JEREMIYA 8:1 - Kemethajüh (N) (Re-editing) Bible (BSI)

¹ “Tsü tsüwi kadimithu nu Judah kedithu güthu, nu keqhaikedithu nu atusenjüh-kechüthu, nu anyi kepa Jerusalem wi kahangthu gü lela mathu shüjjen wina khushi yaben.

JEREMIYA 8:1 Iomraidhean Croise

1 KADIMITHU 13:2

Apvüwa yenkhukechi kenie wina atusenjüh-kechüwa na jisha pi kekinyipenwa tsü shun; “O kekinyipen, kekinyipen, Apvüwa na hati khiben: David theghi wi ghanyi kesü ma nyan Josiya kesa pvügha yaben. Ma nmiwi Anyiza nkechü kekinyipenthu wi ahhansha sa keten keqhaikedithu tsü pathiaben, nu ma anyi güthu pi nmiwi mecang ben.”

2 KADIMITHU 23:16

Tsaseng wi Josiya na ghangkevüli chi nan yyishiphon miwi ashüjjenthu pahan muya; ma tsüthu wi anyi güthu khushiya thsü nu pi kekinyipenwa miwi mecang thsüa. Hatinu ma kekinyipenwa tsü sapi anyan kenyen thsüa, hawa ha kheni akho tsüwi Kadimi Jeroboam na kekinyipenwa kete wi ngan keben atusenjüh-kechüwa ha kekhiwa shüjjen tsü muya,

2 KADIMITHU 23:20

Ma kekinyipenthu miwi ciwi kekuli sa keten Anyiza nkechü keqhaikedithu tsüdila pathia, nu anyi güthu pi kekinyipen tsüdi miwi mecangchia. Tsaseng wi ma Jerusalem wi kheneng wha.

2 KADIMITHU 9:37

Ma gwo tsü dezighe pi amesü keku ti sa nu thola tsüna Jezebel le kesa chüshi meyala ben.’ ”

ZAKECI 53:5

Isala mathu na kheni tsüti npi kesa ghena mathu keqhethi kidenya tendha, kepaghenanye Anyiza ma nyi ghinyithu güthu tsü pazigheaden. Anyiza na mathu meya mvu ladha, nu tsüghena Israel yala mathu miwi khangya thsüaden .

JEREMIYA 14:16

Mathu na ajüh hapi thothu kiza khe tsüthu la tsü makesü pathiaben. Mathu kamangthu pi Jerusalem lentonti wi khala, nu thola mathu pi nvhü laben. Ha mathu tsüdi miwi kuliben — mathu wubvü, nu mathu tsangathu saghu. Hi mathu ya mathu gheshighena kutimen dhi thsüden.’

EZEKIEL 37:1

Hi Apvüwa kekhang kidhenya, nu ma ghamu na hi ssi wa ayyiketijü kesü wi agüthu na pong keben pen wi tsü chia.

EZEKIEL 6:4

Kekinyipenthu pheghe nu hankedemvu kemecang kekinyipenthu tsüdila pakhhiaben . Ciwi anyithu tsüdi pi mathu tsikezhüthu tuwi na pathiaben .

EZEKIEL 6:5

Hi Israel nyithu kamang pi vvüzighe cüden; hi mathu gü tsüpi mecang pi kekinyipenthu kevü tsüdi vvüzighe chi cüden.

AMOS 2:1

Apvüwa na khiben, “Moab nyithu na samila sami neng sa, tsalina hi ha ghena mathu meten cü metsiden. Mathu na Edom kadimiwa güthu tsü nyuwakü nsala mecang pi ayyinikhu ceng thsüa.