JEREMIYA 5:3 - Kemethajüh (N) (Re-editing) Bible (BSI)

³ Ntsakhiwa Apvüwa na jühtsentsa kesen tsü ghangden. Ma nthu kihhe cü, isala nthu tsü nkhichi; ma nthu pacha cü, isala nthu chü meya mvula. Nthu na leben-dhu nu nthu kesami wina kheneng meya mvula.

JEREMIYA 5:3 Iomraidhean Croise

ADECHHÜ 19:34

Dhitsüwa wi anga keqhaiwa na ma pvünonwa wi kiza, “Hi khija iba ssijendha; shita la ma ya adinaya thsü nu no wa ma ssijenlo. Isanu ishinyi qho ishinyi ba wina ashicü muya na.”

1 KADIMITHU 13:33

Isala Kadimi Jeroboam na khilila ma nkemehai lenthu wi khapeghe meyala atheghi jümuthu wi keqhaikedithu kessi pi ma kekinyipen kesathu witsü kekuli sa thsüben. Ma anyi kesü le kesü lela keqhaikediwa samvu kebenwa tsü khuthipi sa thsüa.

2 KADIMITHU 1:13

Kadimiwa na kheneng kuti anyi deni pi kedi kesü gweghe kesunchi. Ma ayyishiphon wi gila Elijah tuwi akhhutsü nu khi, “Anyiza nyiwa, hi nu inyithu nantizen chi cülo. Ikhang kahangli heisha cülo!

2 KHENICÜKI 16:9

Apvüwa na ayyi maben wi ghangki benden, nu anyi thowa na ma wi leben tsentsa saten khe ma kezü pi tsüthu cüle saden. No kejüphon kekuli sadha, tsalina khili nten na no aghisa ben tendha.”

2 KHENICÜKI 28:22

Ahaz na khathansha wi agüccü ntsa sa khe ma kheni mila sami pfü pi Apvüwa shun wa.

ZAKECI 51:6

Apinonketsü nu atsentsa tsüna no yamvu ketenwa tsüle; no kemetsa tsüpi hi pong cülo.

ZAKECI 51:8

Hi ya anonkeghe nu kenong hhai tsü zaya thsülo; nu no hi pacha nu pakhhi lela, hi kheneng matsü kesü inonghe yaden.

ZAKECI 55:20

Hi kegweghe kaghawenwa na ma pvüshangthu matang; ma jüh khishikechithu tsü pakhhia.

KEMETSAJÜH 21:29

Ketsatan nyithu na mathu ketanla mathu chütiben; gheshighenathu na mathu saya kemehai chu nkenye ghe saden.

KEMETSAJÜH 22:12

Apvüwa na milikemesathu jüh tsü meyala atsentsawa pi mehaitsü ketheng tsü ghangden.

KEMETSAJÜH 23:35

No khiden, “Hi kihhe theng changla, hi kiccü thengla metsi, isala hi tsü meshen meya. Mangkesa na hi shagha meya nu? Hi pala njjüthu yishüdha.”

KEMETSAJÜH 27:22

Keujüla no kejüphonwa kihhe pi shütu-hangtu lela, no khiela ma kejüphonwa tsü kihheshiya nben.

ISAYA 26:11

Nghinyi na no kemeten pi mathu cüle keben tsü nchü. Apvüwa, mathu ya kejügheya, nu ketizensa thsülo; mathu ya no kemeten kiden ketheng witsü ketizensa thsülo. No khacu n-nyithu ghali khe pi mathu ccücalo.

ISAYA 42:25

Tsalina ma ithu ya ma leben ketsu kekhang chüya, nu aghi kedhu wi ketizensa thsüa. Ma leben ketsu na anni ti Israel yyi tsüdi mecang, isala ithu na mangwa saben khe nchü; ithu na ciwi mangla chü meyatha sa.”

ISAYA 48:4

Kepaghenanye nthu na leben-dhu le kesa hi chü, nthu sun na zü pi amighe ti nu nthu tie na khang pi lezza ti le.

ISAYA 9:13

Apvüwa Kekhang ntsawa na kemeten pi mathu cü lela Israel nyithu na leben khapeghe meya, mathu na kheneng sen nu ma wi ngho.

JEREMIYA 15:7

Ayyiwa wi anyuti tsüdi wi la hi nthu pi amatsi ti ameghü wi keghüki. Hi nthu inyithu yasa, hi nthu tsangathu pathi, kepaghenanye nthu na nthu kekuli nkemehaithu tsü nteshi.

JEREMIYA 17:23

Mathu bamyithu na ijüh nkina nyelela mathu leben nchi. Tsüti kesawa nyela mathu na leben-dhu wa; mathu na ijüh nkina mvu nyelela hi wi pala chüya mvuthi nsa.

JEREMIYA 19:15

Apvüwa Kekhang ntsawa, Israel Nyizawa na khi, “Hi anyunuti hawa nu tsü kevü wi anyutithu tsüdi miwi kemeten pi cüle khi ketheng tsüdi pi cüaden, kepaghenanye nthu na leben-dhu nu hi kekhi jüh kina nketen ghena.”

JEREMIYA 2:30

Hi kemeten pi no cü, isala tsüna mangla kemehai sa meya. No hi ya no satemeshon nsa thsü mvula. No ssensitemi kedaggü kesü ti atusenjüh-kechüthu pathi.

JEREMIYA 3:3

Tsalina atsankegho kheneng pi nu pathsü tsan la ngho ladha. No ghang pi keqheza menkedsa nyi ti sadha; isala no jüghe nben.

JEREMIYA 32:19

No acho kemetsa kiden nu pala ketiti kuliden; no anyithu na kuli keten tsüdila mu, nu mathu kekuli qei wina akutimen pi cüden.

JEREMIYA 44:10

Isala nansü kecu la nthu na nthu satemeni meya. Nthu na hi kinyikü nten nyelela hi ayenthu pi nthu nu nthu baqhaithu kecü tsüdila nie nu hang meya ladha.

JEREMIYA 7:26

Isala thola nkina nu meshen nchi. Tsüti kesawa nye, nthu na nthu bamyithu miwi la leben-dhu nu hhagheben.

JEREMIYA 7:28

No mathu wi mathu mizzatenti na Apvüwa, mathu Nyizawa ijüh nkina nyelela mathu kemeten wi mangla chü meyale kizaben. Jühtsentsa kesawa tsüna shüdha. Tsü cüki nkeccünengli ladha.”

JEREMIYA 8:5

Isalethu inyithu, mangkesa na nthu na hi wina bvü nu kheneng ngholadha nu? Nthu na atsikezhüthu tsü nteshi nu hi wi kheneng ngho mvu ladha.

EZEKIEL 2:4

Mathu na leben-dhu nu hi nyuwakü nsa, tsalina hi no kesun pi Kemisintsa Apvüwa, hi mathu wi kiza keben jüh hapi mathu kiza thsüle saben.

EZEKIEL 24:13

Jerusalem, no nketsatan kekulithu tsüna no nakhidha. Hi no sametha le kiden lela no kinakhi pvü nu ben. No ileben keminu tsüdi npi pvükeya tsü metha nengya nbendha.

DANIEL 9:13

Mosa Yenwa wi kemeten cüki zhüketheng tsüti tsüdi ithu miwi ghodha. Isala khili lela, O Apvüwa ithu Nyiza, ithu na kesami wina kheneng nyelela no wi atsentsawa tsü nie nu no kenenwa sale nsaladha.

LEVIYEN 26:23

“Kemeten hathu tsüdi miwi la nthu na ijüh nkina mvula hi shun lethu,

AMOS 4:10

“Hi adhagha kesü kesun pi Ejipt miwi kechi tsüti kesun pi nthu miwi la chicü. Hi aghi wi n-nyi kepvüzathu pathia nu nthu goruthu ssi bvüa. Hi nthu kemnanpen wi akamangthu kebighe han pi nthu metsan pong cü. Tsaseng wi lela nthu na hi wi kheneng ngho.

AMOS 4:11

“Hi Sodom nu Gomorrah keyasa ti nthu pahan yasa cü. Nthu hang keyathu na anni wina khushikeya annishiki ti le. Isalela nthu na hi wi kheneng ngho,” Apvüwa na khiben.

AMOS 4:6

“Azeng sengho nthu nyunutithu tsüdi wi kechiwa tsüna hi, isala nthu na hi wi kheneng ngho.

AMOS 4:8

Dighe pi nzüla, anyunuti keni-kecheng wi anyithu na atssü muya benshe sala anyunuti kesü wi wa, isala ciwi kejjü qo nmi. Ciwi lela nthu na hi wi kheneng ngho.

AMOS 4:9

‘Hi ameghü kisa kesun pi nthu lli mo teqha thsüa. Ashiqathu na nthu sanku nu kemeshentsse llithu, nthu khhaghabvü nu oliv tonthu dsa. Tsaseng wi lela nthu na hi wi kheneng ngho.

ZEFANIYA 3:7

Tsaseng wi hi kemeshen na inyithu na hi kinyikü nu hi sansikha tsü yaya, nu hi chüthsü pi mathu kesansi tsü mali nbenle sa. Isala mathu na wan nu kheni ti nkemehai sa wa.

ROMNYI 2:2

Nu Anyiza na tsüthu ghan-nan lela tsüna saji le kesa ithu na chüben.

IBRINYI 12:9

Asajjü wi abathu na ithu sansikha ten nu ithu na mathu kinyiküden. Isalethu, ithu na tsü miwi khacu ithu ghamulen wi Abawa tsü jühkina nu kahang-u nu!