnyilo kemethathu ssinu Abawa nyankethang sa kegho wi anyi tsüwa cüki la pi khi jüghe waben.”

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

KEKULI 24:9

Judah nyithu la mathu gwegheya nu kekimenni jüh ha tsüdila ntsakhiwa le khi.

ROMNYI 1:16

Hi Jühtheü Kemehaiwa ghena jüghe meyacha. Kepaghenanye tsü nondi ketenthu tsüdila hangshaya kemehaiwa tsüna Anyiza kekhang, tsüna atuwa Judah nyithu nu Judah nyi nkenyethu ghena la.

ROMNYI 1:28

Mathu na Anyiza jüh atsentsawa tsü pi mathu leben wi ntheng mvu kesalina Anyiza na mathu teshidha. Tsalina mathu leben wi nkemetha meshen nu mathu na nkesau nkemehaithu tsü sa wadha.

ROMNYI 3:13

Mathu pang na ashüjjen nkejüphonla ketheng tsüti; mathu mili pi milikemesa tsü khiden, nu keshü jüh mathu pang wina keshhugho tsüna amaghang ji nkemehai tsüti shhughoden;

1 KORINTHNYI 15:34

Nthu leben metsashhu sa nengya nu nsamila yilo. Kepaghenanye nthu pahan na Anyiza npi chüyale, hi ha khi pi nthu kejügheya thsüben.

FILIPPINYI 1:28

Nthu ghinyithu nmessila keshüthangla kempvüza saben, nu hana mathu tu wi nthu na khang yaben nu mathu na nchalaben kesa chütiben, kepaghenanye Anyiza na khangkeya pi nthu chüden.

2 TIMOTHI 3:13

Anyi nkemehaithu nu nyu kemechuthu na nmehai pfüpfü, nyu mechu nu mathu ketanla mathu mechu isaben.

JUDE 1:3

Hi ketizenthu, hi ithu tsüdi kesagho ji hangshakeya cüki ha zhü pi nthu cü mvu ntsa kesa wi hi zhü pi nthu kechü-kenong chi nu nthu yala Anyiza na anuphan ghena kutitan kenondi pi ma nyithu cü kesa tsü aghechen saya thsüle kesa meshenya.

CCÜCAKECHI 12:11

Ithu cünyuthu na Khaghanenizzawa jjü nu mathu atsentsawa sheikepi ghena ma miwi khang yadha; nu mathu na mathu kahang khuchi nu shü mvu kesalina.

PENDHENYI 14:17

Nzawa na kemishu ghanan tagü chuli tsü ghena qai. Tsalina ma tagü ghanan wi ajüh jjügi tsü khi pi nzawa kiza, kepaghenanye ma tsü khipi ma tügüwa kesalina. Tsaseng wi nzawa na kheneng wa tsü jjügi khi pi ma Filistin nyithu kiza.

PENDHENYI 2:10

Abvüye tsüwa mabenla shü, nu abvüye ketheüwa na shagha Apvüwa na ma Israel ghena mangwa sachi khe nchüla.

1 SAMUEL 2:12

Eli tsathu na anyi tesütehuthu. Mathu na Apvüwa khichi nten,