JEREMIYA 8:4 - Kemethajüh (N) (Re-editing) Bible (BSI)

⁴ Apvüwa na anyi hathu wi khilo hi kiza, “Anyi kesü na khuli lela shagha neng nten kwe? Keujüla meshu kesü na alen cüzzi lela ma kheneng gho nten kwe?

JEREMIYA 8:4 Iomraidhean Croise

1 KADIMITHU 8:38

mathu kekhie hhai kina cülo. Keujüla n-nyi Israel kesü le kesü lela ahathakina wina Kekinyijjen ha wiwa peghe nu mathu kwen zankila kekhie sa lethu,

KEMETSAJÜH 24:16

Anyi atsentsawa na ma khaju tughu khuli khe ma keshüthangla shagha neng den; isala kededi na gheshighenathu yasa cüden.

ISAYA 44:22

Hi no kesamithu teshi pi akulukeshü ti bvü thsüdha. Hi wi kheneng gholo; hi no hangshaya ketenwa tsüle.

ISAYA 55:7

Gheshighenathu ya mathu kahang yen teshi, nu mathu kemeshen kemili thsülo. Mathu ya Apvüwa ithu Nyiza wi kheneng gho thsü; ma nantizen nu wan kesami teshi cüden.

JEREMIYA 23:14

Isala hi Jerusalem wi atusenjüh-kechüthu na tsü miwi nkemehai kuli keben mudha: mathu keqheza kuli nu milimesaden; mathu na anyithu kiqa pi sami thsü, tsalina thola nkemehai kekuli nteshi. Ituwi tsü mathu na Sodom nu Gomorrah nyithu nkemehai ti le.

JEREMIYA 3:1

Apvüwa na khiben, “Keujüla npvüza kesü na ma wubvü yisha, nu tsüwa na ma wuba teshi theng nu npvüza kepa wi wubvü sa wa lethu, ma nzawa tsü ssineng keya jüh nmi. Hati kesa wina ayyiwa tsü nakhi waben . Isala Israel, no no kenen nyi kejon saghodha, nu khili hi wi ghoneng le saben man!

JEREMIYA 3:22

Apvüwa wina bvü kesathu tsüdila kheneng gholo; ma nthu sapi mehai cü nu nthu sapi jühtsentsa sa cüden. Nthu na khiben, “Anle, ithu na Apvüwa wi ghoaden, kepaghenanye ma ithu Nyizawa le.

JEREMIYA 36:3

Judah nyithu na hi sen nu mathu miwi ghole keben kededithu cüki tsüdi zaya nu mathu kekuli nkemehai wina kheneng sen nu hi wi gho nashe, isathu hi mathu gheshighena kekuli nu kesamithu teshi cüaden .”

JEREMIYA 4:1

Apvüwa na khiben, “Israel nyithu, nthu na kheneng mvu lethu hi wi kheneng gholo. Nthu na hi nkenanmvu tsikezhüthu tsü khupia, nu hi wi jühtsentsa sen lethu,

EZEKIEL 18:23

No kemeshen tsü hi anyi nkemehai kesü keshü tsü mu pi inonghe tenle ben kwe? Kemisintsa Apvüwa na keü. Nyele, hi ma ya aleben khapegheya nu hangkeyawa hi nen le.

HOSEYA 14:1

Apvüwa nthu Nyiza wi kheneng gholo, Israel nyithu. Nthu kesami na nthu sapi accümeshü nu khuli thsüdha.

HOSEYA 6:1

Anyithu na khiben, “Ithu Apvüwa wi kheneng wa na! Ma ithu patenadha, isala ithu sapi mehai neng cü metsi; ma ithu mesa-menadha, isala ma ithu yisüthu qhan cü metsi, ma isa nben kwe?

HOSEYA 7:10

Israel nyithu wikesa na magha pi mathu matangben. Pala tsüdila tsüti saben lela mathu na mathu Pvüwa Anyiza, hi wi kheneng ngho.

AMOS 5:2

Israel pvünyimethawa na khulidha, khiela nshagha nengdha! Ma teshi pi ayyi wi chidha, nu thola ma npieki.

MIKA 7:8

Ithu ghinyithu na ithu nankeqhe keya jjügi nmi. Ithu na khulidha, isala ithu na shagha neng shaben. Ithu na khili kejang wi ben, isala Apvüwa na kewegü pi ithu cüben.